កីឡា
មូលហេតុធំ ដែល U-22 កម្ពុជា ចេញទៅហ្វឹកហាត់នៅ ថៃ ដើម្បីត្រៀមស៊ីហ្គេម ២០២៣
ក្រុមបាល់ទាត់ជម្រើសជាតិកម្ពុជាអាយុក្រោម ២២ ឆ្នាំ (U22) នឹងចេញដំណើរទៅបោះជំរំហ្វឹកហាត់នៅលើកោះសាមុយ ប្រទេសថៃ ដើម្បីត្រៀមខ្លួនប្រកួតកីឡាស៊ីហ្គេម លើកទី ៣២ ឆ្នាំ ២០២៣ នៅរសៀលថ្ងៃទី ២៧ នេះ ដែលជាការបោះជំរំហ្វឹកហាត់ដំណាក់កាលទី ១។
ខណៈទៅហ្វឹកហាត់នៅថៃ អ្នកគាំទ្រកម្ពុជា ក៏បានសម្ដែងការងឿងឆ្ងល់ថា ហេតុអ្វីបានជាទៅក្បែរប្រទេសជិតខាង ឬក៏ត្រឹមតែប្រទេសថៃ ដោយមិនសម្លឹងទៅប្រទេសដែលមានការអភិវឌ្ឍបាល់ទាត់ខ្ពស់ជាងនេះដូចជាជប៉ុន ឬក៏កូរ៉េខាងត្បូងជាដើម។ យ៉ាងណាមិញជាមួយគ្នានេះ លោក ភា សុភ័ក្ត្រា គ្រូជំនួយ នៃក្រុមជម្រើសជាតិកម្ពុជា ក៏បានជម្រាបជូនពីមូលហេតុដោយផ្អែកលើហេតុផល និងកត្តាសំខាន់ៗមួយចំនួន។
លោក ភា សុភ័ក្ត្រា បានបង្ហើបដូច្នេះថា ៖ «ការធ្វើដំណើរទៅមក មិនចង់ឲ្យមានការរំខានពីការផ្លាស់ប្ដូរទីកន្លែងហ្វឹកហាត់ ចង់ឲ្យកីឡាករទាំងអស់មានការប្រមូលអារម្មណ៍ខ្ពស់ ប្រៀបដូចជាក្រុមធំៗនៅលើពិភពលោកដែលគេតែងតែហ្វឹកហាត់ Pre Season ដោយទៅរកកន្លែងហ្វឹកហាត់ដែលដាច់ស្រយាល ឬក៏មានបរិយាកាសដាច់ដោយឡែក ជាពិសេសទេសភាព ដែលងាយស្រួលដល់ក្រុមបាល់ទាត់រៀបចំកម្មវិធី Team Building និងចង់ឲ្យកីឡាករងាយស្រួលប្រមូលអារម្មណ៍ និងទម្លាប់ជាមួយនឹងការត្រៀមខ្លួនដើម្បីការប្រកួត»។
លោកក៏បានបន្តទៀតថា ការហ្វឹកហាត់ដំណាក់កាលទី ១ នេះ គឺផ្ដោតខ្លាំងទៅផ្នែកកាយសម្បទា ដែលទាមទារឲ្យមានកន្លែងដែលមានសម្ភារៈហ្វឹកហាត់ទំនើប ហើយក្នុងជំរំនេះមានការហ្វឹកហាត់ ២ ពេល ដែលមានការហ្វឹកហាត់ផ្នែកកាយសម្បទាផង និងការហ្វឹកហាត់សម្រាប់កីឡាករមុននឹងទៅដល់ការហ្វឹកហាត់លើទីលាន គឺ gym ខ្លីៗ ដើម្បីឲ្យរាងកាយបន្សាំជាមួយការត្រៀមខ្លួននឹងការហ្វឹកហាត់ ក៏ដូចជាការកាត់បន្ថយការប៉ះទង្គិចបញ្ហារបួសផងដែរ។
ក្នុងជំរំហ្វឹកហាត់នេះ U-22 កម្ពុជា ក៏ស្វែងរកក្រុមធ្វើការប្រកួតមិត្តភាពកម្ដៅសាច់ដុំផងដែរ ដើម្បីវិនិច្ឆ័យកីឡាករក្នុងការជម្រុះចេញពីក្រុម។
គួររំលឹកថា សម្រាប់ការហ្វឹកហាត់ដំណាក់កាលទី ១ មានកីឡាករ ៣០ រូប នឹងចាប់ផ្ដើមហ្វឹកហាត់ពីថ្ងៃទី ២៧ ខែកុម្ភៈ ដល់ថ្ងៃទី ១៥ ខែមីនា ឆ្នាំ ២០២៣។ ក្នុងដំណាក់កាលទី ១ នេះចប់ នឹងមានការជម្រុះកីឡាករចេញខ្លះ ដើម្បីបន្តដំណាក់កាលទី ២។
បញ្ជាក់ថា លើកទី ៣២ ដែលកម្ពុជាធ្វើជាម្ចាស់ផ្ទះ នឹងចាប់ផ្ដើមពីថ្ងៃទី ០៥ ដល់ថ្ងៃទី ១៧ ខែឧសភា ឆ្នាំ ២០២៣។ សម្រាប់ប្រភេទកីឡាបាល់ទាត់នឹងចាប់ផ្ដើមមុនពិធីបើក ៦ ថ្ងៃ ដោយសារត្រូវប្រកួតយូរថ្ងៃ ពោលគឺនឹងប្រកួតពីថ្ងៃទី ២៩ ខែមេសា ឆ្នាំ ២០២៣៕
អត្ថបទ ៖ មន្នីរ័ត្ន
រដ្ឋមន្ត្រីមហាផ្ទៃឱ្យអាជ្ញាធរភ្នំពេញរំដោះចិញ្ចើមផ្លូវ ខណៈនៅតែមានការរំលោភយកធ្វើឱ្យកកស្ទះ
បារាំង ចេញដីកាលើកទី២ ដើម្បីចាប់ខ្លួនអតីតមេដឹកនាំស៊ីរី
បើករថយន្ដបុកដើមឈើ ស្លាប់ម្នាក់ និងរបួស២នាក់
DJ Kdep ថា ឱ្យតែឈប់គាំទ្រការធ្វើទីផ្សារបែបបំពុលសង្គម គឺលែងមានក្រុមអ្នកបំពុលសង្គមហើយ
LA កើតភ្លើងឆេះព្រៃថ្មីទៀត រាលដាលលឿនបំផុត បង្ខំឲ្យជម្លៀសមនុស្ស ជាង៣ម៉ឺននាក់
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
តារាសម្តែងជើងចាស់ រ៉េត រ៉ូស ប្រាប់អ្នកសិល្ប:ជំនាន់ក្រោយ ប្រយ័ត្នផលិតករកេងប្រវ័ញ្ចលើកម្លាំង
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
ត្រាំ បញ្ជាឲ្យសមត្ថកិច្ចអាមេរិក ចាប់ខ្លួនជនអន្តោប្រវេសន៍ខុសច្បាប់ នៅតាមសាលារៀន និងព្រះវិហារ
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៦ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៣ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៧ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ១ សប្តាហ៍ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៧ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់