កីឡា
ម៉ាឡេស៊ី បង្ហាញអត្តពលិកជិត ៧០០ នាក់ ចូលរួមប្រកួតកីឡាស៊ីហ្គេម ឆ្នាំ ២០២៣ នៅកម្ពុជា
ក្រុមប្រឹក្សាកីឡាអូឡាំពិក នៃប្រទេសម៉ាឡេស៊ី បានប្រកាសជាផ្លូវការនូវបញ្ជីឈ្មោះអត្តពលិក និងមន្ត្រី ដែលត្រូវបានជ្រើសរើសតំណាងប្រទេស ក្នុងការប្រកួតកីឡាអាស៊ីអាគ្នេយ៍ លើកទី ៣២ ឆ្នាំ ២០២៣ នៅកម្ពុជា។
យោងតាមក្រុមប្រឹក្សាកីឡាអូឡាំពិក នៃប្រទេសម៉ាឡេស៊ី តំណាងប្រតិភូកីឡាម៉ាឡេស៊ី ចំនួន ៩១៤ នាក់ ក្នុងនោះមានអត្តពលិក ចំនួន ៦៧៧ នាក់ (កីឡាករ ៤០៣ នាក់ កីឡាការិនី ២៧៤ នាក់) និងមន្ត្រី ចំនួន ២៣៧ នាក់ ដែលនឹងចូលរួមក្នុងការប្រកួតលើកីឡាចំនួន ៣៤ ប្រភេទ ស៊ីហ្គេម ឆ្នាំ ២០២៣ នៅកម្ពុជា។
អត្តពលិក និងមន្ត្រី នៃប្រភេទកីឡាទាំង ៣៤ ប្រភេទនេះរួមមាន ៖ កីឡាទឹក (លោតទឹក, ហែលទឹក, បាល់ទឹក និងហែលទឹកពាក់ជើងទា), អត្តពលកម្ម, កីឡាវាយសី, បាល់បោះ, ប៊ីយ៉ា ស្នូកឃ័រ, ប្រដាល់សាកល, អុក (អុកចត្រង្គ និងអុកចិន), គ្រីឃីត, ប្រណាំងទោចក្រយាន, កីឡារាំ, កីឡាអេឡិកត្រូនិក, គុនដាវ, ហ្លរប៊ល, បាល់ទាត់, វាយកូនហ្គោល, កាយសម្ព័ន្ធ, ហុកគី, ម៉ូតូទឹក, យូដូ, ការ៉ាតេ, យុទ្ធគុនចម្រុះ (ជឺជិតស៊ូ និងឃីកបុកសីង), កីឡាឧបសគ្គ, បញ្ចសីលា, ប៉េតង់, ទូកក្តោង, សីដក់, វាយកូនឃ្លីលើតុ, តេក្វាន់ដូ WT, វាយកូនបាល់, ប្រណាំងទូកប្រពៃណី, ទ្រីយ៉ាត្លុង, បាល់ទះ, លើកទម្ងន់ និងវូស៊ូ។
លោក Dr. Tan Sri Mohamad Norza Zakaria បាននិយាយថា អត្តពលិក និងមន្ត្រីដែលបានទទួលវិញ្ញាបនបត្រជ្រើសរើសនេះ គឺស្ថិតក្នុងចំណោមអ្នកដែលត្រូវបានជ្រើសរើសតាមរយៈដំណើរការពិនិត្យនៅក្នុងគណៈកម្មាធិការជ្រើសរើស របស់ក្រុមប្រឹក្សាអូឡាំពិក នៃប្រទេសម៉ាឡេស៊ី ដែលបានប្រជុំនៅថ្ងៃទី ១៤ ខែកុម្ភៈ ឆ្នាំ ២០២៣ និងថ្ងៃទី ០៣ ខែមីនា ឆ្នាំ ២០២៣។
លោក Dr. Tan Sri Mohamad Norza Zakaria បានផ្តល់ដំបូន្មានថា ៖ «យើងសង្ឃឹមថាការអនុម័ត និងការជ្រើសរើស មិនត្រូវបានខ្ជះខ្ជាយទេ ដោយសារស៊ីហ្គេម ត្រូវបានចាត់ទុកថាជាការត្រៀមចាប់ផ្ដើមការប្រកួតកម្រិតអន្តរជាតិ និងជាជំហានមួយឆ្ពោះទៅកាន់ព្រឹត្តិការណ៍កីឡាអាស៊ី (Asian Games) និងអូឡាំពិក (Olympic Games)។ ដូច្នេះគួរតែប្រើឱកាសនេះឲ្យបានច្រើនបំផុត»។
ម៉ាឡេស៊ី ដែលចូលរួមក្នុងការប្រកួតកីឡាឆ្នាំនេះ នឹងក្លាយជាការបញ្ជូនអត្តពលិកច្រើនលំដាប់ទី ៣ របស់ខ្លួនទៅកាន់ការប្រកួតនៅក្រៅប្រទេស។ មានតែការប្រកួតស៊ីហ្គេម ឆ្នាំ ២០០៧ នៅថៃ (មានអត្តពលិក ៨២០ នាក់) និងស៊ីហ្គេម ឆ្នាំ ២០១៩ នៅហ្វីលីពីន (មានអត្តពលិក ៧៧២ នាក់)។
