កីឡា
ក្រុមនារី DG Angelz និង Burn X Flash ជាជើងឯកវិញ្ញាសា MLBB ឆ្ពោះទៅស៊ីហ្គេម២០២៣
ក្រុមកីឡាករ Burn x Flash និងក្រុមកីឡាការិនី DG Angelz បានក្លាយជាជើងឯកនៃការប្រកួតវិញ្ញាសា Mobile Legends: Bang Bang ដើម្បីដំណើរឆ្ពោះទៅចូលរួមប្រកួតកីឡាស៊ីហ្គេម លើកទី៣២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ។
សហព័ន្ធកីឡាអេឡិចត្រូនិកកម្ពុជា (EFC) បានរៀបចំការប្រកួតជ្រើសរើសជើងឯកកីឡាអេឡិចត្រូនិកលើវិញ្ញាសានេះដោយមានក្រុមបុរសចំនួន១៧៩ក្រុម និងនារីចំនួន២២ក្រុមបានចុះឈ្មោះចូលរួមប្រកួត។ ការប្រកួតជម្រុះផ្នែកបុរសត្រូវបានចាប់ផ្តើមពីថ្ងៃទី១៧ ដល់ទី១៩ ខែកុម្ភៈ ឆ្នាំ២០២៣ ដើម្បីជ្រើសរើសយកក្រុមខ្លាំង៤ឡើងទៅប្រកួតជុំចុងក្រោយ។ ចំពោះការប្រកួតផ្នែកនារីចាប់ពីថ្ងៃទី១៨ ដល់ទី១៩ ខែកុម្ភៈ ឆ្នាំ២០២៣ ក៏ដើម្បីជ្រើសរើសយក៤ក្រុមសម្រាប់ការប្រកួតជុំចុងក្រោយដែរ។
ការប្រកួតជុំចុងក្រោយកាលពីថ្ងៃថ្ងៃសៅរ៍-អាទិត្យនេះ បានរកឃើញជើងឯកទាំងផ្នែកនារី និងបុរស។ ការប្រកួតវគ្គផ្តាច់ព្រ័ត្រ ក្រុមកីឡាការិនី DG Angelz ទទួលបានជ័យជំនះទៅលើក្រុមនារី CFU Serendipity ក្នុងលទ្ធផល ៣ទល់នឹង១ ដើម្បីក្លាយជាម្ចាស់ជើងឯក។
ចំណែកក្រុមកីឡាករ Burn x Flash ក៏ប្រើពេលរហូតដល់៤ហ្គេមដែរទើបបានក្លាយជាជើងឯកគឺទទួលបានជ័យជំនះទៅលើក្រុម CFU Gaming ក្នុងលទ្ធផល ៣ទល់នឹង១។
យ៉ាងណា តាមការឲ្យដឹងពី សហព័ន្ធកីឡាអេឡិចត្រូនិកកម្ពុជាថា ក្រុមជើងឯកនីមួយៗនៅមិនទាន់ក្លាយជាក្រុមជម្រើសជាតិសម្រាប់ការចូលរួមប្រកួតស៊ីហ្គេម លើកទី៣២ ឡើយ។ ក្រុមដែលឈានដល់វគ្គ៤ក្រុមចុងក្រោយ នឹងត្រូវបានគណៈកម្មការជំនាញ និងគ្រូបង្វឹកជ្រើសរើសកីឡាករ កីឡាការិនីដែលខ្លាំងៗតាមជំនាញរៀងៗខ្លួនដើម្បីបង្កើតជាក្រុមជម្រើសជាតិពិតប្រាកដ ដូច្នេះមានន័យថា សមាជិកក្រុមដែលមិនបានឈ្នះជើងឯកក៏អាចមានឱកាសក្លាយជាកីឡាករជម្រើសជាតិកម្ពុជាដែរ។
គណៈកម្មាធិការជាតិរៀបចំការប្រកួតកីឡាស៊ីហ្គេម លើកទី៣២ ឆ្នាំ២០២៣ (CAMSCO) សហការជាសហព័ន្ធកីឡាអេឡិចត្រូនិកកម្ពុជា បានសម្រេចដាក់កីឡាអេឡិចត្រូនិកចំនួន៦ប្រភេទ ស្មើនឹង៩វិញ្ញាសា។
– AK2 មាន២វិញ្ញាសា (ក្រុមបុរស និងឯកត្តជនបុរស),
