កីឡា
វៀតណាម បញ្ជូនប្រតិភូបំបែកកំណត់ត្រាមកចូលរួមស៊ីហ្គេមនៅកម្ពុជា
រដ្ឋមន្ត្រីក្រសួងវប្បធម៌ កីឡា និងទេសចរណ៍វៀតណាម លោក Nguyen Van Hung បានចេញសេចក្តីសម្រេចកាលពីថ្ងៃចន្ទ ក្នុងការបង្កើតគណៈប្រតិភូកីឡា ដែលមានសមាជិកចំនួន ១.០០៣នាក់ ដើម្បីចូលរួមប្រកួតកីឡាអាស៊ីអាគ្នេយ៍ (SEA Games) ឆ្នាំ២០២៣ នៅកម្ពុជា។
នេះជាចំនួនសមាជិកច្រើនបំផុតក្នុងប្រវត្តិសាស្ត្រកីឡារបស់វៀតណាម ដែលត្រូវបញ្ជូនទៅប្រកួតស៊ីហ្គេមនៅក្រៅទឹកដីរបស់ខ្លួន។
គណៈប្រតិភូរួមមានអត្តពលិកជាង ៧០០នាក់ គ្រូបង្វឹក ១៩០នាក់ អ្នកជំនាញ ១០នាក់ វេជ្ជបណ្ឌិត ៦៤នាក់ និងបុគ្គលិកផ្សេងទៀត។
រដ្ឋបាលកីឡាវៀតណាម នឹងរ៉ាប់រងរាល់ការចំណាយសម្រាប់ការធ្វើដំណើរ អាហារ ការធានារ៉ាប់រង ឧបករណ៍ និងថ្លៃសេវាពាក់ព័ន្ធផ្សេងទៀត។ ទោះបីជាយ៉ាងណា នៅពេលនេះម្ចាស់ផ្ទះកម្ពុជាមិនយកតម្លៃការស្នាក់នៅ ម្ហូបអាហារ និងការធ្វើដំណើររបស់អត្តពលិក និងប្រតិភូមកពីបណ្តាប្រទេសផ្សេងៗឡើយ។
វិញ្ញាសាកីឡាវៀតណាមកំពុងកំណត់គោលដៅបញ្ចប់ក្នុងចំណាត់ថ្នាក់កំពូលទាំង៣ ដោយមានមេដាយមាស ពី ៩០ ទៅ ១២០គ្រឿង។
លោករដ្ឋមន្ត្រី ក៏បានណែនាំដល់គណៈប្រតិភូកីឡាឱ្យប្រកាន់យកវិធានការប្រឆាំងជំងឺកូវីដ-១៩ ដើម្បីធានាសុវត្ថិភាពកីឡាករ និងបុគ្គលិកដែលចូលរួម ដោយសារអ្វីដែលគេហៅថាការវិវត្តដ៏ស្មុគស្មាញនៃជំងឺរាតត្បាត។
មន្ត្រីរូបនេះក៏បានលើកទឹកចិត្តដល់កីឡាករ-កីឡាការិនី ឱ្យខិតខំឱ្យអស់ពីសមត្ថភាពដើម្បីដណ្តើមបានមេដាយមាស។
លោក Hung រំពឹងកីឡាជាក្រុម អាចទទួលបានចំណាត់ថ្នាក់លេខ១ នៅក្នុងស៊ីហ្គេម ខណៈក្រុមបាល់ទាត់បុរស និងក្រុមនារីត្រូវបានលើកទឹកចិត្តឱ្យរក្សាជើងឯកឱ្យបាន។
លោកក៏បានបញ្ជាឱ្យគណៈប្រតិភូកីឡាវៀតណាមរឹតបន្តឹងវិធានការប្រឆាំងគ្រឿងញៀន ដើម្បីជៀសវាងការដាក់ទណ្ឌកម្មដែលមិននឹកស្មានដល់៕
ប្រែសម្រួល៖ មន្នីរ័ត្ន
ប្រភព៖ tuoitrenews.vn
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា