Connect with us

កីឡា

លោក សៅ សុខា៖ ការអភិវឌ្ឍវិស័យបាល់ទាត់នៅកម្ពុជា ដើម្បីលើកកម្ពស់សុខមាលភាពសង្គម

បានផុស

នៅ

ការអភិវឌ្ឍវិស័យកីឡាបាល់ទាត់កម្ពុជា គឺមិនមែនតែលទ្ធផលនៃការប្រកួតប៉ុណ្ណោះទេ តែផ្ទុយទៅវិញគឺដើម្បីរួមចំណែកកសាងប្រទេសតាមរយៈការលើកកម្ពស់ផ្នែកសុខមាលភាព និងទំនាក់ទំនងមិត្តភាព។ នេះជាការថ្លែងរបស់លោកនាយឧត្តមសេនីយ៍ សៅ សុខា ប្រធានសហព័ន្ធកីឡាបាល់ទាត់កម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពិធីចុះហត្ថលេខាលើកិច្ចព្រមព្រៀងភាពជាដៃគូឧបត្ថម្ភ នៃក្រុមហ៊ុនវឌ្ឍនៈប្រូវីរីជាមួយសហព័ន្ធកីឡាបាល់ទាត់កម្ពុជា នៅរសៀលថ្ងៃទី ៦ ខែមេសា លោក សៅ សុខា បានថ្លែងដូច្នេះថា៖ «គោលដៅចម្បងនៃការអភិវឌ្ឍវិស័យកីឡាបាល់ទាត់ គឺមិនមែនដើម្បីតែលទ្ធផលនៃការប្រកួតប្រជែងតែមួយមុខប៉ុណ្ណោះទេ។ ប៉ុន្តែគឺដើម្បីរួមចំណែកកសាងប្រទេសតាមរយៈការលើកកម្ពស់ផ្នែកសុខមាលភាព ការអប់រំ វិន័យ សីលធម៌ ការគោរពគ្នា សាមគ្គីភាព មិត្តភាព ទំនាក់ទំនង សេដ្ឋកិច្ច វប្បធម៌ ទេសចរណ៍»។

លោកបន្ថែមថា មិនខុសពីបណ្តាប្រទេសជាច្រើនក្នុងពិភពលោក កីឡាបាល់ទាត់នៅកម្ពុជា គឺមានភាពពេញនិយមចូលចិត្តលេង និងតាមដានទស្សនាពីមហាជនគ្រប់ស្រទាប់ និងគ្រប់វ័យ។

ជាមួយគ្នានេះ លោក សៅ សុខា បានលើកឡើងដែរថា ព្រឹត្តិការណ៍កីឡាស៊ីហ្គេមលើកទី៣២ ឆ្នាំ២០២៣ ដែលកម្ពុជាទទួលធ្វើជាម្ចាស់ផ្ទះ បានត្រៀមខ្លួនរួចជាស្រេច ពោលគឺនៅសល់តែរយៈពេលជាង២០ថ្ងៃទៀតប៉ុណ្ណោះ។ ត្រង់ចំណុចនេះ លោកបានបញ្ជាក់ថា ព្រឹត្តិការណ៍នេះ គឺជាព្រឹត្តិការណ៍ប្រវត្តិសាស្ត្រ ហើយក៏ជាកញ្ចក់ឆ្លុះបញ្ចាំងអំពីវឌ្ឍនភាពលើគ្រប់វិស័យដូចជា ស្ថេរភាពនយោបាយ សន្តិភាព និងសន្តិសុខសង្គម ភាពរីកចម្រើននៃសេដ្ឋកិច្ច វប្បធម៌ ទេសចរណ៍ និងកីឡា ជាដើម។

ប្រធានសហព័ន្ធកីឡាបាល់ទាត់កម្ពុជារូបនេះបានសង្កត់ធ្ងន់ថា រាល់សមិទ្ធិផលដែលកម្ពុជាកំពុងទទួលបាននាពេលនេះ និងឈានទៅរកការពង្រឹង និងពង្រីកបន្ថែមនៅពេលអនាគត គឺដោយសារតែសុខសន្តិភាពពេញលេញក្រោមការដឹកនាំរបស់រាជរដ្ឋាភិបាលកម្ពុជា ព្រមទាំងមានការចូលរួមគាំទ្រយ៉ាងពេញទំហឹងពីប្រជាជន ស្ថាប័នរដ្ឋ-ឯកជន អង្គការជាតិ និងអន្តរជាតិ។ ជាក់ស្ដែង ការចាប់ដៃគូឧបត្ថម្ភជាផ្លូវការរបស់ក្រុមហ៊ុនវឌ្ឍនៈប៊ូវើរី នៅពេលនេះ គឺបានចូលរួមចំណែកអភិវឌ្ឍន៍វិស័យបាល់ទាត់នៅកម្ពុជាឲ្យកាន់តែមានភាពរីកចម្រើនថែមទៀតផងដែរ៕

ដោយ៖ ធឿន វ៉ាន់សុង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៤ នាទីutes មុន

នៅរាត្រីថ្ងៃសៅរ៍ទី០៨ ខែកុម្ភៈ​នេះ ភ្ញៀវជាតិ-អន្តរជាតិមកដើរលេងកំសាន្តនៅផ្លូវថ្មើរជើង (Walk Street) ច្រើន បើប្រៀបធៀប សប្តាហ៍មុន

ព័ត៌មានជាតិ២ ម៉ោង មុន

លោក ឃួង ស្រេង ៖ សិទ្ធិមនុស្ស ត្រូវ​បាន​សម្តេចតេជោ ហ៊ុន សែន ផ្តល់ជូនប្រជាជនកម្ពុជាតាំងពីឆ្នាំ១៩៧៩មកម្ល៉េះ

ព័ត៌មានជាតិ៣ ម៉ោង មុន

តុលាការដោះលែង បុគ្គល ពេជ ពិសិដ្ឋ ឱ្យមានសេរីភាពឡើងវិញ បន្ទាប់ពីទទួលស្គាល់កំហុសថាបានប្រមាថថ្នាក់ដឹកនាំរដ្ឋាភិបាល

ព័ត៌មានជាតិ៤ ម៉ោង មុន

មីនតោន ដែលអ្នកកាសែតដោះដឹកតាមម៉ូតូឱ្យប៉ូលិស ត្រូវបានស៊ីម៉ាក់ចុះទៅយក÷ មេស៊ីម៉ាក់ ប្រាប់ឱ្យរាយការណ៍ពីបញ្ហាគ្រាប់មិនទាន់ផ្ទុះជាជាងដោះដោយខ្លួនឯង

នយោបាយ៥ ម៉ោង មុន

សម្តេចធិបតី ឱ្យអង្គការចាត់តាំងយុវជនគណបក្សប្រជាជនកម្ពុជានៅក្រៅប្រទេស ជួយស្រាយបញ្ហាដែលខ្មែរនៅក្រៅប្រទេសជួបប្រទះ

Sokha Hotels

ព័ត៌មានពេញនិយម