កីឡា

លើកទម្ងន់មីយ៉ាន់ម៉ាចាត់ទុកថៃ វៀតណាម និងហ្វីលីពីន ជាឧបសគ្គធំស៊ីហ្គេមនៅកម្ពុជា

បានផុស

១ year មុន

នៅ

ថ្ងៃអង្គារ ១៨ មេសា ២០២៣

ដោយ

សហព័ន្ធកីឡាលើកទម្ងន់មីយ៉ាន់ម៉ាបានចាត់ទុកថៃ វៀតណាម និងហ្វីលីពីន ជាឧបសគ្គធំបំផុតក្នុងកីឡាស៊ីហ្គេម លើកទី៣២ ឆ្នាំ២០២៣ នៅប្រទេសកម្ពុជា។

កីឡាលើកទម្ងន់មីយ៉ាន់ម៉ា គ្រោងបញ្ជូនអត្តពលិក៦រូបចូលរួមប្រកួតស៊ីហ្គេមនៅកម្ពុជាគឺកីឡាករ២រូប លើទម្ងន់៧៣គ.ក និងទម្ងន់៨៩គ.ក ហើយកីឡាការិនី៤រូបលើទម្ងន់៤៥គ.ក, ៤៩គ.ក, ៥៩គ.ក និង៧១គ.ក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក U Thi Han អគ្គលេខាធិការសហព័ន្ធកីឡាលើកទម្ងន់មីយ៉ាន់ម៉ាបាននិយាយថា ៖«លើកទម្ងន់ជាកីឡាមួយដែលប្រកួតរកកំណត់ត្រា និងខុសពីកីឡាផ្សេងៗ។ ទោះជាយ៉ាងណា ស៊ីហ្គេម នៅកម្ពុជា យើងត្រូវតែព្យាយាមប្រកួតឲ្យបានគ្រប់វិញ្ញាសា។ អត្តពលិកលើកទម្ងន់របស់ប្រទេសថៃ វៀតណាម និងហ្វីលីពីន ជាឧបសគ្គធំ ពីព្រោះពួកគេធ្លាប់ឈ្នះមេដាយមាសក្នុងព្រឹត្តិការណ៍កីឡាអូឡាំពិក ដូច្នេះយើងត្រូវតែព្យាយាមឲ្យខ្លាំងបំផុត ធ្វើយ៉ាងណាឲ្យទទួលបានមេដាយ»។

ក្រុមអត្តពលិកលើកទម្ងន់មីយ៉ាន់ម៉ាបានចាប់ហ្វឹកហាត់តាំងពីខែកក្កដា ឆ្នាំ២០២២ នៅទីលាន Nay Pyi Taw Gold Camp ចាប់ពីថ្ងៃចន្ទដល់ថ្ងៃសៅរ៍។

រាល់ការចូលរួមប្រកួតស៊ីហ្គេម កីឡាលើកទម្ងន់មីយ៉ាន់ម៉ាតែងតែទទួលបានមេដាយរហូត។ លើកលែងតែស៊ីហ្គេម ឆ្នាំ១៩៩៩ នៅប្រទេសព្រុយណេ និងស៊ីហ្គេម ឆ្នាំ២០១៥ នៅប្រទេសសិង្ហបុរី ដែលកីឡាលើកទម្ងន់មិនត្រូវបានដាក់បញ្ចូលឲ្យប្រកួត៕

ប្រែសម្រួល៖ វីរបុត្រ