កីឡា
៤ ប្រទេសហើយបានទិញសិទ្ធិផ្សាយព្រឹត្តិការណ៍ស៊ីហ្គេម-អាស៊ានប៉ារ៉ាហ្គេម ២០២៣ នៅកម្ពុជា
មានប្រទេសចំនួន ៤ ហើយ ដែលបានទិញសិទ្ធិផ្សាយព្រឹត្តិការណ៍ស៊ីហ្គេម-អាស៊ានប៉ារ៉ាហ្គេម ២០២៣ នៅកម្ពុជា នេះបើយោងតាមការប្រកាសក្នុងសន្និសីទស្ដីពី សារព័ត៌មាន និងការផ្សព្វផ្សាយ ព្រឹត្តិការណ៍ទាំងពីរខាងលើ កាលពីថ្ងៃទី ១៦ ខែមីនា ឆ្នាំ ២០២៣ រៀបចំដោយគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើកទី ៣២ និងកីឡាអាស៊ានប៉ារ៉ាហ្គេម លើកទី ១២ ឆ្នាំ ២០២៣ (CAMSOC & CAMAPGOC) ដោយមានការចូលរួមពីប្រព័ន្ធផ្សព្វផ្សាយ សារព័ត៌មានជាតិ និងអន្តរជាតិ ធ្វើឡើងនៅសណ្ឋាគារសុខា រាជធានីភ្នំពេញ។
ការប្រកាសជាផ្លូវការពីដៃគូផ្សព្វផ្សាយ នៃព្រឹត្តិការណ៍ស៊ីហ្គេម-អាស៊ានប៉ារ៉ាហ្គេម ក៏បានធ្វើឡើងនៅថ្ងៃជាមួយគ្នានេះផងដែរ ស្របពេលមានប្រទេស ៤ បានទទួលស្គាល់ជាផ្លូវការ។
លោក វ៉ាត់ ចំរើន អគ្គលេខាធិការ នៃគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើកទី ៣២ បានឲ្យដឹងផងដែរថា មកដល់ពេលនេះដំណើរការលក់សិទ្ធផ្សាយបានឈានដល់សម្រេចបាន ៥០ ភាគរយ ពោលគឺមានទូរទស្សន៍ក្រៅប្រទេសចំនួន ៤ ហើយដែលបានទិញសិទ្ធផ្សាយ រួមមាន វៀតណាម, ម៉ាឡេស៊ី, សិង្ហបុរី, និងឥណ្ឌូណេស៊ី បូកទាំងកម្ពុជា ដែលមានទូរទស្សន៍កីឡាកម្ពុជា (CSTV) ជាអ្នករក្សាសិទ្ធិផ្សាយ សហការជាមួយ អគ្គនាយកដ្ឋានទូរទស្សន៍ជាតិកម្ពុជា។
«មុននេះយើងឃើញហើយ យើងមានវៀតណាម សិង្ហបុរី ឥណ្ឌូណេស៊ី ម៉ាឡេស៊ី ៤,៥ ទូរទស្សន៍ហើយ ទាំងកម្ពុជារបស់យើងមានទូរទស្សន៍កីឡាកម្ពុជា (CSTV) របស់យើង ក៏ជាអ្នកចែកផ្សាយធំមួយផងដែរ ដែលត្រូវទទួលសិទ្ធិរៀបចំការងារនេះ ហើយនឹងសហការជាមួយនឹងទូរទស្សន៍ជាតិកម្ពុជា របស់យើង។ ខាងក្នុងស្រុករបស់យើង គឺយើងអត់មានប៉ះពាល់ថវិកាអីទាំងអស់ គឺយើងផលិត ហើយរៀបចំផ្សាយដោយសេរី ដោយឥតគិតថ្លៃ យើងលក់សិទ្ធិតែទៅក្រៅប្រទេសទេ ដែលគាត់ទិញសិទ្ធិពីយើងទៅ បន្តទៅឲ្យប្រជាជនរបស់គាត់ទស្សនា»។
«យើងឃើញថា យើងបានឈានទៅដល់មួយជំហានអាចនិយាយបានថា ជិត ៥០ ភាគរយហើយ ក្នុងចំណោម ១០ ប្រទេស ដែលមកទល់ពេលនេះ មិនទាន់ដល់ពេលប្រកួតផងការលក់សិទ្ធិរបស់យើងបាន ៥០ ភាគរយរួចទៅហើយ អ៊ីចឹងបានន័យថា យើងមានការគាំទ្រ ៥០ ភាគរយហើយ ដែលស្ថិតក្នុងដំណើរវិជ្ជមាននេះឆ្ពោះទៅរកជោគជ័យសម្រាប់យើងដល់ប្រទេសផ្សេងៗទៀត។ យើងមិនសង្ឃឹមថា ប្រទេសតូចៗខ្លះគាត់នឹងទិញនោះទេ ប៉ុន្តែទោះបីជាប្រទេសតូចៗដែលមិនបានទិញសិទ្ធិក៏ដោយ បើគាត់សំណូមពរអ្វីយើងនឹងបញ្ជូនឲ្យគាត់ផងដែរ យើងនឹងធ្វើឲ្យមានភាពកក់ក្ដៅ និងសមភាពគ្នា មិនឲ្យមានអ្នកណាមួយមានបញ្ហាទៅលើការផ្សព្វផ្សាយនេះទេ។ អ៊ីចឹងយើងអាចវាយតម្លៃបានថា បន្ទាប់ពីយើងធ្វើសន្និសីទសារព័ត៌មានជាតិ និងអន្តរជាតិនៅពេលនេះហើយ គឺយើងនឹងទទួលបាននូវការចូលរួមការទិញសិទ្ធិ ឬក៏ការចូលរួមក្នុងការផ្សព្វផ្សាយពីស៊ីហ្គេមកម្ពុជា កាន់តែផុសផុល និងសម្រេចបាននូវគោលដៅ ១០០ ភាគរយ»។
