កីឡា

‘យើងកំពុងរង់ចាំអ្នក’ ៖ ខ្មាន់កាំភ្លើងគំរាម Messi ក្រោយការវាយប្រហារលើផ្សារទំនើប របស់ប្រពន្ធគាត់

បានផុស

២ years មុន

នៅ

ថ្ងៃសុក្រ ៣ មីនា ២០២៣

ដោយ

ប៉ូលិសបាននិយាយថា ខ្មាន់កាំភ្លើងបានបន្សល់ទុកសារគំរាមកំហែងមួយកាលពីថ្ងៃព្រហស្បតិ៍សម្រាប់ Lionel Messi ហើយបានបើកការបាញ់ប្រហារនៅផ្សារទំនើបដែលជាកម្មសិទ្ធិរបស់គ្រួសារខាងប្រពន្ធរបស់គេ នៅក្នុងទីក្រុង Rosario ដែលជាស្រុកកំណើតរបស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្មាននរណាម្នាក់បានរងរបួសនៅក្នុងការវាយប្រហារនៅព្រឹកព្រលឹមនោះទេ ហើយវាមិនច្បាស់ថា ហេតុអ្វីបានជាអ្នកវាយប្រហារនឹងកំណត់គោលដៅតារាអាហ្សង់ទីន ឬផ្សារទំនើបដែលជាកម្មសិទ្ធិរបស់គ្រួសារប្រពន្ធរបស់គេ គឺអ្នកនាង Antonella Roccuzzo។

ប៉ូលិសបាននិយាយថា បុរសពីរនាក់ជិះម៉ូតូមួយគ្រឿងបានបាញ់ប្រហារយ៉ាងតិចរាប់សិបគ្រាប់ចូលទៅក្នុងផ្សារទំនើបនៅព្រឹកព្រលឹម ហើយបានបន្សល់ទុកសារនៅលើក្រដាសកាតុងដែលសរសេរថា “Messi យើងកំពុងរង់ចាំអ្នក។ [អភិបាលក្រុង Rosario Pablo] លោក Javkin ក៏ជាអ្នកជួញដូរគ្រឿងញៀនដែរ ដូច្នេះគាត់នឹងមិនខ្វល់រឿងនេះទេ”។

Messi ដែលជាប្រធានក្រុមអាហ្សង់ទីនទទួលបានជ័យជម្នះនៅ World Cup កាលពីឆ្នាំមុន មិនបានធ្វើអត្ថាធិប្បាយអំពីហេតុការណ៍នេះទេ។ Messi លេងឲ្យ Paris Saint-Germain ហើយចំណាយពេលច្រើននៅក្រៅប្រទេស ទោះបីជាទៅលេង Rosario ជាកន្លែងដែលគេមានផ្ទះនៅជាយក្រុង Funes ក៏ដោយ។

នៅ Rosario រដ្ឋអាជ្ញា Federico Rébola បាននិយាយថា អាជ្ញាធរកំពុងពិនិត្យមើលវីដេអូកាមេរ៉ាសុវត្ថិភាព ហើយថាការស៊ើបអង្កេតគឺ “បឋម” ។ លោកបានបន្ថែមថា វាជាលើកទីមួយហើយដែលគ្រួសារសាច់ថ្លៃរបស់ Messi ទទួលបានការគំរាមកំហែងបែបនេះ។

Celia Arena រដ្ឋមន្ត្រីក្រសួងយុត្តិធម៌ នៃខេត្ត Santa Fe ជាកន្លែងដែល Rosario ស្ថិតនៅបាននិយាយថា ការវាយប្រហារស្ថិតក្នុងចំណោម “អំពើភេរវកម្ម” ដោយក្រុម “ម៉ាហ្វីយ៉ា” ដែលមានបំណងបំភិតបំភ័យប្រជាជន៕

ប្រភព៖ theguardian.com

អត្ថបទ ៖ មន្នីរ័ត្ន