កីឡា
សេដ្ឋីកាតា ដេញថ្លៃកាន់កាប់ Man Utd ជាលើកទី ២ ខណៈសេដ្ឋីអង់គ្លេស ប្រថុយនឹងការអស់ឱកាស
អ្នកតំណាងរបស់មហាសេដ្ឋីកាតា Sheikh Jassim បានទៅទស្សនកិច្ចដល់កីឡដ្ឋាន Old Trafford កាលពីថ្ងៃព្រហស្បតិ៍ ហើយបានធ្វើនូវអ្វីដែលត្រូវបានគេជឿថាជាការពិភាក្សារយៈពេល ១០ ម៉ោង ជាមួយនឹងមន្ត្រីក្លិប។
Sheikh Jassim នឹងធ្វើការដេញថ្លៃកាន់តែប្រសើរឡើងសម្រាប់ Manchester United នៅសប្ដាហ៍ក្រោយក្នុងការផ្លាស់ប្ដូរដែលអាចទុកឲ្យគូប្រជែង Sir Jim Ratcliffe ដេញតាមពីក្រោយ។
កិច្ចពិភាក្សានេះរួមមាន ការពិភាក្សាផ្នែកហិរញ្ញវត្ថុលម្អិតអំពីក្លិប ក៏ដូចជាដំណើរកម្សាន្តទៅកាន់កីឡដ្ឋាន Old Trafford និងទទួលទានអាហារថ្ងៃត្រង់ទីលានហ្វឹកហាត់របស់ក្លិបនៅឯ Carrington។
Sheikh ដែលជាប្រធានធនាគារ Qatar Islamic Bank មិនមានវត្តមានខ្លួនឯងផ្ទាល់សម្រាប់ការពិភាក្សានោះទេ ប៉ុន្តែពួកគេមានការចូលរួមពីប្រធានមូលនិធិ Nine Two Foundation Shahzad Shahbaz និងទីប្រឹក្សាផ្ទាល់របស់លោក គឺលោក Fady Bakhos។
ការដេញថ្លៃលើកទី ២ ឥឡូវនេះ ត្រូវបានគេរំពឹងថា នឹងមកដល់នៅសប្ដាហ៍ក្រោយ ហើយនឹងលើសពីការផ្ដល់ជូនដំបូងចំនួន ៤.៥ ពាន់លានផោន ដែលបានដាក់កាលពីខែមុន។
មហាសេដ្ឋីអង់គ្លេស លោក Ratcliffe ដែលជាស្ថាបនិក នៃក្រុម INEOS ក៏បានដាក់ដេញថ្លៃផងដែរ ហើយលោកនឹងធ្វើដំណើរទៅ Old Trafford ដោយផ្ទាល់ខ្លួន។
Ratcliffe នឹងមកដល់ Manchester ជាមួយសហម្ចាស់ INEOS លោក Andy Currie និង John Reece ក៏ដូចជាអតីតអ្នកជិះកង់ជនជាតិអង់គ្លេស Sir Dave Brailsford ដែលជាផ្នែកមួយ នៃក្រុមជាទីប្រឹក្សាកីឡា។
ទោះបីជាមានការពាក់ព័ន្ធរបស់ Brailsford ក៏ដោយ ក៏ Ratcliffe មិនត្រូវបានគេជឿថា កំពុងរៀបចំផែនការតួនាទីនៅ United សម្រាប់អតីតគ្រូបង្វឹក Team Sky ឬទីប្រឹក្សាកីឡាមិត្តរបស់គាត់ គឺលោក Jean Claude Blanc ឡើយ។
Ratcliffe ដែលកើតនៅទីក្រុង Manchester ត្រូវបានគេនិយាយថា មានក្តីសង្ឃឹមថា “ការប៉ះផ្ទាល់” របស់លោកជួយឲ្យក្លិបឈ្នះ បើទោះបីជាបានផ្ដល់ការប្ដេជ្ញាចិត្តជាថ្មីរបស់កាតាថា លោកកំពុងប្រថុយនឹងការបរាជ័យនៅក្នុងដំណើរការដេញថ្លៃក៏ដោយ។ លោកត្រូវបានគេរំពឹងថា នឹងរៀបចំការដេញថ្លៃលើកទី ២ ផងដែរ បន្ទាប់ពីដំណើរទស្សនកិច្ចរបស់លោក។
Raine Group ដែលជាធនាគារិកពាណិជ្ជករអាមេរិក ដែលកំពុងមើលការខុសត្រូវលើការលក់ក្លិបក្នុងនាមគ្រួសារ Glazer សង្ឃឹមថា នឹងឃើញសង្គ្រាមដេញថ្លៃជំរុញឲ្យតម្លៃឡើងថ្លៃ ខណៈគ្រួសារបន្តស្វែងរកគំនិតជាច្រើនជុំវិញការលក់ពេញលេញ ឬដោយផ្នែក៕
ប្រភព ៖ mirror.co.uk
អត្ថបទ ៖ មន្នីរ័ត្ន
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
-
ព័ត៌មានអន្ដរជាតិ១៤ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?