កីឡា
លោក Conor សរសើរ Nick Taylor រកទីតាំងល្អឥឡូវ តែត្រូវការពេលបន្ថែម
កីឡាករបាល់ទាត់ខ្មែរ-អាមេរិក Nick Taylor រកបានគ្រាប់បាល់នៅពេលរូបគេបានបង្ហាញខ្លួនជាផ្លូវការលើកដំបូងឲ្យក្លឹបព្រះខ័នរាជស្វាយរៀង និងក្របខណ្ឌពានរង្វាន់ខេមបូឌានលីគខាប់២០២៣ ក្នុងសប្តាហ៍ទី៣ កាលពីថ្ងៃអាទិត្យ ទី២៦ ខែកុម្ភៈកន្លងទៅនេះ។
ព្រះខ័នរាជស្វាយរៀងរកបាន៣ពិន្ទុជាលើកដំបូងក្នុងការប្រកួតខេមបូឌានលីគខាប់ នៅពេលពួកគេបានយកឈ្នះលើក្រុមអង្គរថាយហ្គឺរដោយលទ្ធផល ០-៥ នៅទឹកដីខេត្តសៀមរាប់។

៥គ្រាប់របស់ព្រះខ័នរាជស្វាយរៀងកើតមាននៅវគ្គទី២ បន្ទាប់ពីគ្មានគ្រាប់បាល់នៅវគ្គទី១។ ខ្សែប្រយុទ្ធកម្ពស់ខ្ពស់ Marcus Haber រកបាន៣គ្រាប់ម្នាក់ឯងនៅនាទី ៥២, ៦២, និង ៧២ ហើយ ប្រាក់ មុន្នីឧត្តម ទាត់បាល់ហ្វ្រីកឃីត ចូលនាទីទី៥៦ និង Nick Taylor រកបាន១គ្រាប់។
កីឡាករខ្មែរ-អាមេរិកជម្រើសជាតិកម្ពុជា Nick Taylor ត្រូវបានប្តូរចូលជំនួស ប្រាក់ មុន្នីឧត្តម ហើយចំណាយពេលត្រឹមតែ៦នាទីនៅលើទីលានក៏ស៊ុតចូលបាន១គ្រាប់នៅនាទី៦៩។ នេះជាការបង្ហាញខ្លួនលើកដំបូងឲ្យព្រះខ័នរាជស្វាយរៀង និងខេមបូឌានលីគខាប់ ហើយរកបានគ្រាប់បាល់តែម្តង។

ពាក់ព័ន្ធនឹងការបង្ហាញខ្លួនលើកដំបូង ហើយរកបានគ្រាប់បាល់នេះ លោក Conor Nester គ្រូបង្វឹកព្រះខ័នរាជស្វាយរៀងបានប្រាប់«កម្ពុជាថ្មី»ថា ៖«នេះជាការចាប់ផ្តើមដ៏ល្អមួយសម្រាប់ Nick Taylor។ គាត់ចេះបំលាស់ទីដើម្បីស្វែងរកចន្លោះ ឬឱកាសបានល្អហើយឥឡូវនេះ ប៉ុន្តែគាត់ត្រូវការពេលវេលាបន្ថែមទៀត ដើម្បីបង្កើនឲ្យកម្រិតកាយសម្បទារបស់គាត់ពេញលេញ»។
សម្រាប់ការបង្ហាញខ្លួនជាលើកដំបូងនេះ Nick Taylor ត្រូវបានអ្នកគាំទ្រកោតសរសើរពីបច្ចេកទេសលេងដ៏គួរឲ្យចាប់អារម្មណ៍តាមចង្វាក់មួយប៉ះ និងបញ្ជូនបាល់ល្បឿនៗឲ្យមិត្តរួមក្រុម។ រូបគេអាចនឹងកាន់តែធ្វើបានល្អសម្រាប់ការប្រកួតបន្ទាប់៕

អត្ថបទ៖ វីរបុត្រ

-
ព័ត៌មានអន្ដរជាតិ១៥ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?