កីឡា

វីរកីឡាការិនី ខាន់ ចេសា នឹងមកដល់ខ្មែរថ្ងៃទី២ឧសភាដើម្បីប្រកួតស៊ីហ្គេម

បានផុស

២ years មុន

នៅ

ថ្ងៃសុក្រ ១៤ មេសា ២០២៣

ដោយ

កីឡាការិនីជឺជីតស៊ូជម្រើសជាតិកម្ពុជា ខាន់ ចេសា នឹងធ្វើដំណើរមកដល់ប្រទេសកម្ពុជានាថ្ងៃទី២ ខែឧសភា ដើម្បីចូលរួមប្រកួតក្នុងព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣នៅកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Peter Khan ឪពុករបស់កីឡាការិនី ខាន់ ចេសា បានប្រាប់ថា តាមការគ្រោងទុក ម្ចាស់មេដាយមាសកីឡាទ្វីបអាស៊ីគ្រោងនឹងមកដល់ប្រទេសកំណើតរបស់លោកនៅថ្ងៃទី២ ខែឧសភា ខាងមុខនេះ។ សម្រាប់ការធ្វើដំណើរមកកម្ពុជាលើកនេះមាន៣នាក់គឺ ខាន់ ចេសា លោកយាយរបស់ ចេសា និងរូបលោក។

ការចូលរួមប្រកួតស៊ីហ្គេម លើកទី៣២ ឆ្នាំ២០២៣នេះ ខាន់ ចេសា ត្រូវបានអ្នកគាំទ្រកម្ពុជារំពឹងទទួលបានមេដាយមាសជូនជាតិទៀត។ សម្រាប់កីឡាជឺជីតស៊ូ ក្នុងស៊ីហ្គេម នៅកម្ពុជា ត្រូវប្រកួតនៅមជ្ឈមណ្ឌលសន្និបាត និងពិពណ៌អន្តរជាតិជ្រោយចង្វារ (OCIC) អគារ Hall B ពីថ្ងៃទី៤ ដល់ទី៧ ខែឧសភា។

កាលស៊ីហ្គេម លើកទី៣១ ឆ្នាំ២០២១ (លើកឆ្នាំ២០២២) នៅប្រទេសវៀតណាម លោក Peter Khan កីឡាការិនី ខាន់ ចេសា និងលោកយាយរបស់ ចេសា ក៏បានធ្វើដំណើរមកចូលរួមប្រកួតដែរ ប៉ុន្តែគួរឲ្យស្តាយកីឡាការិនីរូបនេះមិនបានប្រកួតទេ ដោយសារទម្ងន់លើសតិចតួចមិនត្រូវបានម្ចាស់ផ្ទះវៀតណាមអនុញ្ញាតឲ្យប្រកួតទេ។