កីឡា
ព្រះរាជពិធីប្រោសព្រះរាជទានព្រះអគ្គិជ័យកីឡា សម្រាប់ស៊ីហ្គេម-អាស៊ានប៉ារ៉ាហ្គេម បង្ហាញពីការត្រៀមរៀបចំខ្លួនរួចរាល់
សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មាធិការជាតិ CAMSOC-CAMAPGOC បានថ្លែងក្នុងព្រះរាជពិធីប្រោសព្រះរាជទានព្រះអគ្គិជ័យកីឡាសម្រាប់ព្រឹត្តិការណ៍ SEA Games-ASEAN Para Games 2023 នៅថ្ងៃទី ២១ ខែមីនា ឆ្នាំ ២០២៣ នៅប្រាសាទអង្គរវត្តថា «ការប្រារព្ធព្រះរាជពិធីប្រោសព្រះរាជទានព្រះអគ្គិជ័យកីឡា ថ្ងៃនេះ បានបង្ហាញថា រាជរដ្ឋាភិបាលកម្ពុជា តាមរយៈគណៈកម្មាធិការជាតិ CAMSOC-CAMAPGOC បានត្រៀមរៀបចំខ្លួនរួចរាល់»។
នេះជាការក្រាបបង្គំទូលថ្វាយរបស់សម្តេចពិជ័យសេនា ទៀ បាញ់ នៅក្នុងព្រះរាជពិធីប្រោសព្រះរាជទានព្រះអគ្គិជ័យកីឡាសម្រាប់ព្រឹត្តិការណ៍ SEA Games-ASEAN Para Games 2023 ក្រោមព្រះរាជាធិបតីដ៏ខ្ពង់ខ្ពស់បំផុត ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។
សម្តេចពិជ័យសេនា ទៀ បាញ់ បានក្រាបបង្គំទូលថ្វាយ និងបានជម្រាបជូនបន្ថែមថា ការត្រៀមខ្លួនធ្វើម្ចាស់ផ្ទះព្រឹត្តិការណ៍កីឡាជាប្រវត្តិសាស្ត្រដំបូងរបស់កម្ពុជា ឆ្នាំ ២០២៣ នេះ គឺកម្ពុជាបានត្រៀមការរៀបចំហេដ្ឋារចនាសម្ព័ន្ធកីឡា ហេដ្ឋារចនាសម្ព័ន្ធសាធារណៈគាំទ្រដទៃទៀត អភិវឌ្ឍន៍បណ្ដុះបណ្ដាលធនធានកីឡា មន្ត្រីជំនាញបច្ចេកទេស អាជ្ញាកណ្ដាល ចៅក្រម គ្រូបង្វឹក ការប្រកួតកីឡាគ្រប់ប្រភេទ និងការពង្រឹងសហព័ន្ធកីឡាជាតិ ដោយមានការគាំទ្រ និងសម្រេចរួមគ្នាពីសហព័ន្ធកីឡាអាស៊ីអាគ្នេយ៍ និងសហព័ន្ធកីឡាជនពិការអាស៊ាន លើប្រភេទកីឡា និងវិញ្ញាសាប្រកួតទាំងអស់។ «ក្នុងនាមគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើកទី ៣២ និងអាស៊ានប៉ារ៉ាហ្គេម លើកទី ១២ ខ្ញុំព្រះករុណាខ្ញុំ មានកិត្តិយសដ៏ឧត្ដុង្គឧត្ដម និងមានសេចក្ដី រំភើបសោមនស្សរីករាយឥតឧបមា សូមសម្ដែងនូវអភិវន្ទនាការ និងកតញ្ញុតាធម៌ដ៏ជ្រាលជ្រៅបំផុត ចំពោះព្រះរាជវត្តមានដ៏ថ្លៃថ្លារបស់ព្រះករុណា ព្រះបាទសម្តេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ដែលព្រះអង្គទ្រង់សព្វព្រះរាជហឫទ័យយាងជាព្រះរាជាអធិបតីដ៏ខ្ពង់ខ្ពស់ក្នុង “ព្រះរាជពិធីប្រោសព្រះរាជទានព្រះអគ្គិជ័យកីឡា សម្រាប់ព្រឹត្តិការណ៍ SEA Games-ASEAN Para Games 2023 នៅប្រាសាទអង្គរវត្តដ៏មហានក្ខត្តឫក្សនេះ»។