– BUBG មាន២វិញ្ញាសា (ក្រុមបុរស និងឯកត្តជនបុរស),
– Mobile Legends: Bang Bang មាន២វិញ្ញាសា (ក្រុមបុរស និងក្រុមនារី),
– League of Legends: Wild Rift មាន១វិញ្ញាសា (ក្រុមបុរស),
– Valorant មាន១វិញ្ញាសា (ក្រុមបុរស)
– Cross Fire មាន១វិញ្ញាសា (ក្រុមបុរស)។
ការប្រកួតកីឡាស៊ីហ្គេម លើកទី៣២ ឆ្នាំ២០២៣ ចាប់ពីថ្ងៃទី៥ ដល់ទី១៧ ខែឧសភា ខណៈប្រភេទកីឡាអេឡិចត្រូនិកត្រូវធ្វើការប្រកួតនៅសណ្ឋាគារណាហ្គាវើលដ៍៕
អត្ថបទ៖ វីរបុត្រ
៧មករាជាជីវិតទី២ ដែលជួយគ្រួសារខ្មែរ និងប្រទេសជាតិទាំងមូលឱ្យតាំងនៅដល់សព្វថ្ងៃ
សមត្ថកិច្ចចេញបទបញ្ជា និងចុះណែនាំអ្នកលក់ អ្នកលេងផាវ កាំជ្រួច នាឱកាសចូលឆ្នាំប្រពៃណីចិនខាងមុខ
មកដឹងចំណុចពិសេសនៃទេពកោសល្យច្រៀងរបស់ ព្រាប សុវត្ថិ
សហជីព កម្មករ និងពលរដ្ឋ ៖ បើគ្មានថ្ងៃជ័យជម្នះ៧មករា ពួកគាត់គ្មានឱកាសទទួលបានការងារសមរម្យឡើយ
រុស្ស៊ីផ្ដល់អាហារូបករណ៍៣កន្លែងសម្រាប់ជំនាញទាក់ទងនឹងនុយក្លេអ៊ែរស៊ីវិលដល់និស្សិតកម្ពុជា
សមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី
អ្នកសិល្បៈ តក់ស្លុត និងសោកស្តាយនូវការបាត់បង់ តារា Rapper RuthKo ជួបគ្រោះថ្នាក់ចរាចរណ៍យប់មិញ
បិទចរាចរណ៍នៅកំពង់ចម្លងជ្រោយចង្វារ កំពង់ចម្លងអរិយក្សត្រ និងកំណាត់ផ្លូវមួយចំនួន ជុំវិញមហោស្រពកោះពេជ្រ ស្អែកនេះ
មកដឹងពីជីវិតសិល្បៈត្រួសៗរបស់ Rapper ល្បីឈ្មោះ Ruthko
ស្ពានឆ្លងទន្លេភ្ជាប់ទៅផ្លូវល្បឿនលឿន ដីឥដ្ឋ-ថ្មគរ ឈានទៅខួងគ្រឹះ ខណៈមានការសង់ស្ពានដែកបណ្តោះអាសន្នសម្រួលការងារសាងសង់
-
ព័ត៌មានជាតិ៥ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍១ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៥ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ព័ត៌មានជាតិ៥ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
សេដ្ឋកិច្ច៥ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
សេដ្ឋកិច្ច៥ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
ព័ត៌មានជាតិ៤ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
កីឡា៤ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