កីឡា

មីយ៉ាន់ម៉ា នឹងបញ្ជូនអត្តពលិកជាង ៤០០ នាក់ មកចូលរួមស៊ីហ្គេមនៅកម្ពុជា

បានផុស

២ years មុន

នៅ

ថ្ងៃចន្ទ ៣ មេសា ២០២៣

ដោយ

មីយ៉ាន់ម៉ា នឹងបញ្ជូនអត្តពលិកជាង ៤០០ នាក់ ទៅចូលរួមប្រកួតកីឡាអាស៊ីអាគ្នេយ៍ (ស៊ីហ្គេម) លើកទី ៣២ នៅកម្ពុជា នេះបើយោងតាមក្រសួងកីឡា និងកិច្ចការយុវជនរបស់ប្រទេស កាលពីថ្ងៃសៅរ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក U Htay Aung ប្រធាននាយកដ្ឋានអប់រំកាយ និងកីឡា នៃក្រសួងកីឡា និងកិច្ចការយុវជន បានប្រាប់ Xinhua ថា ៖ «គ្រូបង្វឹក និងអត្តពលិកជាង ៤៦០ នាក់ ក្នុងចំណោម ១៩ ប្រភេទកីឡា នឹងត្រូវបញ្ជូនទៅស៊ីហ្គេម»។

លោកបានបន្ថែមថា ក្នុងចំណោមអ្នកចូលរួមប្រកួតកីឡាស៊ីហ្គេមនាពេលខាងមុខ មានអត្តពលិកជាង ៣០០ នាក់ កំពុងហ្វឹកហាត់នៅទីក្រុង Nay Pyi Taw ខណៈជាង ១០០ នាក់ទៀត នៅ Yangon។

នៅឆ្នាំ ២០២២ អត្តពលិកមីយ៉ាន់ម៉ា បានចូលរួមប្រកួតក្នុងកីឡាចំនួន ១៨ ប្រភេទ ក្នុងស៊ីហ្គេមលើកទី ៣១ នៅប្រទេសវៀតណាម ដោយដណ្ដើមបានមេដាយមាស ៩ ប្រាក់ ១៨ និងមេដាយសំរឹទ្ធ ៣៥។ ស៊ីហ្គេមលើកទី ៣២ គ្រោងនឹងរៀបចំនៅខែឧសភា ឆ្នាំ ២០២៣៕

ប្រភព ៖ Xinhua

អត្ថបទ ៖ មន្នីរ័ត្ន