ធ្លាយពាក្យចចាមអារ៉ាមថា Son Heung Min រៀបការរួចហើយ ក្រោយឃើញដៃពាក់ចិញ្ចៀន

ខ្សែប្រយុទ្ធវ័យ៣០ឆ្នាំ Son Heung Min ត្រូវគេផ្សារភ្ជាប់ជាមួយនឹងពាក្យចចាមអារ៉ាមដ៏ក្តៅគគុកនៅក្នុង​ប្រព័ន្ធផ្សព្វផ្សាយកូរ៉េខាងត្បូងថា លោកបានរៀប​អាពាហ៍ពិពាហ៍រួចហើយ ក្រោយឃើញចិញ្ចៀនលើដៃពេលស្ថិតនៅអាកាសយានដ្ឋាន Incheon។

ថ្មីៗនេះ Kim Dong Wan ដែលជាអ្នកតំណាង និងអ្នក​រាយការណ៍​ព័ត៌មាន​កីឡា​របស់ SBS បាន​បង្ហាញ​ខ្លួន​ក្នុង​កម្មវិធី YouTube ដោយរូបលោកបានវិភាគអំពី Son Heung-min កីឡាករ​បាល់ទាត់​ជម្រើស​ជាតិ​នៃ​ក្លឹបមាន់ខ្នាយមាស Tottenham Hotspur ថា “ប្រសិនបើអ្នក​ប្រៀបធៀបការ​ប្រកួត​ចុងក្រោយរបស់ Son Heung Min ជាមួយនឹងការប្រកួត ៣-៤ មុន។ ខ្ញុំគិតថាមានអ្វីមួយបានកើតឡើងចំពោះគាត់”។

បន្ទាប់មក គាត់​បាន​ចង្អុល​ទៅ​អាវ​មួយ​ដែលមាន​ពាក្យ​ថា “​ស្រឡាញ់”​ ដែល​សរសេរ​នៅលើ​នោះ ហើយ​និយាយថា ​ចម្លើយ​ត្រូវបាន​សរសេរ​នៅលើ​អាវ​នោះ​ដោយថា “ខ្ញុំ​មិន​ប្រាកដ​ថា​ត្រូវ​ប្រាប់​អ្នក​ពី​អ្វី​ទេ។ ប៉ុន្តែ​ខ្ញុំ​បាន​ឃើញ​ភាព​កក់ក្ដៅ​ដែល​ធ្វើ​ឲ្យ​ Son Heung Min ស្រស់​ស្រាយ​ ។​ វា​មិន​បាន​កើត​ឡើង​មួយ​យប់​ទេ។ តើ​អ្នក​គិត​ថា​គាត់​ស្រស់ស្រាយដោយសារ​លោក Antonio Conte (អតីត​អ្នក​ចាត់​ការ​ទូទៅ) បាន​ចាកចេញ​ឬ? តាមពិតមានអ្វីមួយនៅក្នុងជីវិតផ្ទាល់ខ្លួនរបស់គាត់ ដែលធ្វើឲ្យ​គាត់​ស្រស់ស្រាយ។ វា​ជា​ការ​ស្មាន​របស់​ខ្ញុំ”។

ទោះយ៉ាងណាក៏ដោយ ឪពុករបស់ Son Heung Min ធ្លាប់ផ្តល់បទសម្ភាសន៍ថា កូនប្រុសរបស់គាត់​នឹងមិនរៀបការក្នុងអំឡុង​ពេលអាជីពរបស់គាត់ទេ ហើយនឹងរៀបការបន្ទាប់ពី​គាត់​ចូលនិវត្តន៍។ ជាងនេះទៅទៀត នៅក្នុងបទសម្ភាសន៍ក្នុងឆ្នាំ ២០១៩ Son Heung Min ខ្លួនឯងក៏បានយល់ព្រម​ជាមួយឪពុកដោយ​បញ្ជាក់​ថា គាត់​មិន​ចង់​ផ្តល់​អាទិភាព​អ្វី​ក្រៅ​ពី​ការ​លេង​បាល់ទាត់​នោះ​ទេ ដោយថា “ឪពុក​របស់​ខ្ញុំ​បាននិយាយថា ខ្ញុំមិនអាចរៀបការបានទេ រហូតដល់ខ្ញុំចូលនិវត្តន៍ ហើយខ្ញុំ​យល់ព្រម។ ប្រសិនបើខ្ញុំធ្វើ គ្រួសាររបស់ខ្ញុំនឹងក្លាយជាអាទិភាពរបស់ខ្ញុំ ហើយអាជីពបាល់ទាត់​នឹង​ត្រូវ​បណ្ដេញ​ចេញ។ បាល់ទាត់​គឺ​សំខាន់បំផុតសម្រាប់ខ្ញុំ​ ហើយខ្ញុំចង់ធ្វើឲ្យល្អបំផុត​ក្នុងអាជីពរបស់ខ្ញុំ”៕

ប្រែសម្រួល៖ សាង ស្រីល័ក្ខ

ចុចអាន៖Son Heung Min សារភាពថា រូបគេជាចំណែកធំមួយធ្វើឲ្យលោក Conte ត្រូវបណ្ដេញចេញពីតំណែង