បន្ថែមពីលើនេះ សម្តេចពិជ័យសេនា ទៀ បាញ់ ក៏បានបញ្ជាក់ដែរថា ផែនការប្រារព្ធពិធីរត់ភ្លើងគប់នាពេលនេះ បានរៀបចំឡើងមានភាពហ្មត់ចត់ ប្រទាក់ក្រឡាគ្នាយ៉ាងស្អិតល្មួត ត្រៀមលក្ខណៈបានគ្រប់ជ្រុងជ្រោយ ដោយមានកិច្ចសហការល្អប្រកបដោយការទទួលខុសត្រូវខ្ពស់ រវាងគណៈកម្មាធិការជាតិ CAMSOC-CAMAPGOC, ក្រសួងអប់រំ យុវជន និងកីឡា, គណៈកម្មាធិការជាតិអូឡាំពិកកម្ពុជា, គណៈកម្មាធិការជាតិប៉ារ៉ាឡាំពិកកម្ពុជា, សហព័ន្ធកីឡាជាតិ, អាជ្ញាធរ រាជធានីខេត្ត ក្រសួង ស្ថាប័នពាក់ព័ន្ធ ពិសេសក្រសួងការបរទេស និងសហប្រតិបត្តិការអន្តរជាតិ ស្ថានទូតកម្ពុជាប្រចាំបណ្ដាប្រទេសអាស៊ីអាគ្នេយ៍ និងគណៈកម្មាធិការប៉ារ៉ាឡាំពិកអន្តរជាតិ នៃបណ្ដាប្រទេសអាស៊ីអាគ្នេយ៍ដែលភ្លើងគប់កីឡា ត្រូវដង្ហែឆ្លងកាត់។
«ព្រះរាជពិធីប្រោសព្រះរាជទានព្រះអគ្គិជ័យកីឡា សម្រាប់ព្រឹត្តិការណ៍ SEA Games-ASEAN Para Games 2023 ប្រារព្ធឡើងក្រោមព្រះរាជាអធិបតីដ៏ខ្ពង់ខ្ពស់បំផុត ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត នាឱកាសដ៏មហោឡារិកនេះ បានបង្កប់ដោយប្រពៃណីទំនៀមទម្លាប់ដ៏ផូរផង់របស់ខ្មែរ ដែលជាសិល្បៈ និងវប្បធម៌ដ៏ចំណាស់មួយនៅក្នុងតំបន់ និងជាព្រះអគ្គិជ័យកីឡាប្រកបដោយអច្ឆរិយភាព ដែលមិនត្រឹមតែឆ្លុះបញ្ចាំងអំពីអំណាចទេវតា ថាមពល មិត្តភាព សាមគ្គីភាព និងនិរន្តរភាពប៉ុណ្ណោះទេ ប៉ុន្តែក៏ជាព្រះអគ្គិតំណាងឲ្យភាពរុងរឿង នៃកីឡានៅក្រោមម្លប់សន្តិភាព និងការអភិវឌ្ឍ ដែលឆ្លុះបញ្ចាំងឲ្យឃើញថា កីឡារស់ក្នុងសន្តិភាព»។ សម្តេចពិជ័យសេនា ទៀ បាញ់ បានក្រាបបង្គំទូលថ្វាយ និងបានជម្រាបជូនបន្ថែម។
សូមបញ្ជាក់ថា ក្រោយសន្ទរកថាចប់ ស្គរជ័យ នឹងបន្លឺឡើង ការសម្ដែងរបាំបួងសួង ចាប់ផ្ដើម។ បន្ទាប់មកទៀតអត្តពលិក ១ នាក់ កាន់គប់កីឡា អមដោយអត្តពលិក ២ នាក់ រត់តិចៗ ចេញពីទិសខាងកើត នៃប្រាសាទអង្គរវត្ត មកទទួលព្រះរាជទាន ព្រះអគ្គិជ័យកីឡា នៅទិសខាងលិច ព្រះករុណាជាអម្ចាស់ជីវិតលើត្បូង ស្ដេចយាងប្រោសព្រះរាជទាន ព្រះអគ្គិជ័យកីឡា (សម្តេចចៅហ្វាវាំង ថ្វាយដងឆ្នូន) ដល់គប់កីឡាដែលកាន់ដោយអត្តពលិក ១ នាក់ អមដោយអត្តពលិក ២ នាក់ រួចបន្តរត់ជុំវិញវង់តូចអង្គរ ស្គរជ័យបន្លឺឡើងជានិមិត្តរូប នៃសន្តិភាព ”កីឡារស់ក្នុងសន្តិភាព”។
