កីឡា
Ronaldo និយាយថា ខ្លួនក្លាយជាបុរសដែលប្រសើរជាងមុន បន្ទាប់ពីរងទុក្ខជាមួយ Man Utd
Cristiano Ronaldo នៅមុនថ្ងៃ នៃការក្លាយជាកីឡាករដែលបង្ហាញខ្លួនច្រើនបំផុតជាមួយក្រុមជម្រើសជាតិបាល់ទាត់បុរស បាននិយាយថា ភាពលំបាករបស់ខ្លួនជាមួយ Manchester United ពេលចូលរួមលើកទី ២ បានធ្វើឲ្យគេក្លាយជាបុរសដែលប្រសើរជាងមុន។
Ronaldo បាននិយាយបើកចំហយ៉ាងខ្លីអំពីបញ្ហារបស់ខ្លួននៅក្លិបអង់គ្លេស មុនពេលការប្រកួតរបស់ព័រទុយហ្គាល់ ជាមួយ Liechtenstein ក្នុងវគ្គជម្រុះ សម្រាប់ជើងឯកទ្វីបអឺរ៉ុប នាថ្ងៃព្រហស្បតិ៍ នៅពេលរូបគេនឹងបំបែកកំណត់ត្រាសម្រាប់ការបង្ហាញខ្លួនជាមួយក្រុមជម្រើសជាតិបាល់ទាត់បុរសច្រើនជាងគេបំផុតតែម្នាក់គត់លើពិភពលោក។
“គ្មានពេលសោកស្ដាយក្នុងជីវិតនេះទេ។ ទោះបីជាយើងធ្វើមិនបានល្អក៏ដោយ វាជាផ្នែកមួយ នៃជីវិតរបស់យើង។ ” Ronaldo និយាយកាលពីថ្ងៃពុធ។ “ពេលយើងនៅលើកំពូលភ្នំ វាពិបាកនឹងមើលឃើញអ្វីនៅខាងក្រោមនេះ ហើយច្រើនដងដែលខ្ញុំមិនអាចធ្វើបាន។ ខ្ញុំមានអារម្មណ៍ថា ខ្ញុំបានត្រៀមខ្លួនបានល្អជាងនៅពេលនេះ ព្រោះខ្ញុំអាចមើលឃើញរឿងមួយចំនួន។ ខ្ញុំជាមនុស្សដែលជាងមុននាពេលឥឡូវនេះ”។
Ronaldo វ័យ ៣៨ ឆ្នាំ បានចូលរួមជាមួយក្លិបអារ៉ាប៊ីសាអូឌីត Al Nassr បន្ទាប់ពីកិច្ចសន្យារបស់គេត្រូវបានបញ្ចប់ដោយ Man United បន្ទាប់ពីផ្ដល់បទសម្ភាសន៍តាមទូរទស្សន៍ដែលបានរិះគន់អ្នកចាត់ការ លោក Erik ten Hag និងម្ចាស់ក្លិប បន្ទាប់ពីត្រូវបានក្លិបដាក់ជាកីឡាករបម្រុង ហើយថែមទាំងត្រូវបានក្លិបផ្អាកជាបណ្ដោះអាសន្នផងដែរ។
CR7 បាននិយាយថា “ខ្ញុំគិតថាអ្វីគ្រប់យ៉ាងនៅក្នុងជីវិតកើតឡើងដោយហេតុផល”។ “ខ្ញុំជាញឹកញាប់មានភាពរីករាយក្នុងការឆ្លងកាត់រឿងលំបាកមួយចំនួន ដូច្នេះខ្ញុំអាចមើលឃើញថា នរណាជាអ្នកនៅខាងខ្ញុំ។ នៅពេលលំបាក អ្នកឃើញអ្នកណានៅខាងអ្នក។ វាមិនមែនជាដំណាក់កាលដ៏ល្អមួយក្នុងជីវិតរបស់ខ្ញុំ ក្នុងអាជីពរបស់ខ្ញុំ ជាដំបូងលើកម្រិតផ្ទាល់ខ្លួន និងបន្ទាប់មកប្រកបដោយវិជ្ជាជីវៈ”។
Ronaldo បាននិយាយថា គេមានការលើកទឹកចិត្ត និងរីករាយជាមួយនឹងពេលវេលារបស់ខ្លួន ជាមួយនឹងក្រុមជម្រើសជាតិព័រទុយហ្គាល់ បន្ទាប់ពីការប្រកួត World Cup ដ៏ខកចិត្តមួយ ដែលត្រូវបានអង្គុយនៅកៅអីក្នុងវគ្គជម្រុះ ហើយបានចាកចេញពីទីលានទាំងទឹកភ្នែក បន្ទាប់ពីចាញ់ម៉ារ៉ុក ក្នុងវគ្គ ៨ ក្រុមចុងក្រោយ។
