កីឡា

កម្ពុជាជាប់លេខ១ ឈ្នះមេដាយមាស១០គ្រឿងជើងឯកវ៉ូវីណាមអាស៊ាន២០២៣

បានផុស

២ years មុន

នៅ

ថ្ងៃព្រហស្បតិ៍ ៣០ មីនា ២០២៣

ដោយ

ក្រុមកីឡាវ៉ូវីណាមជម្រើសជាតិកម្ពុជាទទួលបានចំណាត់ថ្នាក់លេខ១ក្នុងការប្រកួតកីឡាវ៉ូវីណាម ជ្រើសរើសជើងឯកអាស៊ីអាគ្នេយ៍ (អាស៊ាន) លើកទី៦ ពីថ្ងៃទី២៧ដល់ទី២៩ ខែមីនា ឆ្នាំ២០២៣ នៅប្រទេសកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតបានបញ្ចប់ទៅកាលពីល្ងាចថ្ងៃពុធ ទី២៩ ខែមីនា លទ្ធផលបង្ហាញឲ្យឃើញថា ក្រុមកីឡាវ៉ូវីណាមកម្ពុជាឈ្នះមេដាយមាស១០ ប្រាក់៩ និងសំរឹទ្ធ១០ សរុប២៩គ្រឿង ដោយស្ថិតនៅចំណាត់ថ្នាក់លេខ១ ក្នុងចំណោមប្រទេស៧ចូលរួមប្រកួត។

លេខ២បានទៅប្រទេសម្ចាស់ផ្ទះក្បាច់គុនគឺវៀតណាម តាមរយៈការឈ្នះមេដាយមាស៩ និង ប្រាក់១១ សរុប២០គ្រឿង ខណៈលេខ៣បានទៅមីយ៉ាន់ម៉ាដែលបានឈ្នះមេដាយមាស៥ ប្រាក់៤ និងសំរឹទ្ធ១៩ សរុប២៨គ្រឿង។

ថៃ ស្ថិតនៅលេខ៤ពីការឈ្នះមេដាយមាស៣ ប្រាក់៥ និងសំរឹទ្ធ៤ ហើយឥណ្ឌូនេស៊ី ឈ្នះមេដាយមាស៣ និងសំរឹទ្ធ១៦ ឈរលេខ៥ ខណៈលេខ៦បានទៅហ្វីលីពីន ឈ្នះមេដាយប្រាក់១ និងសំរឹទ្ធ៦ ហើយឡាវលេខ៧ដោយឈ្នះមេដាយសំរឹទ្ធ៤។

នេះជាការប្រកួតសម្រាប់ត្រៀមកីឡាស៊ីហ្គេម លើកទី៣២ ឆ្នាំ២០២៣ ស្របពេលវ៉ូវីណាមនេះជាប្រភេទកីឡាមានសក្តានុពលដែលម្ចាស់ផ្ទះកម្ពុជារំពឹងឈ្នះមេដាយច្រើន។

តារាងមេដាយ