កីឡា
មកដឹងប្រវត្តិ Sudsakorn ដៃគូរបស់ ព្រំ សំណាង ជាម្ចាស់ខ្សែក្រវាត់ច្រើនគ្រឿង
អ្នកប្រដាល់គុនខ្មែរ ព្រំ សំណាង ជួបជើងខ្លាំងពិតប្រាកដហើយនៅពេលរូបគេត្រូវជួបកីឡាករថៃ Sudsakorn Sor Klinmee នៅថ្ងៃសៅរ៍ ទី១៥ ខែមេសា ឆ្នាំ២០២៣ នៅខេត្តសៀមរាប ក្នុងពិធីអង្គរសង្ក្រាន្ត។
ព្រំ សំណាង ត្រូវធ្វើការធ្ងន់ស្ទើរតែមិនធ្លាប់មានក្នុងអាជីពប្រដាល់របស់ខ្លួននៅពេលជួប Sudsakorn ដែលជាជើងខ្លាំងលំដាប់កំពូលម្នាក់នៅក្នុងប្រទេសថៃ ហើយជាតារា Thai Fight។ រូបគេមានអាយុ៣៦ឆ្នាំ កម្ពស់ ១.៨២ម៉ែត្រ និងទម្ងន់៧៥គីឡូក្រាម។
រូបគេបានចាប់ផ្តើមអាជីពប្រដាល់តាំងពីឆ្នាំ១៩៩៣ដែលរហូតដល់ពេលនេះប្រឡូកក្នុងប្រដាល់៣០ឆ្នាំហើយ។ ក្នុងរយៈពេលដ៏យូរ និងជោកជាំនេះ រូបគេធ្លាប់ឡើងសង្វៀនចំនួន៣៥៦ដង ក្នុងនោះឈ្នះ២៩៥ដង ចាញ់៥៧ដង ស្មើ៤ដង និងធ្លាប់ផ្តួលដៃគូឲ្យសន្លប់៧៧ដង។
Sudsakorn ជាកីឡាករប្រដាល់ថៃដ៏ជោគជ័យម្នាក់ និងអាចចាត់ទុកជាវីរបុសក្នុងពិភពប្រដាល់មួយថៃ។ បើគិតជាខ្សែក្រវាត់ និងពានរង្វាន់សំខាន់ៗក្នុងអាជីពរបស់គេគឺចំនួន៧គ្រឿង លើប្រភេទទម្ងន់៣ផ្សេងគ្នា។
ជើងឯកដែលរូបគេឈ្នះមានដូចជា
- ជើងឯក Lion Fight Middleweight ឆ្នាំ២០២០
- ជើងឯក Thai Fight Kard Chuek ឆ្នាំ២០១៣
- ជើងឯក WKN Muay Thai World Welterweight ឆ្នាំ២០១០
- ជើងឯក World Kickboxing Network ឆ្នាំ២០១០
- ជើងឯក Fairtex Theprasit Muay Thai ឆ្នាំ២០០៧
- ជើងឯក WPMF World Super Lightweight ឆ្នាំ២០០៦
- ជើងឯក WMC S1 Songchai ឆ្នាំ២០០៦
នេះមិនមែនជាលើកទី១ទេដែល Sudsakorn ធ្លាប់ប្រកួតជាមួយកីឡាករកម្ពុជា។ តាមពិតរូបគេធ្លាប់ប្រកួតជាកីឡាករកម្ពុជា២រូបហើយក្នុងនោះឈ្នះកីឡាករ លី រិទ្ធី ក្នុងទឹកទី១កាលពីឆ្នាំ២០២២ និងឈ្នះ អ៊ុង វីរៈ ក្នុងទឹកទី១ កាលពីឆ្នាំ២០១៣ ប៉ុន្តែជាលើកទី១ដែលរូបគេមកប្រកួតនៅប្រទេសកម្ពុជា។
ចាប់តាំងពីឆ្នាំ២០២២មក រូបគេឡើងប្រកួតបាន៥ដងប៉ុណ្ណោះគឺ៣ដងក្នុងឆ្នាំ២០២២ ដោយឈ្នះទាំង៣ដង និង២ដងក្នុងឆ្នាំ២០២៣នេះ ដោយឈ្នះ១ និងចាញ់១។
អាវុធគ្រោះថ្នាក់បំផុតរបស់ Sudsakorn គឺការទាត់ជើងស្តាំ។ រាល់ការប្រកួត រូបគេតែងតែប្រើជើងស្តាំទាត់លើដៃគូ បូករួមទាំងគោលជំហររឹងមាំ និងអាវុធផ្សេងទៀតជាកត្តាសំខាន់ធ្វើឲ្យរូបគេជោគជ័យក្នុងអាជីពប្រដាល់។
