កីឡា

ធន់ ផានិត ជាបេក្ខភាពលេចធ្លោសម្រាប់ខ្សែក្រវាត់ខារ៉ាបាវរដូវកាលថ្មី

បានផុស

២ years មុន

នៅ

ថ្ងៃសៅរ៍ ១១ មីនា ២០២៣

ដោយ

កូនសិស្សរបស់លោកគ្រូ ធន់ សុភា គឺ ធន់ ផានិត ជាបេក្ខភាពឈានមុខគេម្នាក់សម្រាប់ព្រឹត្តិការណ៍ប្រកួតខ្សែក្រវាត់ខារ៉ាបាវរដូវកាលថ្មី ឆ្នាំ២០២៣ ដែលនឹងចាប់ផ្តើមបើកយុទ្ធនាការល្ងាចម៉ោង៦ ថ្ងៃអាទិត្យ ទី១២ ខែមីនានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជើងខ្លាំងគុនខ្មែរទម្ងន់៥៧គីឡូក្រាមទាំង៤រូបមាន អតីតបេក្ខភាពរដូវកាលមុន ធន់ ផានិត ខ្លាកំណាច ពេជ្រ ប៊ុនសិទ្ធ ជើងខ្លាំងឡើងជើងថ្មី ហុង សុវណ្ណចាន់សុធី និងអ្នកមានបទពិសោធច្រើន សេក គឹមសាន។

អ្នកលេងឆ្លងដែន៤រូបគឺសុទ្ធតែជាអ្នកជោកជាំលើសង្វៀនស្រុកខ្មែរហើយរួមមាន ថៈឡេកងើន, ឡាហ្វាន់, ផេតផាកភូមិ និងអ៉ីនស៊ីណយ។ សមត្ថភាពរបស់កីឡាករថៃទាំង៤នាក់គឺល្អប្រហាក់ប្រហែលគ្នា និងជាបេក្ខភាពមិនអាចមើលស្រាលបានសម្រាប់អ្នកលេងគុនខ្មែរ។

យ៉ាងណា បើនិយាយពីបេក្ខភាពលេចធ្លោ និងអាចឈានដល់វគ្គផ្តាច់ព្រ័ត្រគឺ ធន់ ផានិត ខណៈ ពេជ្រ ប៊ុនសិទ្ធ ក៏សង្ឃឹមខ្ពស់ដែរ។ អ្នកទាំងពីរនេះជាកីឡាករវ៉ៃបុកដូចគ្នា ហើយមិនចេះចុះញមចំពោះដៃគូប្រកួតឡើយ។ កាលពីរដូវកាលមុន ធន់ ផានិត ទទួលបានចំណាត់ថ្នាក់លេខ៣ ដូច្នេះរដូវកាលថ្មីនេះ រូបគេសង្ឃឹមច្រើនក្នុងការឡើងទៅដល់វគ្គផ្តាច់ព្រ័ត្រ។

សម្រាប់ការប្រកួតសន្សំពិន្ទុ ជុំទី១ ជើងខ្លាំងឡើងជើងគួរឲ្យចាប់អារម្មណ៍ ហុង សុវណ្ណចាន់សុធី ប៉ះខ្លាចាស់ អ៉ីនស៊ីណយ ខណៈ ពេជ្រ ប៊ុនសិទ្ធ ប៉ះ ឡាហ្វាន់ ចាប់ពីវេលាម៉ោង៦ល្ងាច ថ្ងៃអាទិត្យ ទី១២ ខែមីនា ឆ្នាំ២០២៣៕

អត្ថបទ៖ វីរបុត្រ