កីឡា
យប់់មិញ Ronaldo ខឹងខ្លាំងពេលក្រុមបានត្រឹមស្មើធ្លាក់ទៅលេខ២ក្នុងលីគ
Cristiano Ronaldo ត្រូវបានគេមើលឃើញឈ្លោះប្រកែកជាមួយកីឡាករក្រុមប្រជែង បន្ទាប់ពីក្រុមរបស់ខ្លួន Al-Nassr បានត្រឹមស្មើ ០-០ ជាមួយក្លិប Al Feiha កាលពីយប់ថ្ងៃអាទិត្យ។
ក្រុមរបស់ CR7 ឥឡូវនេះកំពុងឈរនៅលេខ២ ក្នុងការប្រជែងដណ្តើមជើងឯក Saudi Pro League បន្ទាប់ពីពួកគេបានចែកពិន្ទុ ជាមួយ Al Feiha ខណៈគូប្រជែងដណ្តើមពានរបស់ពួកគេគឺ Al-Ittihad បានឈ្នះ ២-១ លើក្រុម AL-Wehda ដើម្បីនាំមុខ ៣ពិន្ទុ និងឈរកំពូលតារាងលីគ។
វាច្បាស់ណាស់ថា ការខកចិត្តរបស់ Ronaldo បានពុះកញ្ជ្រោលពេលចប់ការប្រកួត ដោយខ្សែប្រយុទ្ធរូបនេះ បញ្ចេញកាយវិការខឹងសម្បារ និងឈ្លោះជាមួយកីឡាករគូប្រកួតជាច្រើននាក់ ស្របពេលមានការបញ្ជាក់ថា ក្រុមគូប្រកួតដែលឈរលេខ១១ ក្នុងតារាងនោះ ខ្ជះខ្ជាយពេលវេលា ឬនិយាយឱ្យខ្លី គឺស៊ីម៉ោង។
ម្ចាស់ជ័យលាភី Ballon d’Or ៥សម័យកាលបាននិយាយទាំងខឹងសម្បារទៅកាន់កីឡាករ Ali Al-Zaqaan របស់ Al Feiha ថា “អ្នកមិនចង់លេងទេ” មុនពេលសម្រុកដើរចេញពីទីលាន។
ប៉ុន្តែវាមិនមែនជាលើកទីមួយទេ ដែលកីឡាករវ័យ ៣៨ឆ្នាំរូបនេះបានដើរចេញពីទីលានទាំងកំហឹង ដោយ Ronaldo បានបង្ហាញការខកចិត្តតាមរយៈការទាត់ដបទឹក និងដើរចេញពីទីលាន បន្ទាប់ពីក្រុមរបស់ខ្លួនត្រូវបានក្រុម Al-Ittihad យកឈ្នះក្នុងលទ្ធផល ១-០ កាលពីខែមីនា។ ក្នុងការប្រកួតនោះ Ronaldo បានសម្រុកចេញពីទីលានម្ដងទៀត បន្ទាប់ពីអ្នកគាំទ្របានស្រែកហៅឈ្មោះរបស់ Lionel Messi។
លើសពីនេះទៀតនោះ រូបគេកាន់តែក្តៅចិត្ត ដោយអ្នកគាំទ្រវ័យក្មេងម្នាក់បានជេរនៅតាមផ្លូវចូលបន្ទប់ផ្លាស់សម្លៀកបំពាក់ដោយនិយាយថា ‘Messi ប្រសើរជាង’ បន្ទាប់ពីឈ្នះ ៣-១ លើក្រុម Al-Batin។
កាលពីថ្ងៃអាទិត្យ Ronaldo បង្ហាញការខឹងសម្បារនឹងកីឡាករគូប្រកួតរបស់ខ្លួន និងបានប្រើកាយវិការដាក់កីឡាករម្នាក់ឱ្យបិទមាត់ ខណៈនៅពេលគេដើរចេញពីទីលាន មិត្តរួមក្រុម និងអ្នកចាត់ការទូទៅ លោក Rui Garcia នៅតែចាប់ដៃជាមួយក្រុមផ្សេងទៀត។
បន្ទាប់ពីការចាប់ផ្តើម ពាក់កណ្ដាលរដូវកាលក្នុងការប្រកបអាជីពនៅលីគ Saudi Pro League អតីតកីឡាករ Manchester United ចាប់ផ្តើមរកគ្រាប់បាល់បាន ច្រើនក្នុងរដូវកាលនេះ ដោយស៊ុតបញ្ចូលទីបាន ២គ្រាប់អំឡុងពេលក្រុមរបស់ខ្លួនលត់ក្រុម Al Adalh ៥-០។
ឥឡូវនេះគេបានស៊ុតបញ្ចូលទីបាន ១១ គ្រាប់ក្នុងការបង្ហាញខ្លួន ១០លើកសម្រាប់ក្លិបអារ៉ាប៊ីសាអូឌីត ប៉ុន្តែទោះបីជាមានការខិតខំប្រឹងប្រែងអស់ពីសមត្ថភាពក៏ដោយក៏ក្រុមរបស់គេឥឡូវនេះឈរនៅលេខ២ ក្នុងលីគ ហើយនៅសល់តែប៉ុន្មានប្រកួតទៀតប៉ុណ្ណោះ ក្នុងការបញ្ឈប់ក្រុម Al-Ittihad ពីការឈរលើកំពូលតារាង ដើម្បីឈ្នះពានក្នុងស្រុកជាលើកដំបូងចាប់តាំងពីគាត់ចាកចេញពី Manchester United។ ពួកគេនឹងប្រកួតជាមួយ Al-Hilal នៅថ្ងៃអង្គារ៕
អត្ថបទ៖ មន្នីរ័ត្ន
ប្រភព៖ dailymail.co.uk
-
សន្តិសុខសង្គម៧ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៧ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៧ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៧ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ២៣ ម៉ោង ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