ទោះបីជាយ៉ាងណា អាយុកាន់តែច្រើន ហើយឡើងប្រកួតមិនសូវបានញឹកញាប់អាចធ្វើឲ្យកម្លាំងស៊ុហ្វរបស់គេធ្លាក់ចុះខ្លះនាពេលបច្ចុប្បន្ននេះ ស្របពេល ព្រំ សំណាង ក៏អាយុច្រើន ហើយកម្លាំងស៊ុហ្វថមថយដូចគ្នា។ កីឡាករគុនខ្មែររូបនេះទើបតែមានខ្សែអន្តរជាតិ១គ្រឿងប៉ុណ្ណោះគឺ ខ្សែក្រវាត់ Thai Fight ដែលឈ្នះកាលពីប៉ុន្មានខែមុន ប៉ុន្តែសំណាងបានប្រកួតញឹកញាប់ចាប់តាំងពីចុងឆ្នាំ២០២២រហូតដល់ពេលនេះ៕
អត្ថបទ៖ វីរបុត្រ
ប្រជាជនកោះGreenland រៀបចំបោះឆ្នោត ក្រោមការតាមដានរបស់ពិភពលោក
Duterte ត្រូវរាយការណ៍ថា បានចាប់បញ្ជូនទៅតុលាការឡាអេ ខណៈប្រជាជនក្នុងប្រទេសផ្តើមតវ៉ាទ្រង់ទ្រាយធំ
រដ្ឋមន្ត្រីការបរទេសអ៊ុយក្រែននិងអាមេរិកកំពុងចរចានិងអះអាងថា មានការរីកចម្រើនទៅមុខ
ប្រទះឃើញសាកសពបុរសម្នាក់ កប់ក្រោមដើមត្នោត ក្នុងដីវាលស្រែ
អាជ្ញាធរខណ្ឌឫស្សីកែវ នឹងចាត់វិធានការរដ្ឋបាល បើម្ចាស់អាជីវកម្មដាយត្រីខុសច្បាប់មិនរុះរើ និងសហការ
កប៉ាល់២គ្រឿងបុកគ្នា ធ្លាយប្រេងយន្តហោះនិងសារធាតុគីមី ចូលសមុទ្រខាងជើង បង្កហានិភ័យធ្ងន់ធ្ងរ
អ៊ុយក្រែន បញ្ជូនដ្រូន បើកការវាយប្រហារខ្នាតធំបំផុតមិនធ្លាប់មាន លើក្រុងមូស្គូ
មន្ត្រីអាមេរិកមួយចំនួន ចាប់ផ្តើមស្តាយក្រោយ ដែលបោះឆ្នោតឲ្យលោក ត្រាំ
អតីតប្រធានាធិបតីហ្វីលីពីន លោក Duterte ត្រូវបានចាប់ខ្លួន ពីបទឧក្រិដ្ឋកម្មប្រឆាំងមនុស្សជាតិ
រដ្ឋមន្ត្រីបរិស្ថានខកចិត្ត ព្រោះចាប់បានរោងចក្របង្ហូរទឹកកខ្វក់ចូលស្ទឹង តែមន្ត្រីធ្វើការយឺតរហូតខូចការណ៍ធំ
-
សន្តិសុខសង្គម៤ ថ្ងៃ agoអគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
-
ជីវិតកម្សាន្ដ១ សប្តាហ៍ agoModel ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
ព័ត៌មានអន្ដរជាតិ៦ ថ្ងៃ agoយន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
-
ព័ត៌មានអន្ដរជាតិ៧ ថ្ងៃ agoឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
ព័ត៌មានអន្ដរជាតិ៦ ថ្ងៃ agoអាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ
-
ព័ត៌មានអន្ដរជាតិ២១ ម៉ោង agoកប៉ាល់២គ្រឿងបុកគ្នា ធ្លាយប្រេងយន្តហោះនិងសារធាតុគីមី ចូលសមុទ្រខាងជើង បង្កហានិភ័យធ្ងន់ធ្ងរ
-
សន្តិសុខសង្គម៥ ថ្ងៃ agoខឹងប្ដីមិនដោះស្រាយបំណុលជាង ១ ម៉ឺនដុល្លារ ចាក់សោកូនសិស្សប្រដាល់ ជាង ១០ នាក់ ក្នុងក្លិបមិនឲ្យចេញក្រៅ
-
ព័ត៌មានអន្ដរជាតិ១៥ ម៉ោង agoអ៊ុយក្រែន បញ្ជូនដ្រូន បើកការវាយប្រហារខ្នាតធំបំផុតមិនធ្លាប់មាន លើក្រុងមូស្គូ