កីឡា
កីឡាកម្ពុជា៥ប្រភេទនេះរំពឹងឈ្នះមេដាយមាសច្រើនពីស៊ីហ្គេម២០២៣
ព្រឹត្តិការណ៍កីឡាជាប្រវត្តិសាស្ត្រធំដំបូងនៅកម្ពុជា ស៊ីហ្គេម លើកទី៣២ ឆ្នាំ២០២៣ នឹងចាប់ផ្តើមបើកជាផ្លូវការនៅថ្ងៃទី៥ ខែឧសភា ខាងមុខនេះដែលមានកីឡា៣៦ប្រភេទ និងកីឡាប្រកួតសម្តែង១ប្រភេទស្មើនឹង៦០៨វិញ្ញាសា (៦០៨មេដាយមាស)។
នាមជាម្ចាស់ផ្ទះ កម្ពុជាបានដាក់គោលដៅយកមេដាយមាសភាគច្រើនក្នុងចំណោមកីឡាទាំង៣៦ប្រភេទ ប៉ុន្តែកីឡាខ្លះដាក់គោលដៅត្រឹមឡើងវគ្គផ្តាច់ព្រ័ត្រដូចជា បាល់ទាត់ បាល់ទះ និងបាល់បោះជាដើម។
ក្នុងចំណោមកីឡាទាំង៣៦ប្រភេទ មានកីឡា៥ប្រភេទដែលកម្ពុជាដែលរំពឹងទទួលបានមេដាយមាសច្រើនគឺកីឡាគុនខ្មែរ គុនល្បុក្កតោ វ៉ូវីណាម អុកចត្រង្គ និងកីឡាប៉េតង់។
កីឡាគុនខ្មែរ
ប្រដាល់គុនខ្មែរត្រូវបានដាក់១៩វិញ្ញាសា ក្នុងនោះ១១វិញ្ញាសាសម្រាប់បុរស, ៦វិញ្ញាសាសម្រាប់នារី និងវិញ្ញាសាសម្តែងឯកត្តជនមាន២ គឺសម្តែងបុរស និងសម្តែងនារី។ ដូច្នេះក្នុងនាមជាម្ចាស់ក្បាច់គុន កម្ពុជារំពឹងទទួលបានមេដាយមាសច្រើនគ្រឿង។
គុនល្បក្កតោ
សហព័ន្ធកីឡាគុនល្បុក្កតោកម្ពុជាបានដាក់២១វិញ្ញាសាសម្រាប់កីឡាស៊ីហ្គេម ហើយសហព័ន្ធបានត្រៀមកីឡាករ កីឡាការិនី២៨នាក់។ តាមសន្ទស្សន៍របស់គណៈកម្មាធិការជាតិរៀបចំការប្រកួតកីឡាស៊ីហ្គេម (CAMSOC) បានដាក់ទិសដៅស្វែងរកមេដាយមាស៥គ្រឿង ដូច្នេះក្នុងនាមជាម្ចាស់ក្បាច់គុន កម្ពុជាអាចនឹងទទួលបានមេដាយមាសច្រើនជាងនេះ ស្របពេលការប្រកួតល្បុក្កតោជើងឯកអាស៊ាន ឆ្នាំ២០២៣ កម្ពុជាឈ្នះមេដាយមាស១១គ្រឿង ប្រាក់១០ និងសំរឹទ្ធ១២ សរុប៣៣គ្រឿង ឈរលេខ១ក្នុងចំណោម៤ប្រទេសចូលរួមប្រកួត។
វ៉ូវីណាម
ក្រុមកីឡាវ៉ូវីណាមកម្ពុជាត្រូវបានគេចាត់ទុកជាក្រុមខ្លាំងមួយនៅលើពិភពលោកសម្រាប់កីឡាក្បាច់គុនរបស់ប្រទេសវៀតណាម។ ម្ចាស់ផ្ទះកម្ពុជាបានដាក់គោលដៅស្វែងរកមេដាយមាស៩គ្រឿងក្នុងកីឡាស៊ីហ្គេម លើកទី៣២។ ការដាក់គោលដៅនេះអាចនឹងសម្រេចតាមផែនការ ស្របពេលការប្រកួតវ៉ូវីណាមជើងឯកអាស៊ាន ឆ្នាំ២០២៣ កាលពីចុងខែមីនាកន្លងទៅនេះ ក្រុមវ៉ូវីណាមកម្ពុជាឈ្នះមេដាយមាស១០ ប្រាក់៩ និងសំរឹទ្ធ១០ សរុប២៩គ្រឿង ឈរចំណាត់ថ្នាក់លេខ១ ក្នុងចំណោមប្រទេស៧ចូលរួមប្រកួត។
ប៉េតង់
ក្នុងរយៈពេលប្រមាណ១០ឆ្នាំចុងក្រោយនេះ ពិភពលោកបានភ្ញាក់ផ្អើលនឹងភាពខ្លាំងរបស់កីឡាប៉េតង់កម្ពុជា។ ប៉េតង់កម្ពុជាតែងតែធ្វើបានល្អក្នុងការប្រកួតជើងឯកពិភពលោក និងជើងអាស៊ី។ ក្នុងនាមជាម្ចាស់ផ្ទះស៊ីហ្គេម កម្ពុជាក៏បានដាក់វិញ្ញាសាជាច្រើនសម្រាប់កីឡាប៉េតង់ ដូច្នេះរំពឹងគិតថា នឹងទទួលបានមេដាយមាសច្រើនគ្រឿង។
