កីឡា

មើលប្លង់ក្លឹបប្រដាល់«គុនខ្មែរវើលឆាមពាន» អាចជាក្លឹបល្អជាងគេនៅកម្ពុជា

បានផុស

២ years មុន

នៅ

ថ្ងៃអង្គារ ៤ មេសា ២០២៣

ដោយ

ក្លឹបបង្ហាត់ប្រដាល់គុនខ្មែរវើលឆាមពាន (Kun Khmer World Champion) ត្រូវបានចេញប្លង់គំរូហើយដែលមើលទៅប្រកបដោយផាសុកភាព គុណភាព និងស្តង់ដាដែលនឹងក្លាយជាសមិទ្ធផលថ្មីសន្លាងមួយទៀតក្នុងការជំរុញអភិវឌ្ឍគុនខ្មែរឲ្យរីកចម្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស្រី ចាន់ថន ដែលជាស្ថាបនិកក្លឹបបាននិយាយថា រហូតដល់ពេលនេះគំរូប្លង់បានចេញរួចរាល់ហើយ ហើយក៏នឹងចាប់ផ្តើមសាងសង់នាពេលខាងមុខ។ ក្លឹបនេះមានទីធ្លាធំទូលាយសម្រាប់ជាចំណតយានយន្ត មានសង្វៀនសម្រាប់អនុវត្តផ្ទាល់ និងសម្ភារហ្វឹកហាត់ទំនើបៗ។ ជាមួយគ្នានេះ ក៏មានរំលេចនូវយន្តគាថាខ្មែរផងដែរនៅលើជញ្ជាំង។

លោកស្រី ចាន់ថន បាននិយាយថា ៖«ពូជខ្មែរគឺជាពូជអ្នកតស៊ូ អ្នកក្លាហ៊ាន និងជាអ្នកស្នេហាជាតិ ដូច្នេះក្នុងនាមខ្ញុំគឺជាកូនចៅជំនាន់ក្រោយ ខ្ញុំនឹងខិតខំឲ្យអស់ពីលទ្ធភាពដើម្បីលើកស្ទួយគុនខ្មែរឲ្យល្បីល្បាញពាសពេញសកលលោកនៅក្នុងពេលដ៏ឆាប់ខាងមុខនេះ។ ខ្ញុំដឹងថា ដំណើរមួយនេះមិនស្រួលនោះទេ ប៉ុន្តែខ្ញុំមានបងប្អូនជាង១៦លាននាក់នៅពីក្រោយខ្នងរបស់ខ្ញុំ ដូច្នេះខ្ញុំមិនមានការភ័យខ្លាច ឬតក់ស្លុតបន្តិចណាឡើយ»៕