ដឹងទេ សំបុត្រចូលទស្សនាពិធីបើកកីឡាស៊ីហ្គេមឆ្នាំមុននៅ វៀតណាម ចែក​ដោយឥតគិតថ្លៃ ឬលក់យកលុយ?

ប្រិយមិត្តប្រាកដជាមានចម្ងល់ហើយពាក់ព័ន្ធនឹងសំបុត្រសម្រាប់ចូលទស្សនាពិធិបើកព្រឹត្តិការណ៍កីឡាស៊ីហ្គេមលើកទី ៣១ ដែលប្រទេសវៀតណាមធ្វើជាម្ចាស់ផ្ទះកាលពីឆ្នាំ ២០២២ ថាតើចែកចាយដោយឥតគិតថ្លៃ ឬក៏ដាក់លក់យកលុយ ។

ពាក់ព័ន្ធនឹងបញ្ហានេះដែរ ទីភ្នាក់ងារសារព័ត៌មានវៀតណាម VNA បានចុះផ្សាយថា សំបុត្រសម្រាប់ការចូលទស្សនាពិធីបើកព្រឹត្តិការណ៍ប្រកួតកីឡាស៊ីហ្គេមលើកទី ៣១ ក្នុងពហុកីឡដ្ឋាន My Dinh នៅទីក្រុងហាណូយកាលពីឆ្នាំ ២០២២ គឺត្រូវបានចែកចាយដោយឥតថ្លៃ ។

យោងតាមទីភ្នាក់ងារសារព័ត៌មានវៀតណាម VNA បានឲ្យដឹងថា សំបុត្រដែលចែកហ្វ្រីនោះគឺមានចំនួន ២ ម៉ឺនសំបុត្រ ហើយត្រូវបានចែកចាយទៅឲ្យទាំងមន្ត្រីរដ្ឋាភិបាលជាតិ និងអន្តរជាតិ ក៏ដូចជា ស្ថានទូតបរទេសក្នុងប្រទេសវៀតណាម និងអ្នកគាំទ្រជាដើម ។

គួរបញ្ជាក់ថា ការប្រកួតកីឡាស៊ីហ្គមលើកទី ៣១ ដែលប្រទេសវៀតណាមធ្វើជាម្ចាស់ផ្ទះ បានប្រព្រឹត្តទៅកាលពីថ្ងៃទី១២ ដល់ថ្ងៃទី២៣ ខែឧសភា ឆ្នាំ២០២២ ក្នុងទីក្រុងហាណូយ និងតំបន់ផ្សេងៗចំនួន ១១ ដោយមានប្រភេទកីឡាចំនួន ៤០ ៕

ប្រែសម្រួលដោយ ៖ ជីវ័ន្ត

ប្រភព ៖ The Sun

ចុចអាន ៖ មិនឲ្យចាញ់ អ៊ុយក្រែន, រថក្រោះថ្មីសន្លាងរាប់រយគ្រឿងទៅដល់ដៃទ័ព រុស្ស៊ី សម្រាប់ប្រយុទ្ធនៅតំបន់សឹក