កីឡា
តើអ្នកលេងគុនខ្មែររូបណាដែលអ្នកគាំទ្រចង់ឃើញវ៉ៃនៅ ONE Super Series ឆ្នាំ២០២១?
អ្នកលេងគុនខ្មែរ គង់ សំបូរ ជាកីឡាករកម្ពុជាម្នាក់គត់ដែលបានប្រកួតឃីកបុកសីងនៅ ONE Super Series ខណៈ ឡៅ ចិត្រា និង សុខ ធី ប្រកួតលក្ខណៈមួយថៃ ឬគុនខ្មែរនៅសង្វៀនអន្តរជាតិនេះ។
សុខ ធី បានក្លាយជាកីឡាករប្រដាល់កម្ពុជាទី១ដែលបានឈ្នះការប្រកួតប្រដាល់មួយថៃ ឬគុនខ្មែរ នៅ ONE Super Series និងជាកីឡាករតែម្នាក់គត់ដែលប្រកួតឈ្នះកាលពីឆ្នាំ២០២០។
ក្រៅពីជើងខ្លាំងគុនខ្មែរ៣នាក់ដែលបានចេញទៅប្រកួតលើឆាកអន្តរជាតិ ក៏នៅមានកីឡាករគុនខ្មែរជាច្រើនទៀតដែលមានសមត្ថភាពអាចចេញទៅប្រកួតនៅស្ថាប័នប្រដាល់ធំនៅអាស៊ី ONE Championship សម្រាប់ឆ្នាំ២០២១នេះ។
អ្នកលេងគុនខ្មែរក្នុងប្រភេទទម្ងន់ស្រាល ឃីម បូរ៉ា ជាកីឡាករកម្ពុជាលេចធ្លោជាងគេកាលពីឆ្នាំ២០២០ បន្ទាប់ពីប្រកួតជាមួយមិត្តរួមជាតិមិនដែលចាញ់សោះ។ ជាពិសេសទៀតនោះ រូបគេបាន ឈ្នះខ្សែក្រវាត់មួយគ្រឿងកាលពីឆ្នាំ២០២០ និងដើមឆ្នាំ២០២១នេះឈ្នះខ្សែក្រវាត់មួយទៀត។
សមត្ថភាពរបស់ ឃីម បូរ៉ា ពិតជាល្អគួរឲ្យកត់សំគាល់ក្នុងនោះបទពិសោធន៍ច្រើនឆ្នាំទាំងការប្រកួតក្នុងស្រុក និងអន្តរជាតិ។ ស្មារតីរបស់គេអង់អាច និងមុះមុតជាអ្នកប្រយុទ្ធពិតៗ ហើយរហ័សរហួនដែលមានកណ្តាប់ដៃ និងទាត់បានលឿនដោយមានទម្ងន់ថែមទៀត។
ទន្ទឹមជាមួយគ្នានេះ អេលីត ចំរើន ដែលឈ្នះខ្សែក្រវាត់មាសកាលពីឆ្នាំ២០២០ ក៏ជាកីឡាករម្នាក់ដែលល្អទាត់ និងកណ្តាប់ដៃ។ តាមមើលសមត្ថភាពរបស់គេពិតជាស័ក្តិសមទៅប្រកួតលើឆាកអន្តរជាតិផ្នែកប្រដាល់ឃីកបុកសីង ពីព្រោះកីឡាប្រភេទនេះត្រូវការអ្នកពូកែទាត់ និងកណ្តាប់ដៃ។
ទោះជាយ៉ាងណា អេលីត ចំរើន នៅមិនទាន់មានចលនាបម្លាស់ទីលឿន និងវ៉ៃអាវុធចេញឲ្យញាប់ៗ លឿនៗនោះទេ។ រូបគេត្រូវផ្លាស់ប្តូរទម្លាប់នៃការប្រកួតគុនខ្មែរដែលយោលយោគទៅតាមចង្វាក់ភ្លេង។
អ្នកលេងគុនខ្មែរ ខាំ ខ្លានាង ដែលស្ថិតនៅក្នុងទម្ងន់ស្រាលក៏ពិតជាកីឡាករដ៏ល្អម្នាក់។ កីឡាកររូបនេះមានរបៀបវ៉ៃលឿន រហ័ស និងចេញអាវុធលឿនៗទាំងទាត់ កណ្តាប់ដៃ កែង និងជង្គង់។
មិនថា ប្រដាល់គុនខ្មែរ មួយថៃ ឬឃីកបុកសីងទេ រូបគេអាចចេញទៅប្រកួតបាន ប៉ុន្តែត្រូវតែសិក្សាស្វែងយល់ពីទម្លាប់វ៉ៃអន្តរជាតិ ឬឃីកបុកសីងឲ្យបានច្បាស់ មុនសម្រេចចិត្តចេញទៅឆាកអន្តរជាតិ។
បើនិយាយពីកីឡាករទម្ងន់ធ្ងន់មធ្យមចាប់ពី៦៥គីឡូក្រាមឡើងទៅ៧០គីឡូក្រាមមាន២នាក់ដែលអាចទៅនៅ ONE Super Series។ តាមគំនិតរបស់លោក ជា រិទ្ធិ ដែលជាគ្រូប្រដាល់ម្នាក់ឲ្យដឹងថា លោកសម្លឹងឃើញកីឡាករ ឡៅ ចន្ទ្រា និង ម៉ឺន សុភា ដែលអាចចេញទៅវ៉ៃឃីកបុកសីង។
លោកប្រាប់ថា ឡៅ ចន្ទ្រា មានបទពិសោធន៍ច្រើនក្នុងការប្រកួតអន្តរជាតិ។ រូបគេមានអាវុធធ្ងន់ល្អគឺទាត់ និងកណ្តាប់ដៃ ដូច្នេះអាចបង្កើតការហ្វឹកហាត់ប្រដាល់ឃីកបុកសីង ហើយចេញទៅប្រកួតនៅក្រៅប្រទេស។
