កីឡា

ធឿន ធារ៉ា មិនមានរបួសដល់ឆ្អឹងធ្ងន់ធ្ងរទេចាញ់ថៃថ្ងៃមិញ

បានផុស

២ years មុន

នៅ

ថ្ងៃអាទិត្យ ២៣ មេសា ២០២៣

ដោយ

កីឡាករប្រដាល់ ធឿន ធារ៉ា បានបោះបង់ចោលការប្រកួតក្នុងទឹកទី៤ បន្ទាប់ពីត្រូវបានកីឡាករថៃ Krongchak ទាត់ឲ្យខូចដៃ សម្រាប់ការប្រកួតមិត្តភាពអន្តរជាតិនៅសង្វៀនអ្នកប្រយុទ្ធគុនខ្មែរ ស្រាបៀរម៉ាទ្រីដ កាលពីវេលាថ្ងៃត្រង់ ថ្ងៃអាទិត្យ ទី២៣ ខែមេសា ឆ្នាំ២០២៣នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អេ ភូថង គ្រូបង្វឹករបស់ ធឿន ធារ៉ា បានប្រាប់ថា ៖«តាមការបញ្ជាក់របស់លោកគ្រូពេទ្យកែងដៃរបស់ ធឿន ធារ៉ា ក្រោយពិនិត្យ និងថតរួចមក គឺមិនប៉ះពាល់ដល់ឆ្អឹងទេ គ្រាន់តែត្រូវសម្រាកព្យាបាលនៅផ្ទះមួយរយៈពេលខ្លីបណ្ណោះអាចប្រកួតវិញបានធម្មតា»។

ការប្រកួតនៅលើសង្វៀនបង្ហាញឲ្យឃើញថា ធឿន ធារ៉ា ធ្វើបានល្អមែនទែនដោយវាយកែងឲ្យកីឡាករថៃ Krongchak ដួល ត្រូវបានអាជ្ញាកណ្តាលរាប់៨ម្តង និងបន្តមកទៀតកីឡាករគុនខ្មែររូបនេះនៅតែវាយចំគោលដៅបានល្អ ប៉ុន្តែចុងទឹកទី៣ និងទី៤ រូបគេធ្លាក់ចុះកម្លាំងស៊ុហ្វ ហើយក៏ត្រូវបានកីឡាករថៃទាត់ឲ្យខូចដៃរហូតបោះបង់ចោលការប្រកួត៕