កីឡា

គ្រាប់ពេជ្រហ្វីលីពីន៦រូបសុទ្ធតែមេដាយអូឡាំពិក និងពិភពលោកមកស៊ីហ្គេមនៅកម្ពុជា

បានផុស

២ years មុន

នៅ

ថ្ងៃពុធ ១៩ មេសា ២០២៣

ដោយ

សម្រាប់ស៊ីហ្គេម លើកទី៣២ នៅកម្ពុជា ប្រទេសហ្វីលីពីនបានដាក់គោលរកឲ្យបានចំណាត់ថ្នាក់ល្អប្រសើរជាងកាលស៊ីហ្គេម លើកទី៣១ នៅប្រទេសវៀតណាម ដែលពេលនោះទទួលបានចំណាត់ថ្នាក់លេខ៤ក្នុងតារាងមេដាយ។

ហ្វីលីពីនគ្រោងបញ្ជូនប្រតិភូកីឡាចំនួន៨៤០នាក់ដែលនឹងប្រកួតកីឡាទាំង៣៨ប្រភេទក្នុងកីឡាស៊ីហ្គេម នៅកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានប្រតិភូកីឡាហ្វីលីពីន លោក Richard Bachmann រំពឹងខ្ពស់លើក្រុមកីឡារបស់លោកនឹងធ្វើបានល្អ និងទទួលបានចំណាត់ថ្នាក់ល្អជាងលើកមុន។ «ខ្ញុំគាំទ្រអត្តពលិកយើងពេញទំហឹង។ កាលស៊ីហ្គេម នៅវៀតណាម យើងបញ្ចប់ចំណាត់ថ្នាក់លេខ៤ អីចឹងយើងសង្ឃឹមថា ឆ្នាំនេះចំណាត់ថ្នាក់ល្អជាង»។

ហ្វីលីពីនមានអត្តពលិកឯកត្តជនពោរពេញដោយសក្តានុពលច្រើន មានដូចកីឡាប្រដាល់សកល កាយសម្ព័ន្ធ អត្តពលកម្ម និងលើកទម្ងន់ជាដើម។ ខាងក្រោមជាអត្តពលិកហ្វីលីពីន៦រូបសុទ្ធមានគុណភាពកម្រិតអូឡាំពិក និងពិភពលោក។

កីឡាការិនីប្រដាល់សកល Nesthy Petecio ឈ្នះមេដាយប្រាក់អូឡាំពិក ឆ្នាំ២០២០, មេដាយមាសពិភពលោកឆ្នាំ២០១៩ និងមេដាយមាសស៊ីហ្គេម ឆ្នាំ២០១៩។
កីឡាករកាយសម្ព័ន្ធ Carlos Yulo ឈ្នះមេដាយមាសពិភពលោក៣គ្រឿង (ឆ្នាំ២០១៩, ២០២១) មេដាយមាសទ្វីបអាស៊ី៣គ្រឿង (ឆ្នាំ២០២២) និងមេដាយមាសស៊ីហ្គេម៧គ្រឿង (ឆ្នាំ២០១៩, ២០២១)។
កីឡាករប្រដាល់សកល Carlo Paalam ឈ្នះមេដាយប្រាក់អូឡាំពិកឆ្នាំ២០២០ មេដាយមាសទ្វីបអាស៊ីឆ្នាំ២០២២ និងមេដាយមាសស៊ីហ្គេម ឆ្នាំ២០១៩។
កីឡាករអត្តពលកម្ម EJ Obiena ឈ្នះមេដាយមាសទ្វីបអាស៊ី ឆ្នាំ២០២២ មេដាយមាសស៊ីហ្គេម២គ្រឿង ឆ្នាំ២០២១ និង២០១៩។
កីឡាការិនីលើកទម្ងន់ Vanessa Sarno ឈ្នះមេដាយមាសទ្វីបអាស៊ីឆ្នាំ២០២០ និងមេដាយមាសស៊ីហ្គេម ឆ្នាំ២០២១។
កីឡាការិនីលើកទម្ងន់ Hidilyn Diaz ឈ្នះមេដាយមាសអូឡាំពិកឆ្នាំ២០២១ និងមេដាយមាសពិភពលោក៣គ្រឿង ឆ្នាំ២០២២។