កីឡា

លោក ស្រី ចាន់ថន នឹងយក ឈឿង ល្វៃ ទៅស្កែនជើង ថ្ងៃស្អែកដើម្បីឲ្យច្បាស់

បានផុស

២ years មុន

នៅ

ថ្ងៃអង្គារ ១៨ មេសា ២០២៣

ដោយ

លោកឧកញ៉ា ស្រី ចាន់ថន គ្រោងនឹងយកកីឡាករ ឈឿង ល្វៃ ទៅស្កែន និងពិនិត្យជើងឲ្យបានច្បាស់លាស់ពីស្ថានភាព បន្ទាប់ពីត្រូវបានកីឡាករថៃ Sammy ទាត់ឲ្យខូចក្នុងការប្រកួតកាលពីថ្ងៃទី១៥ ខែមេសា ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការស្កែន និងពិនិត្យឲ្យច្បាស់នេះដើម្បីព្យាបាលឲ្យដិតដល់សម្រាប់ការហ្វឹកហាត់ និងត្រៀមខ្លួនឲ្យបានល្អប្រសើរសម្រាប់ការប្រកួតកីឡាស៊ីហ្គេម លើកទី៣២ ឆ្នាំ២០២៣។ មិនត្រឹមតែប៉ុណ្ណោះទេ លោក ស្រី ចាន់ថន បានឧបត្ថម្ភថវិកា៤លានរៀលដល់កីឡាករ ឈឿង ល្វៃ ទៀតផង។

ស្ថាបនិកក្លឹប«គុនខ្មែរវើលឆាមពាន»សង្ឃឹមថា ឈឿង ល្វៃ នឹងជាសះស្បើយក្នុងរយៈពេលដ៏ខ្លីខាងមុខ និងបានចូលហ្វឹកហាត់វិញដិតដល់ ខណៈការប្រកួតកីឡាស៊ីហ្គេមនៅសល់ប្រហែលជា២០ថ្ងៃទៀតប៉ុណ្ណោះ។

ឈឿង ល្វៃ ជាកីឡាករឃីកបុកស៊ីងជម្រើសជាតិកម្ពុជាដែលនឹងប្រកួតក្នុងប្រភេទទម្ងន់៧១គីឡូក្រាម។ កាលស៊ីហ្គេម លើកទី៣១ ឆ្នាំ២០២១ នៅប្រទេសវៀតណាម កីឡាករកម្ពុជារូបនេះទទួលបានមេដាយប្រាក់ បន្តាប់ពីប្រកួតចាញ់កីឡាករថៃនៅវគ្គផ្តាច់ព្រ័ត្រ៕

អត្ថបទ៖ វិរបុត្រ

Related Topics:កីឡាស៊ីហ្គេម ឆ្នាំ២០២៣ ឈឿង ល្វៃ