កីឡា
សហព័ន្ធបាល់ទាត់កម្ពុជា បង្ហាញមុខព្រួញជំរុញការអភិវឌ្ឍបាល់ទាត់ មុននិងក្រោយស៊ីហ្គេម ២០២៣
សហព័ន្ធកីឡាបាល់ទាត់កម្ពុជា បានរៀបចំមហាសន្និបាត លើកទី១៧ ឆ្នាំ២០២៣ នៅសណ្ឋាគារហ្គាឌិនស៊ីធី ក្រោមអធិបតីភាពឯកឧត្តមនាយឧត្តមសេនីយ៍ សៅ សុខា ប្រធានសហព័ន្ធកីឡាបាល់ទាត់កម្ពុជាផ្ទាល់ នៅព្រឹកថ្ងៃទី១១ ខែមីនា ឆ្នាំ២០២៣។
![](https://www.kampucheathmey.com/wp-content/uploads/2023/03/DSC01700-2-1024x683.jpg)
លោក សៅ សុខា ប្រធានសហព័ន្ធកីឡាបាល់ទាត់កម្ពុជា បានបង្ហាញមុខព្រួញ ១១ចំណុច ដើម្បីជំរុញការអភិវឌ្ឍវិស័យកីឡាបាល់ទាត់កម្ពុជាឲ្យកាន់តែរីកចម្រើន ពិសេសក្នុងដំណាក់កាលមុន និងក្រោយធ្វើម្ចាស់ផ្ទះការប្រកួតកីឡាស៊ីហ្គេម ឆ្នាំ២០២៣។
លោកបានលើកឡើងក្នុងមហាសន្និបាតនេះ ក្រៅពីមានការចូលរួមពីសមាជិកគណៈកម្មាធិការប្រតិបត្តិ និងតំណាងសមាគម/ក្លិប ក៏មានការចូលរួមជាសក្ខីភាពពីតំណាងក្រសួងអប់រំ យុវជន និងកីឡា, គណៈកម្មាធិការជាតិអូឡាំពិកកម្ពុជា, សហព័ន្ធកីឡាបាល់ទាត់អាស៊ី (AFC) និងតំណាងសហព័ន្ធកីឡាបាល់ទាត់អាស៊ីអាគ្នេយ៍ (AFF)ផងដែរ។
![](https://www.kampucheathmey.com/wp-content/uploads/2023/03/DSC02513-1024x683.jpg)
ក្នុងមហាសន្និបាតនោះដែរ ឯកឧត្តមប្រធានសហព័ន្ធ បានរាយការណ៍ អំពីសមិទ្ធផលការងារចម្បងមួយចំនួន ដែលជាផ្នែកសំខាន់ នៃផែនការអភិវឌ្ឍន៍បាល់ទាត់កម្ពុជា ឲ្យមានចីរភាពរហូតដល់ និងក្រោយពេលស៊ីហ្គេម ឆ្នាំ២០២៣។ ឯកឧត្តមថា អាទិភាពចំនួន ២ ក្នុងចំណោមអាទិភាពឡាយ នៃផែនការអភិវឌ្ឍន៍បាល់ទាត់ឲ្យមាននិរន្ដរភាព រួមមាន៖ បាល់ទាត់ថ្នាល/យុវជន និងហេដ្ឋានរចនាសម្ព័ន្ធសម្រាប់ហ្វឹកហាត់ និងទី២-ការប្រកួតប្រកបដោយគុណភាព និងសុវត្ថិភាព។
ក្រោមកិច្ចសហប្រតិបត្តិការដ៏ល្អ រវាងក្រសួងអប់រំ យុវជន និងកីឡា និងសហព័ន្ធកីឡាបាល់ទាត់កម្ពុជា បានជំរុញសមិទ្ធផលជាច្រើន លេចចេញរូបរាងជាបន្ដបន្ទាប់ ជាក់ស្ដែងចាប់ពីឆ្នាំ២០១៧ បានកសាងទីលានតាមបណ្ដាសាលាទូទាំងប្រទេស ជាមួយយុទ្ធនាការ ខេត្តមួយ មានទីលានបាល់ទាត់ស្មៅធម្មជាតិមួយ រហូតដល់បច្ចុប្បន្នបានសាងសង់រួចរាល់ជាស្ថាពរ ហើយបាននឹងកំពុងដំណើរការប្រើប្រាស់សម្រាប់ការហ្វឹកហាត់របស់ក្រុមទាំងពីរកម្រិតផងដែរ។