ចំនួនអត្តពលិកម៉ាឡេស៊ី ដែលចូលរួមច្រើនជាងគេក្នុងប្រវត្តិសាស្ត្រកីឡាស៊ីហ្គេម គឺក្នុងអំឡុងការប្រកួតកីឡាស៊ីហ្គេមលើទឹកដីរបស់ខ្លួនផ្ទាល់ នាទីក្រុងគូឡាឡាំពួរ ឆ្នាំ ២០១៧ ដែលមានអត្តពលិកចំនួន ៨៤៥ នាក់ និងមន្ត្រីចំនួន ២៩៤ នាក់ ខណៈប្រទេសនេះបានបញ្ជូនអត្តពលិកចំនួន ៥៨៤ នាក់ និងមន្ត្រីចំនួន ២៧២ នាក់ ទៅប្រកួតលើកចុងក្រោយ នៅទីក្រុងហាណូយ ប្រទេសវៀតណាម។
ម៉ាឡេស៊ី បានត្រឹមចំណាត់ថ្នាក់លេខ ៦ នៅទីក្រុងហាណូយ កាលពីឆ្នាំមុន ដោយរកមេដាយមាស ៣៩ គ្រឿង, ប្រាក់ ៤៥ គ្រឿង និងសំរឹទ្ធ ៩០ គ្រឿង៕
ប្រភព ៖ bernama.com
អត្ថបទ ៖ មន្នីរ័ត្ន
ក្រសួងព័ត៌មាន បង្ហាញវិធីសាស្ត្រ៦ចំណុច ដើម្បីកំណត់បានព័ត៌មានក្លែងក្លាយ ព័ត៌មានមិនពិត និងព័ត៌មានប្រឌិត
ក្រសួងការងារ បើកវគ្គបណ្តុះបណ្តាលស្តីពីការ “បង្ការនិងទប់ស្កាត់ការប្រើប្រាស់ពលកម្មកុមារ នៅតាមសហគ្រាស គ្រឹះស្ថានផលិតឥដ្ឋ ក្បឿង”
ព្រះរាជអាជ្ញាខេត្តតាកែវ ណែនាំមន្រ្តីនគរបាលយុត្តិធម៌ធ្វើការប្រកបដោយការទទួលខុសត្រូវខ្ពស់
សម្តេចកិត្តិព្រឹទ្ធបណ្ឌិត ចាត់តំណាងចូលរួមរំលែកទុក្ខគ្រួសារសពដែលមរណភាព ដោយការរញ្ជួយដីនៅប្រទេសថៃ
អ្នកជំនាញ និងអ្នកស្រាវជ្រាវ ស្នើឱ្យជំរុញការលេងល្បែងប្រជាប្រិយខ្មែរឱ្យផុសផុល ដើម្បីថែរក្សាអត្តសញ្ញាណវប្បធម៌ជាតិ
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
ត្រឹមមួយថ្ងៃដើមខែមេសា ប្រទេសអាស៊ីអាគ្នេយ៍ចំនួន៣ កើតគ្រោះអគ្គិភ័យរន្ធត់ដំណាលគ្នា
រដ្ឋមន្ត្រីការពារជាតិ ណែនាំឲ្យបង្កើតក្រុមប្រឹក្សាវិន័យដើម្បីពិនិត្យរាល់ទង្វើរបស់បុគ្គលឈ្មោះ ឈាវ មុន្នីន
អ្នកជំនាញព្រមានថា ថៃ ប្រឈមកើតរញ្ជួយដីថែមទៀត តែមិនដឹងពេលណានិងកន្លែងណា
ស្ត្រីវ័យ៦៣ឆ្នាំម្នាក់នៅមានជីវិត ក្រោយជាប់ក្រោមគំនរបាក់បែក៩១ម៉ោង
-
ព័ត៌មានជាតិ១ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៥ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ១ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ៩ ម៉ោង agoមីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម៧ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៦ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម២ ថ្ងៃ agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ចរាចរណ៍២ ថ្ងៃ agoរថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល