កីឡា
FIFA គ្រោងចំណាយប្រាក់ ៣៥៥ លានដុល្លារ ដល់ក្លិប សម្រាប់ការបញ្ជូនកីឡាកររបស់ពួកគេទៅលេង World Cup ឆ្នាំ ២០២៦
សហព័ន្ធបាល់ទាត់ពិភពលោក (FIFA) នឹងបង់ប្រាក់ឲ្យក្លិបចំនួន ៣៥៥ លានដុល្លារ សម្រាប់ការអនុញ្ញាតឲ្យកីឡាករចូលរួមការប្រកួតបាល់ទាត់ពិភពលោក ឆ្នាំ ២០២៦ ដែលជាការកើនឡើង ៧៥ ភាគរយ ពីប្រទេសកាតា កាលពីឆ្នាំមុន។
ក្រោមកម្មវិធីអត្ថប្រយោជន៍ក្លិបដែលត្រូវបានណែនាំនៅក្នុងការប្រកួតបាល់ទាត់ពិភពលោកអាហ្វ្រិកខាងត្បូង ឆ្នាំ ២០១០ FIFA ផ្តល់សំណងដល់ក្លិបជុំវិញពិភពលោកសម្រាប់រាល់ថ្ងៃដែលកីឡាកររបស់ពួកគេមិននៅការប្រកួត។
Manchester City ទទួលបានប្រាក់ចំណេញច្រើនបំផុតជាងក្លិបណាណាទាំងអស់ពី World Cup 2022 ដោយទទួលបាន ៤.៥ លានផោន នៃ ១៦៩ លានផោន ($២០៩ លានដុល្លារ) ដែល FIFA ចែកចាយ។ ប៉ុន្តែចំនួនសរុបទាំងនោះនឹងកើនឡើងបន្ទាប់ពី FIFA និងសមាគមក្លិបអឺរ៉ុប [ECA] បានបន្តអនុស្សរណៈ នៃការយោគយល់គ្នារហូតដល់ថ្ងៃទី ៣១ ខែធ្នូ ឆ្នាំ ២០៣០ ក្នុងកិច្ចប្រជុំកំពូលក្នុងទីក្រុង Budapest។
ជាមួយនឹងការប្រកួត World Cup គ្រោងនឹងពង្រីកពី ៣២ ទៅ ៤៨ ប្រទេស ហើយពី ៦៤ ទៅ ១០៤ ប្រកួត – សម្រាប់ការប្រកួតឆ្នាំ ២០២៦ ដែលធ្វើជាម្ចាស់ផ្ទះរួមគ្នាដោយសហរដ្ឋអាមេរិក កាណាដា និងម៉ិកស៊ិក ប្រាក់សំណងក៏នឹងកើនឡើងតាមនោះ។
ទឹកប្រាក់ ២៩០ លានផោន នៃអត្ថប្រយោជន៍សម្រាប់ក្លិប ក៏នឹងអនុវត្តចំពោះការប្រកួតបាល់ទាត់ពិភពលោក ឆ្នាំ ២០៣០ ផងដែរ។
សេចក្ដីថ្លែងការណ៍របស់ FIFA ដែលបានចេញផ្សាយកាលពីរសៀលថ្ងៃចន្ទអានថា “កម្មវិធីអត្ថប្រយោជន៍ក្លិបដែលផ្តល់សំណងដល់ក្លិបទាំងអស់ដែលបានអនុញ្ញាតកីឡាករចូលរួមការប្រកួតបាល់ទាត់ពិភពលោក នឹងកើនឡើងពី ២០៩ លានដុល្លារ សម្រាប់ការប្រកួតបាល់ទាត់ពិភពលោក ឆ្នាំ ២០១៨ និង ២០២២ ដល់ ៣៥៥ លានដុល្លារ សម្រាប់ឆ្នាំ ២០២៦ និង ២០៣០។
Sportsmail បានរាយការណ៍ក្នុងអំឡុងពេលការប្រកួត World Cup ក្នុងខែធ្នូថា City នឹងទទួលបានប្រហែល ៤.៥ លានផោន ពី FIFA ក្រោមកម្មវិធី Club Benefits Programme របស់ខ្លួនដែលបានបង់ប្រាក់ចំនួន $១០,០០០ នៅពេលនោះជារៀងរាល់ថ្ងៃសម្រាប់កីឡាករម្នាក់ៗនៅ World Cup រួមទាំងជាសប្ដាហ៍ផងដែរសម្រាប់រយៈពេល នៃការរៀបចំជាផ្លូវការជាមុន។
ទោះបីជាការប្រកួត World Cup លើកក្រោយនឹងត្រលប់ទៅខែមិថុនា និងកក្កដា ក្លិបត្រូវបានកំណត់ឲ្យទទួលបានប្រាក់សំណងខ្ពស់ជាងនេះ។
ម្ចាស់ជើងឯក Premier League មានកីឡាករសរុបចំនួន ១៦ នាក់ ដែលតំណាងឲ្យប្រទេសចំនួន ៩ ផ្សេងគ្នា ក្នុងប្រទេសកាតា ដោយកីឡាករអាហ្សង់ទីន Julian Alvarez លើកពាន។
កីឡាកររបស់ Man City ផ្សេងទៀតរួមមាន Jack Grealish របស់អង់គ្លេស Ederson របស់ប្រេស៊ីល និង Bernardo Silva របស់ព័រទុយហ្គាល់ បានរីករាយនឹងការឈានទៅកាន់វគ្គ ៨ ក្រុមចុងក្រោយ។
ដោយឡែក Barcelona ទទួលបានប្រហែល ៣.៣២ លានផោន, Manchester United ២.៩២ លានផោន និង Chelsea ២.៤៦ លានផោន៕
ប្រភព ៖ dailymail.co.uk
អត្ថបទ ៖ មន្នីរ័ត្ន
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
-
ព័ត៌មានអន្ដរជាតិ១៤ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?