កីឡា

លោក Klopp ៖ «Liverpool មាន ‘ឱកាសមួយភាគរយ’ ដើម្បីទម្លាក់ Madrid»

បានផុស

២ years មុន

នៅ

ថ្ងៃពុធ ១៥ មីនា ២០២៣

ដោយ

លោក Jurgen Klopp បាននិយាយថា Liverpool មាន “ឱកាសមួយភាគរយ” ក្នុងការវាយបកយកឈ្នះលើលទ្ធផល ៥-២ កាលពីជើងទី ១ ដើម្បីទម្លាក់ Real Madrid ចេញពីក្របខ័ណ្ឌ Champions League នៅកីឡដ្ឋាន Santiago Bernabeu ប៉ុន្តែនៅតែជឿជាក់ថា ក្រុមរបស់លោកអាចសម្រេចបាននូវលទ្ធផលដែលមិនអាចទៅរួច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមម្ចាស់ជើងឯកទ្វីបអឺរ៉ុប Madrid បានវាយបកពីការនាំមុខ ២-០ ក្នុងការប្រកួតដំបូងនៅកីឡដ្ឋាន Anfield ហើយវាយបកយកឈ្នះរហូតចំណេញបាន ៣ គ្រាប់ សម្រាប់ជើងទី ២ នៅថ្ងៃពុធនេះ។

ប៉ុន្តែជាមួយនឹង Liverpool ដែលល្បីល្បាញបានផ្ដួលក្រុម Barcelona ៤-០ ក្នុងការប្រកួតជើងទី ២ វគ្គពាក់កណ្ដាលផ្ដាច់ព្រ័ត្រ ឆ្នាំ ២០១៩ ក្រោយពីបានចាញ់ ៣-០ នៅកីឡដ្ឋាន Camp Nou ក្នុងការប្រកួតដំបូង លោក Klopp បាននិយាយថា លោកនៅតែមានក្ដីសង្ឃឹមថាកីឡាកររបស់លោកអាចដណ្ដើមបានជ័យជម្នះដ៏គួរឲ្យកត់សម្គាល់មួយផ្សេងទៀត។

លោក Klopp បាននិយាយថា «អ្វីដែលខ្ញុំបាននិយាយបន្ទាប់ពីការប្រកួតកាលពី ៣ សប្តាហ៍មុន គឺថា Madrid ឆ្លងទៅជុំបន្ទាប់”។ “ប៉ុន្តែ ៣ សប្តាហ៍ក្រោយមក យើងដឹងថានៅមានហ្គេមមួយដែលត្រូវលេង ហើយប្រសិនបើវាមានឱកាសត្រឹមតែមួយភាគរយប៉ុណ្ណោះ ខ្ញុំចង់សាកល្បងវា។ នៅក្នុងបន្ទប់នេះ ១០០ ភាគរយ នៃមនុស្សគ្រប់គ្នាគិតថា យើងគ្មានឱកាស។ ប្រសិនបើខ្ញុំជាមនុស្សតែម្នាក់ដែលគិតថាយើងមានតិចតួចនោះមិនអីទេ»។

លោកបន្ថែមថា «គេគឺជា Real Madrid ពួកគេរកបាន ៣ គ្រាប់។ វាមិនមែនជាអ្វីដែលអ្នកចង់បានសម្រាប់បុណ្យណូអែល ប៉ុន្តែយើងគ្មានអ្វីដែលត្រូវចាញ់នោះទេ។ យើងនៅម្នាក់ឯងដោយមានជំនឿតិចតួច មានឱកាសធ្វើវា»។

Liverpool ក្នុងរដូវកាលប្រឈមទាំងកម្រិតខ្ពស់ និងកម្រិតទាបបំផុត រួមទាំងកំណត់ត្រាឈ្នះ ៧-០ លើក្រុម Manchester United ក្នុងក្របខ័ណ្ឌ Premier League ដែលបានកើតឡើងបន្ទាប់ពីការបរាជ័យ ៥-២ លើក្រុម Real។ ពួកគេបានក្លាយជាក្រុមដែលមិនអាចទាយទុកជាមុនបាន មានសមត្ថភាពអាចយកឈ្នះគូប្រកួតខ្លាំងបំផុត ប៉ុន្តែក៏ចាញ់ក្រុមខ្សោយបំផុតដែរ ដោយបានចាញ់ក្រុមបាតតារាង Premier League ២ ដង ក្នុងរដូវកាលនេះ។

បញ្ជាក់ថា ការប្រកួតយប់នេះ នឹងធ្វើឡើងនៅវេលាម៉ោង ៣ និង ០០ នាទី រំលងអធ្រាត្រ ខណៈ Liverpool ត្រូវការយ៉ាងហោចណាស់ ៤ គ្រាប់ ទើបអាចទម្លាក់ Real បាន៕

ប្រភព ៖ espn.com

អត្ថបទ ៖ មន្នីរ័ត្ន