Ronaldo ត្រូវបានគេរំពឹងថា នឹងបំបែកកំណត់ត្រានៅថ្ងៃព្រហស្បតិ៍ ខណៈគ្រូបង្វឹកព័រទុយហ្គាល់ថ្មីលោក Roberto Martínez បាននិយាយថា លោកនៅតែពឹងផ្អែកលើខ្សែប្រយុទ្ធរូបនេះ។
“កំណត់ត្រានេះគឺពិសេស។ ខ្ញុំនឹងពិតជាមានមោទនភាពប្រសិនបើវាកើតឡើង” Ronaldo បាននិយាយ។ “ប៉ុន្តែខ្ញុំចង់បន្តលេងបន្ថែមទៀត ខ្ញុំមិនចង់ឈប់ត្រឹមនេះនោះទេ”។
Ronaldo បានទទួលស្គាល់ថា មានការសង្ស័យអំពីអនាគតរបស់គេជាមួយនឹងក្រុមជម្រើសជាតិ ប៉ុន្តែវាគឺជារឿងអតីតកាល៕
ប្រភព ៖ AFP
អត្ថបទ ៖ មន្នីរ័ត្ន
សម្ដេចតេជោ ស្ដាយដែលអ្នកសារព័ត៌មានចាត់ទុកថាថៃជោគជ័យលើការបង្ក្រាបបទល្មើសឆបោកតាមអនឡាញ តែថាកម្ពុជាបរាជ័យ
បណ្ឌិត សូ ណារ៉ូ ៖ ពលរដ្ឋកុំធ្វើតាមទណ្ឌិត សម រង្ស៊ី ព្រោះជាការញុះញង់ផ្តួលរំលំរដ្ឋាភិបាល និងជាបទល្មើសព្រហ្មទណ្ឌកម្រិតធ្ងន់
បុណ្យកោងកាងសន្តិភាពឆ្នាំនេះ÷ កូនកោងកាង៥ពាន់ដើម ត្រូវបានដាំនៅក្នុងសហគមន៍កោះកាពិ ខេត្តកោះកុង
លោកស្រី ដោ សម្ផស្ស៖ សមាគមកាយឫទ្ធិនារី ត្រូវយកចំណេះដឹងទៅផ្សព្វផ្សាយ ក្នុងសហគមន៍ ដើម្បីទីក្រុងយើងមានបរិស្ថានល្អ
ផ្លូវថ្មើរជើងរាត្រីនេះ មានល្ខោនបាសាក់ ចាបុីដងវែងនៅសប្តាហ៍ក្រោយ នឹងមានកំប្លែងនាយក្រឹម
Trump ដាក់លក្ខខណ្ឌបើ Zelensky ចង់មកចរចាម្តងទៀត
Trump និង Zelensky ឈ្លោះគ្នានៅសេតវិមាន ផ្អើលពិភពលោក
ជម្លោះ Trump-Zelensky ធ្វើឲ្យអឺរ៉ុបធ្លាក់ចូលវិបត្តិជ្រៅ, តើណាតូនិងអ៊ុយក្រែន ទៅជាយ៉ាងណា?
រុស្ស៊ីពង្រឹងការទូតយ៉ាងខ្លាំង ក្រោយអាមេរិកផ្សះផ្សាវិញ ប៉ុន្តែដូណាល់ ត្រាំបំបែកសម្ព័ន្ធមិត្ត
មេដឹកនាំបណ្តាប្រទេសនៅអឺរ៉ុបបង្ហាញជំហរពិតក្នុងជម្លោះត្រាំនិងហ្សេលេនស្គី
-
សេចក្ដីជូនដំណឹង១ សប្តាហ៍ agoរៃហ្គេត ហ្គ្រេមម័រ ស្គូល ភ្នំពេញ ដើមកំណើត៣៥០ឆ្នាំ ពីចក្រភពអង់គ្លេស
-
ព័ត៌មានអន្ដរជាតិ៤ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ៧ ថ្ងៃ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៣ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៥ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៦ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម១ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៤ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