អុកចត្រង្គ
អុកចត្រង្គ ជាកីឡាប្រពៃណីរបស់កម្ពុជា បង្ហាញខ្លួនលើកដំបូងក្នុងកីឡាស៊ីហ្គេម ស្ថិតក្នុងចំណោមប្រភេទកីឡាអុក ដែលបែងចែកជាពីរ គឺអុកចត្រង្គ និងអុកចិន (Xiangqi)។ តាមការឲ្យដឹងពីសហព័ន្ធកីឡាអុកចត្រង្គកម្ពុជាគឺដាក់៦វិញ្ញាសាក្នុងកីឡាស៊ីហ្គេម ដូច្នេះក្នុងនាមជាម្ចាស់ក្បាច់គុនប្រពៃណី កម្ពុជារកបានមេដាយមាសច្រើនគ្រឿង។ កាលពីខែមករា ឆ្នាំ២០២៣នេះ កម្ពុជាឈ្នះមេដាយច្រើនជាងគេពីការប្រកួតកីឡាអុកចត្រង្គឯកអាស៊ីអាគ្នេយ៍ លើកទី១ ឆ្នាំ២០២៣ (SEA OUK CHAKTRANG Championship 2023)គឺមាស៣គ្រឿង ប្រាក់៣គ្រឿង និងសំរឹទ្ធ២គ្រឿង សរុប៨គ្រឿង៕
អត្ថបទ៖ វីរបុត្រ
សមត្ថកិច្ចចេញបទបញ្ជា និងចុះណែនាំអ្នកលក់ អ្នកលេងផាវ កាំជ្រួច នាឱកាសចូលឆ្នាំប្រពៃណីចិនខាងមុខ
មកដឹងចំណុចពិសេសនៃទេពកោសល្យច្រៀងរបស់ ព្រាប សុវត្ថិ
សហជីព កម្មករ និងពលរដ្ឋ ៖ បើគ្មានថ្ងៃជ័យជម្នះ៧មករា ពួកគាត់គ្មានឱកាសទទួលបានការងារសមរម្យឡើយ
រុស្ស៊ីផ្ដល់អាហារូបករណ៍៣កន្លែងសម្រាប់ជំនាញទាក់ទងនឹងនុយក្លេអ៊ែរស៊ីវិលដល់និស្សិតកម្ពុជា
ក្រោយជាប់គុក២៥ឆ្នាំ ទើបតុលាការរកឃើញថា ភស្តុតាងមិនស៊ីគ្នា
តារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
សមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី
អ្នកសិល្បៈ តក់ស្លុត និងសោកស្តាយនូវការបាត់បង់ តារា Rapper RuthKo ជួបគ្រោះថ្នាក់ចរាចរណ៍យប់មិញ
បិទចរាចរណ៍នៅកំពង់ចម្លងជ្រោយចង្វារ កំពង់ចម្លងអរិយក្សត្រ និងកំណាត់ផ្លូវមួយចំនួន ជុំវិញមហោស្រពកោះពេជ្រ ស្អែកនេះ
មកដឹងពីជីវិតសិល្បៈត្រួសៗរបស់ Rapper ល្បីឈ្មោះ Ruthko
-
ព័ត៌មានជាតិ៥ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍២៤ ម៉ោង agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៥ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ព័ត៌មានជាតិ៥ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
សេដ្ឋកិច្ច៥ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
សេដ្ឋកិច្ច៥ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
ព័ត៌មានជាតិ៤ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
កីឡា៤ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