លោក សៅ សុខា បន្ដថា៖ «ក្នុងន័យនេះ គោលដៅសម្រាប់កម្មវិធី និងសកម្មភាពការងារក្នុងឆ្នាំ២០២២ និងចាប់ពីឆ្នាំ២០២៣ តទៅ គឺការពង្រីក និងពង្រឹងមុខព្រួយទាំង១១ រួមមាន៖ ១-រដ្ឋបាល និងការគ្រប់គ្រង, ២-ការអភិវឌ្ឍហេដ្ឋារចនាសម្ព័ន្ធ, ៣-ការរៀបចំការប្រកួតថ្នាក់ជាតិ-អន្ដរជាតិ, ៤-ការអភិវឌ្ឍសមាគមទាំង ២៥រាជធានី-ខេត្ត, ៥-ការអភិវឌ្ឍក្លិប, ៦-ការអភិវឌ្ឍក្រុមជម្រើសជាតិ, ៧-ការអភិវឌ្ឍថ្នាល, ៨-ការអភិវឌ្ឍធនធានគ្រូបង្វឹក, ៩-ការអភិវឌ្ឍអាជ្ញាកណ្ដាល, ១០-ការអភិវឌ្ឍបាល់ទាត់ក្នុងសាល និង១១-ការអភិវឌ្ឍផ្នែកទីផ្សារ ទំនាក់ទំនង និងអ្នកគាំទ្រ។
«ក្នុងហេតុផល និងគោលដៅដ៏ចម្បងនេះ ជាមួយនឹងការវិនិយោគទាំងធនធាន និងប្រាជ្ញាស្មារតីពីគ្រប់មជ្ឈដ្ឋាន ពិសេសរាជរដ្ឋាភិបាល ដែលបានសម្រេចចិត្តទទួលរៀបចំកីឡាស៊ីហ្គេម លើកទី៣២ សហព័ន្ធកីឡាបាល់ទាត់កម្ពុជា ក៏មិនខុសពីកីឡាផ្សេងៗដែរ ត្រូវតែប្ដេជ្ញាខិតខំប្រឹងប្រែងប្រកួតប្រជែងយកជ័យជម្នះក្នុងព្រឹត្តិការណ៍ស៊ីហ្គេម ដែលឈានចូលមកដល់ក្នុងពេលឆាប់ៗខាងមុខ ព្រមទាំងរៀបចំគម្រោងការបន្ដអភិវឌ្ឍន៍បាល់ទាត់បន្ដពីឆ្នាំ២០២៣ ជាអាទិភាព ហេដ្ឋារចនាសម្ព័ន្ធ ធនធានបច្ចេកទេស និងរដ្ឋបាលគ្រប់គ្រងរបស់ក្លិប/សមាគមកីឡាបាល់ទាត់រាជធានី-ខេត្តទាំង ២៥» ។ ឯកឧត្តមនាយឧត្តមសេនីយ៍បន្ថែម៕
អត្ថបទ៖ មន្នីរ័ត្ន
![](https://www.kampucheathmey.com/wp-content/uploads/2023/03/DSC02525-1024x683.jpg)
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ជីវិតកម្សាន្ដ១ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ព័ត៌មានអន្ដរជាតិ១៣ ម៉ោង ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១ សប្តាហ៍ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា១ សប្តាហ៍ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?