ចំពោះ ម៉ឺន សុភា វិញពោរពេញដោយជំនាញទាត់ និងកណ្តាប់ដៃ។ អ្នកគាំទ្រឃើញស្រាប់ហើយ កីឡាកររូបនេះក្នុងប្រវត្តិប្រកួតគុនខ្មែរគឺស្ទើរតែ៨០ទៅ៩០%គឺប្រើកណ្តាប់ដៃ និងទាត់សុទ្ធ។
រូបគេបានផ្តួលដៃគូបរទេសជាច្រើននាក់មកហើយតាមរយៈកណ្តាប់ដៃ និងទាត់។ ច្បាស់ណាស់ថា ម៉ឺន សុភាព ពិតជាស័ក្តិសមប្រកួតលក្ខណៈឃីកបុកសីង។ ទោះជាយ៉ាងណា នៅឆ្នាំ២០២០កន្លងទៅ រូបគេមិនបានឡើងប្រកួតសោះ ដូច្នេះគុណភាពប្រដាល់របស់គេនឹងមិនល្អដូចមុនទេ ហើយទម្ងន់ក៏ឡើងថែមទៀត។
សម្រាប់អ្នកគាំទ្រវិញ តើចង់ឃើញកីឡាករគុនខ្មែររូបណាចេញទៅប្រកួតនៅ ONE Super Series ដែលជាកម្មវិធីប្រជុំដោយជើងខ្លាំងឃីកបុកសីង មួយថៃ និងឃីកបុកសីង មកពីជុំវិញពិភពលោក?៕
រដ្ឋបាលជលផល និងកូរ៉េ ផ្តល់ការគាំទ្រដាំស្តារព្រៃកោងកាងទំហំជាង៥០០ហិចតានៅខេត្តកោះកុង
សមត្ថកិច្ចរៀបចំសំណុំរឿងផ្ទុះរថយន្តស្តារិចនៅខេត្តព្រៃវែង ដើម្បីឱ្យជនរងគ្រោះទទួលបានសំណងតាមច្បាប់ និងបញ្ជូនអ្នកបំផ្ទុះអាវុធមកអគ្គស្នងការ
លោកបណ្ឌិត លី ឆេង តំណាងរាស្រ្តមណ្ឌលរាជធានីភ្នំពេញ ដឹកនាំគណៈគ្រប់គ្រង បុគ្គលិក សាស្រ្តាចារ្យ លោកគ្រូអ្នកគ្រូ និងនិស្សិតប៊ែលធី ជិត១០០០នាក់បរិច្ចាគឈាម ក្នុងឱកាសអបអរសាទរ ទិវាសន្តិភាពនៅកម្ពុជា ២៩-ធ្នូ-២០២៤
សម្តេច ម៉ែន សំអន ៖ កម្ពុជាមានសន្តិភាព ទើបអាចអភិវឌ្ឍន៍សេដ្ឋកិច្ច សង្គម និងសុខមាលភាពប្រជាជន ផ្ទុយពីប្រទេសមានសង្គ្រាម
វៀតណាម កាត់ទោសប្រហារជីវិត ស្រ្តីជាមេគ្រឿងញៀន និងបក្សពួក២៦នាក់ទៀត
សមត្ថកិច្ចរៀបចំសំណុំរឿងផ្ទុះរថយន្តស្តារិចនៅខេត្តព្រៃវែង ដើម្បីឱ្យជនរងគ្រោះទទួលបានសំណងតាមច្បាប់ និងបញ្ជូនអ្នកបំផ្ទុះអាវុធមកអគ្គស្នងការ
ក្នុងឆ្នាំ២០២៤ នាយករដ្ឋមន្ត្រីធ្វើទស្សនកិច្ចផ្លូវការទៅកាន់ប្រទេសចំនួន៨
រុស្ស៊ី ព្រមាន ត្រាំ មិនឲ្យសាកល្បងអាវុធនុយក្លេអ៊ែរ
NBC បញ្ជាក់សារជាថ្មីថា៖ ទ្រព្យសកម្មគ្រីបតូមួយចំនួនត្រូវបានធនាគារជាតិនៃកម្ពុជាអនុញ្ញាតិឱ្យធ្វើប្រតិបត្តិការ
នគរបាលខេត្តស្វាយរៀង បំបែកសំណុំរឿងឃាតកម្មលើស្ត្រីជនពិការ(គ)
-
សន្តិសុខសង្គម៤ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៥ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍១ សប្តាហ៍ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ១ សប្តាហ៍ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
សន្តិសុខសង្គម២ ថ្ងៃ agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ព័ត៌មានជាតិ១ សប្តាហ៍ agoកម្ពុជាបានចំណាយជាង២,១៨ពាន់លានដុល្លារលើការនាំចូលប្រេងឥន្ធនៈក្នុងរយៈពេល១១ខែ
-
ព័ត៌មានអន្ដរជាតិ១ សប្តាហ៍ agoស្ថានទូតចំនួន៦ ត្រូវបានកម្ទេច ពេលរុស្ស៊ីបាញ់មីស៊ីលវាយប្រហាររដ្ឋធានីកៀវ
-
ចរាចរណ៍៤ ថ្ងៃ agoអ្នកដឹកជញ្ជូនម្ហូបអាហារម្នាក់ត្រូវរថយន្ដបុកស្លាប់ពេលជិះឆ្លងផ្លូវ