កីឡា
ម៉ារ៉ុក ចូលរួមជាមួយអេស្ប៉ាញ និងព័រទុយហ្គាល់ ក្នុងការដេញថ្លៃម្ចាស់ផ្ទះ World Cup 2030
ប្រទេសម៉ារ៉ុក កាលពីថ្ងៃអង្គារ បានចូលរួមការដេញថ្លៃរួមគ្នាជាមួយប្រទេសអេស្ប៉ាញ និងព័រទុយហ្គាល់ ដើម្បីធ្វើជាម្ចាស់ផ្ទះការប្រកួតបាល់ទាត់ពិភពលោក ឆ្នាំ ២០៣០ (FIFA World Cup 2030)។
ព្រះមហាក្សត្រ Mohammed VI របស់ប្រទេសម៉ារ៉ុក បានមានព្រះបន្ទូលនៅក្នុងព្រះរាជសារមួយថា «ខ្ញុំចង់ប្រកាសថា ព្រះរាជាណាចក្រម៉ារ៉ុក បានសម្រេចចិត្តរួមគ្នាជាមួយអេស្ប៉ាញ និងព័រទុយហ្គាល់ ដើម្បីបង្ហាញចេតនាក្នុងការដេញថ្លៃរួមគ្នាដើម្បីធ្វើជាម្ចាស់ផ្ទះការប្រកួតបាល់ទាត់ពិភពលោកឆ្នាំ ២០៣០»។
ព្រះអង្គមានព្រះបន្ទូលបន្ថែមថា «ការដេញថ្លៃរួមគ្នានេះ ដែលមិនធ្លាប់មានពីមុនមកក្នុងប្រវត្តិសាស្ត្របាល់ទាត់ នឹងនាំមកនូវទ្វីបអាហ្វ្រិក ជាមួយ អឺរ៉ុបភាគខាងជើង និងខាងត្បូង នៃតំបន់មេឌីទែរ៉ាណេ ក៏ដូចជាពិភពអាហ្វ្រិក អារ៉ាប់ និងអឺរ៉ុប-មេឌីទែរ៉ាណេ។ វានឹងនាំមកនូវអ្វីដែលល្អបំផុតនៅក្នុងយើងទាំងអស់គ្នា – ជាក់ស្ដែង ការរួមបញ្ចូលគ្នា នៃទេពកោសល្យ ភាពច្នៃប្រឌិត បទពិសោធន៍ និងមធ្យោបាយ»។
ព្រះរាជសារនេះ ត្រូវបានអានដោយលោក Chakib Benmoussa រដ្ឋមន្ត្រីអប់រំ និងកីឡារបស់ប្រទេសម៉ារ៉ុក នៅក្នុងរដ្ឋធានី Kigali របស់ប្រទេស Rwanda ជាកន្លែងដែល FIFA កំពុងធ្វើសមាជលើកទី ៧៣ របស់ខ្លួន។
ក្រុមបាល់ទាត់ជម្រើសជាតិម៉ារ៉ុក បានធ្វើឲ្យអាជ្ញាធរកីឡាបាល់ទាត់ភ្ញាក់ផ្អើលជាមួយនឹងការបង្ហាញទម្រង់លេងដ៏សំខាន់របស់ពួកគេនៅក្នុងការប្រកួត FIFA World Cup ឆ្នាំ ២០២២ ខណៈពួកគេគឺជាក្រុមអាហ្វ្រិក និងអារ៉ាប់ដំបូងគេ ដែលបានឈានដល់វគ្គពាក់កណ្ដាលផ្ដាច់ព្រ័ត្រក្នុងការប្រកួតអន្តរជាតិ។
ម៉ារ៉ុក បានចាញ់បារាំង ២-០ ក្នុងវគ្គពាក់កណ្ដាលផ្ដាច់ព្រ័ត្រក្នុងប្រទេសកាតា ឆ្នាំ ២០២២ មុនពេលក្រូអាត បានយកឈ្នះក្រុមនេះ ២-១ ក្នុងការប្រកួតដណ្ដើមចំណាត់ថ្នាក់លេខ ៣។
គួររំលឹកថា កាលពីខែតុលា អ៊ុយក្រែន ដំបូងឡើយបានចូលរួមការដេញថ្លៃជាមួយអេស្ប៉ាញ និងព័រទុយហ្គាល់ ប៉ុន្តែតួនាទីរបស់ប្រទេសដែលហែកហួរដោយសង្គ្រាមគឺមិនច្បាស់លាស់បន្ទាប់ពីការប្រកាសរបស់ម៉ារ៉ុក នេះ។
ប្រទេសអេស្ប៉ាញ ធ្លាប់ធ្វើជាម្ចាស់ផ្ទះក្នុងការប្រកួត World Cup ឆ្នាំ ១៩៨២។ ស្របពេលនោះ ព័រទុយហ្គាល់ ជាម្ចាស់ផ្ទះពានបាល់ទាត់ទ្វីបអឺរ៉ុប ឆ្នាំ ២០០៤ (UEFA EURO 2004)។