ជាចុងក្រោយលោក វ៉ាត់ ចំរើន បានអំពាវនាវដល់បណ្ដាញសារព័ត៌មានទាំងអស់ ចូលរួមផ្សព្វផ្សាយពីកម្ពុជា ពីគ្រប់ទិដ្ឋភាព នៃសក្ដានុពលរបស់កម្ពុជា ហើយជួយផ្សព្វផ្សាយពីភាពវិជ្ជមាន ការអប់រំ ទេសចរណ៍ ពីភាពរម្យទម និងទឹកចិត្តដ៏ល្អរបស់កម្ពុជា ដែលប្រជាជនម្នាក់ជាម្ចាស់ផ្ទះម្នាក់។
សកម្មភាពថ្ងៃទី ១ បានបញ្ចប់ដោយជោគជ័យ សម្រាប់ថ្ងៃទី ១៧ ខែមីនានេះ គឺសារព័ត៌មានក្នុងស្រុក និងក្រៅស្រុកទាំងអស់ ត្រូវធ្វើដំណើរទស្សនកិច្ចតាមបណ្ដាទីលានប្រកួតនានា ដូចជា នៅពហុកីឡដ្ឋានជាតិមរតកតេជោ និងពហុកីឡដ្ឋានជាតិ រួមទាំងទីលានសំខាន់ៗ ក្នុងរាជធានីភ្នំពេញផ្សេងៗទៀតផងដែរ៕
អត្ថបទ ៖ មន្នីរ័ត្ន
កម្ពុជាកំពុងប្រមូលធាតុចូលដើម្បីរៀបចំគោលនយោបាយហិរញ្ញវត្ថុបៃតង
អាមេរិក៖ កូរ៉េខាងជើង កំពុងទាញបទពិសោធន៍សង្គ្រាមនៅអ៊ុយក្រែន ដើម្បីប្រឆាំងប្រទេសជិតខាង
ស្វែងយល់ជីវភាពរស់នៅប្រចាំថ្ងៃពលរដ្ឋ នៅក្នុងឃុំកោះជីវាំង ក្នុងស្រុកឯកភ្នំ ខេត្តបាត់ដំបង
VJ ALaskoo ចែករំលែកបទពិសោធ ៥ចំណុច បើមិនចង់បាត់បង់តម្លៃ
អ្វីជា «សួនសុវត្ថិភាពចរាចរណ៍សិប្បនិម្មិត» ដែលផ្ដួចផ្ដើមដោយរដ្ឋមន្ត្រីមហាផ្ទៃ
ជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
សមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
អ្នកឧកញ៉ា ហ៊ុន តូ ត្រៀមប្ដឹងបកទៅលោក ហេង សិទ្ធី វិញដើម្បីការពារភាពត្រឹមត្រូវ
Los Angeles កើតភ្លើងឆេះព្រៃច្រើនឡើងៗ បន្ថែមទៀត ឈានដល់កម្រិតគ្រោះថ្នាក់ធ្ងន់ធ្ងរបំផុត ពិបាកគ្រប់គ្រង
ភ្លើងឆេះព្រៃរាលដាលដល់ចម្ការស្វាយ ៣៥ហិកតា ខូចខាតដើមស្វាយ ១៥ ០០០ ដើម
-
ព័ត៌មានជាតិ៧ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍៣ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ១៤ ម៉ោង agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ព័ត៌មានជាតិ៧ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
ព័ត៌មានជាតិ៧ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
សេដ្ឋកិច្ច៧ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
សេដ្ឋកិច្ច៧ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
ព័ត៌មានជាតិ៦ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»