កីឡា

លោក ស៊ន អេលីត ពេញចិត្ត ពេជ្រ សម្បត្តិ លើកក្រោយផ្តល់តម្លៃខ្លួន២ពាន់ដុល្លារ

បានផុស

២ years មុន

នៅ

ថ្ងៃពុធ ១ មីនា ២០២៣

ដោយ

លោក ស៊ន អេលីត ស្ថាបនិកកម្មវិធីប្រដាល់«Kun Khmer All Star»ពេញចិត្តយ៉ាងខ្លាំងចំពោះការប្រកួតរបស់អ្នកប្រដាល់គុនខ្មែរ ពេជ្រ សម្បត្តិ ដែលបានប្រកួតកាលពីថ្ងៃចន្ទ ទី២៧ ខែកុម្ភៈកន្លងទៅនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីឃើញក្របីព្រៃ ពេជ្រ សម្បត្តិ បង្ហាញសមត្ថភាពលើសង្វៀនដ៏អស្ចារ្យ និងទទួលបានការគាំទ្រយ៉ាងខ្លាំងពីអ្នកស្នេហាប្រដាល់គុនខ្មែរអំពីភាពរឹងមាំ កម្លាំងស៊ុហ្វខ្លាំង និងអាវុធធ្ងន់ល្អដែលកម្រមានកីឡាករណាដូចណាស់ ដូច្នេះបានជាធ្វើឲ្យ លោក ស៊ន អេលីត ពេញចិត្តយ៉ាងខ្លាំង។

ព្រឹកថ្ងៃព្រហស្បតិ៍ ទី១ ខែមីនានេះ លោក ស៊ន អេលីត បានលើកឡើងថា ៖«បើសិនជាមានកម្មវិធីគុនខ្មែរអលស្តារវគ្គក្រោយមែន សម្រាប់វត្តមាន ពេជ្រ សម្បត្តិ ខ្ញុំនឹងជូនតម្លៃខ្លួនគាត់2.000$ តើស័ក្តិសមឬទេបងប្អូន?

សូមបញ្ជាក់ថា សម្រាប់ការប្រកួតកាលពីដើមសប្តាហ៍កន្លងទៅនេះ ពេជ្រ សម្បត្តិ ទទួលបានតម្លៃខ្លួនចំនួន១០០០ដុល្លារអាមេរិក និងទទួលបានការឧបត្ថម្ភលើកទឹកចិត្តបន្ថែមពីលោក ស៊ន អេលីត ចំនួន៤លានរៀល និងសប្បុរសជនជាច្រើនទៀត។

ឆ្លងកាត់ការប្រកួតដ៏ជក់ចិត្ត៣ទឹកពេញ ពេជ្រ សម្បត្តិ បានយកឈ្នះកីឡាករថៃ សេកសាន ឆ. ថៃសេដ្ឋ ដោយពិន្ទុដាច់តែម្តង។ អ្វីដែលគួរឲ្យចាប់អារម្មណ៍ទៀតនោះ កីឡាករថៃបែកមុខហើមមាត់យ៉ាងខ្លាំង ខណៈ ពេជ្រ សម្បត្តិ នៅរក្សាផ្ទៃមុខធម្មតា៕

អត្ថបទ៖ វីរបុត្រ