ជាមួយគ្នាផងដែរ អាហ្សង់ទីន អ៊ុយរូហ្គាយ ប៉ារ៉ាហ្គាយ និងឈីលី ក៏បានដាក់ដេញថ្លៃរួមគ្នាសម្រាប់ការប្រកួតបាល់ទាត់ពិភពលោក ឆ្នាំ ២០៣០ នេះផងដែរ៕
ប្រភព ៖ aljazeera.com
អត្ថបទ ៖ មន្នីរ័ត្ន
អ្នកវិភាគ៖ ដំណើរសម រង្ស៊ីទៅអាមេរិក គឺជារូបភាពនយោបាយប្រជាភិថុតិ និងបោកប្រាស់អ្នកគាំទ្ររបស់ខ្លួន
ត្រី Blobfish ក្លាយជាសត្វមានរូបអាក្រក់បំផុតក្នុងពិភពលោក
និយាយជាមួយពូទីនចប់ភ្លាម ត្រាំ ថា បើផ្ទុះសង្គ្រាមលោកលើកទី៣ ទ័ពអាមេរិក ក៏អាចចូលប្រយុទ្ធដែរ
តុលាការអង់គ្លេសរកឃើញថា បុរសពីរនាក់មានពិរុទ្ធពីបទលួចបង្គន់មាស
អៀរឡង់ ផ្តល់មូលនិធិ៨០ម៉ឺនអឺរ៉ូ ដើម្បីជួយសហគមន៍ជនបទភាគខាងជើងប្រទេសកម្ពុជា
ព្រះតេជគុណ ជួន កក្កដា គ្រោងលាចាកសិក្ខាបទនៅព្រឹកនេះ
និយាយជាមួយពូទីនចប់ភ្លាម ត្រាំ ថា បើផ្ទុះសង្គ្រាមលោកលើកទី៣ ទ័ពអាមេរិក ក៏អាចចូលប្រយុទ្ធដែរ
គម្រោង បុរី ឡេង ណាវ៉ាត្រា 6A គិតត្រឹមថ្ងៃនេះ បានសាងសង់ដោះស្រាយ នឹងបញ្ចប់សរុប 3172 ផ្ទះហើយ
ហ៊ូធី បាញ់មីស៊ីលដាក់អ៊ីស្រាអែល ក្រោយហ្គាហ្សាផ្ទុះអាវុធឡើងវិញស្លាប់មនុស្សជាង៤០០នាក់
ប្រជាជនថៃមកពី១៩ខេត្ត តវ៉ាដោយដឹកត្រីទីឡាព្យ៉ាថ្ពាល់ខ្មៅចាក់នៅមុខវិមានរដ្ឋាភិបាល
-
KPT+៣ ថ្ងៃ agoតំបន់កោះដ៏ពេញនិយមសម្រាប់សកម្មភាពកម្សាន្ត របស់ខេត្តកោះកុង
-
ព័ត៌មានជាតិ១ ថ្ងៃ agoអាមេរិកគ្រោងដាក់កម្ពុជាក្នុងបញ្ជីលឿង៖សម្ដេចតេជោ ថាជាសិទ្ធិរបស់គេ គ្មានអ្វីត្រូវខ្វល់ តែត្រូវកសាងប្រទេសឱ្យខ្លាំង
-
ព័ត៌មានជាតិ១ ថ្ងៃ agoពីឆ្នាំ២០០៩ ដល់បច្ចុប្បន្ន ឥស្សរជនជាន់ខ្ពស់៥រូប ត្រូវបានតម្លើងឋានន្តរសក្ដិ ថ្នាក់នាយឧត្តមសេនីយ៍ផុតលេខ ផ្កាយមាស៥
-
សន្តិសុខសង្គម៥ ថ្ងៃ agoម្ចាស់ប្រេនសម្រស់ធារ៉ា ត្រូវសមត្ថកិច្ចឃុំខ្លួន ពាក់ព័ន្ធការកែច្នៃគ្រឿងសំអាងគ្មានច្បាប់អនុញ្ញាត
-
ព័ត៌មានអន្ដរជាតិ១ សប្តាហ៍ agoមេដឹកនាំអាស៊ី ៤រូប ដែល ICC ចេញដីកាចាប់ខ្លួន ជុំវិញបទឧក្រិដ្ឋកម្មប្រឆាំងមនុស្សជាតិ
-
ព័ត៌មានជាតិ៥ ថ្ងៃ agoសម្តេចធិបតី៖ ឧកញ៉ា ១៤០រូប ត្រូវបានលុបឈ្មោះចេញ ក្នុងនោះមានឧកញ៉ាខ្លះប្រព្រឹត្តបទល្មើស
-
សន្តិសុខសង្គម៤ ថ្ងៃ agoBreaking News៖ អគ្គិភ័យកំពុងឆេះនៅផ្លូវសឡា សង្កាត់ស្ទឹងមានជ័យទី១
-
ព័ត៌មានជាតិ១៣ ម៉ោង agoព្រះតេជគុណ ជួន កក្កដា គ្រោងលាចាកសិក្ខាបទនៅព្រឹកនេះ