ភ្លើងអគ្គិកីឡា នឹងត្រូវបានរក្សាទុកនៅក្នុងចង្កៀងពិសេសមួយ ដើម្បីរត់ដង្ហែយកតាមទៅកាន់ប្រទេសក្នុងតំបន់អាស៊ីអាគ្នេយ៍ ដើម្បីជានិមិត្តរូប នៃបំផុសចលនាឲ្យប្រទេសទូទាំងអាស៊ីអាគ្នេយ៍ ត្រៀមស្វាគមន៍ព្រឹត្តិការណ៍កីឡាស៊ីហ្គេម និងអាស៊ានប៉ារ៉ាហ្គេម ឆ្នាំ ២០២៣ របស់កម្ពុជា៕
អត្ថបទ ៖ មន្នីរ័ត្ន
អាជ្ញាធរខណ្ឌពោធិ៍សែនជ័យ បន្តដាក់គ្រឿងចក្រឈូសកាយពង្រីកផ្លូវ នៅផ្សារត្រពាំងពោធិ៍
ប្រព័ន្ធគ្រប់គ្រងភាពជឿជាក់លើធុរជនជំនាន់ថ្មីរបស់គយនឹងដាក់ឱ្យប្រើប្រាស់ជាផ្លូវការនៅដើមខែកុម្ភៈ
អ្នកនាំពាក្យ៖ ករណីពលរដ្ឋទៅទទួលអំណោយនៅមុខភូមិគ្រឹះអ្នកឧកញ៉ា សុខ គង់ ស្លាប់៤នាក់ ខណៈ៥នាក់ទៀតកំពុងសង្គ្រោះ
លោកជំទាវពេជ ចន្ទមុន្នី៖ ពេទ្យគន្ធបុប្ផា បានដណ្ដើមជីវិតកុមារពីមាត់មច្ចុរាជ ក្រោយមកកុមារទាំងនោះក្លាយជាគ្រូពេទ្យ និងធនធានមនុស្សដ៏សំខាន់
ស្ទះជើងហោះហើរ នៅអាកាសយានដ្ឋានអន្តរជាតិភ្នំពេញ ដោយសារកំណើនចេញ-ចូល មុនពេលបុណ្យចូលឆ្នាំចិន
តារាសម្តែងជើងចាស់ រ៉េត រ៉ូស ប្រាប់អ្នកសិល្ប:ជំនាន់ក្រោយ ប្រយ័ត្នផលិតករកេងប្រវ័ញ្ចលើកម្លាំង
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
កូរ៉េខាងជើង ប្រហារជីវិតអ្នកស្រាវជ្រាវជាន់ខ្ពស់ ព្រោះគម្រោងថាមពលនុយក្លេអ៊ែរបរាជ័យ
ត្រាំ បញ្ជាឲ្យសមត្ថកិច្ចអាមេរិក ចាប់ខ្លួនជនអន្តោប្រវេសន៍ខុសច្បាប់ នៅតាមសាលារៀន និងព្រះវិហារ
ត្រាំ ផ្តាំទៅ ពូទីន! ចង់បានធម៌ក្តៅឬធម៌ត្រជាក់?
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៦ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៣ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៧ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ១ សប្តាហ៍ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៧ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់