កីឡា

អបអរសាទរ! សម្តេចតេជោ ហ៊ុន សែន ឲ្យអ្នកគាំទ្រចូលទស្សនាកីឡាស៊ីហ្គេមដោយសេរី

បានផុស

២ years មុន

នៅ

ថ្ងៃព្រហស្បតិ៍ ៣០ មីនា ២០២៣

ដោយ

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានប្រកាសជាផ្លូវការ និងបញ្ជាក់យ៉ាងច្បាស់គឺគ្មានការលក់សំបុត្រចូលទស្សនាទាំងពិធីបើក-បិទ និងការប្រកួតលើប្រភេទកីឡាណាមួយក្នុងព្រឹត្តិការណ៍ស៊ីហ្គេម នាពេលខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីមានការបង្ហោះតាមបណ្តាញសង្គមពាក់ព័ន្ធនឹងការលក់សំបុត្រចូលទស្សនាពិធីបើក និងបិទកីឡាស៊ីហ្គេម ឬមានដំណឹងណាមួយដែលពាក់ព័ន្ធនឹងការលក់សំបុត្រចូលទស្សនាការប្រកួតប្រភេទកីឡាណាមួយ ត្រូវបានសម្តេចតេជោ ហ៊ុន សែន ប្រឆាំងដាច់ខាតមិនអនុញ្ញាតឲ្យមានការលក់សំបុត្រទាំងអស់។

សម្តេចតេជោ ហ៊ុន សែន បានបញ្ជាក់លើ៣ចំណុចគឺ

១. មិនឲ្យមានការលក់សំបុត្រក្នុងពិធីបើក និងបិទកីឡាស៊ីហ្គេម
២. ឲ្យបងប្អូនចូលទស្សនាដោយសេរី និងគ្មានបង់ប្រាក់ទាំងអស់ក្នុងពិធីបើក-បិទ
៣. ឲ្យចូលទស្សនាការប្រកួតកីឡាគ្រប់ប្រភេទ ក៏គ្មានការបង់ប្រាក់ឡើយ

សម្តេចតេជោ ហ៊ុន សែន បានលើកឡើងថា កម្ពុជាក្នុងការទទួលរៀបចំធ្វើម្ចាស់ផ្ទះការប្រកួតកីឡាស៊ីហ្គេម ឆ្នាំ២០២៣នេះបានចំណាយប្រាក់ច្រើនណាស់រាប់រយលានដុល្លារទាំងការកសាងហេដ្ឋារចនាសម្ព័ន្ធកីឡា ធនធានមនុស្ស ធនធានអត្តពលិក ធនធានមន្ត្រី និងហេដ្ឋារចនាសម្ព័ន្ធនានាទៀត ដូច្នេះមិនត្រូវការឲ្យមានការលក់សំបុត្រអ្វីឡើយ បន្ទាប់ពីរង់ចាំអស់រយៈពេល៦៤ឆ្នាំទើបអាចរៀបចំព្រឹត្តិការណ៍ធំជាប្រវត្តិសាស្ត្រលើកដំបូងនេះ៕

អត្ថបទ៖ វីរបុត្រ

Related Topics:កីឡាស៊ីហ្គេម ឆ្នាំ២០២៣