កីឡា

ទិដ្ឋភាពភូមិកីឡាដ៏ប្រណីតត្រៀមទទួលភ្ញៀវប្រមាណ៧ពាន់ក្នុងស៊ីហ្គេម

បានផុស

២ years មុន

នៅ

ថ្ងៃចន្ទ ២៤ មេសា ២០២៣

ដោយ

ភូមិកីឡាត្រូវបានបើកសម្ពោធជាផ្លូវការកាលពីថ្ងៃទី២០ ខែមេសា កន្លងទៅនេះក្រោមអធិបតីភាពសម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មាធិការជាតិរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ ដើម្បីត្រៀមទទួលភ្ញៀវអន្តរជាតិមកពីតំបន់អាស៊ានប្រមាណ៧ពាន់នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភូមិកីឡា ស្ថិតក្នុងបរិវេណពហុកីឡដ្ឋានជាតិមរតកតេជោមានអគារជាច្រើនខ្នង និងមានខុនដូ ដែលមានគ្រែប្រហែលជា៧ពាន់ ហើយក្នុង១ថ្ងៃៗ អត្តពលិក និងប្រតិភូកីឡាអន្តរជាតិអាចចូលស្នាក់នៅ និងទទួលទានអាហារចន្លោះពី៤ទៅ៦ពាន់នាក់។ បន្ទប់ខ្លះមានគ្រែពីរ និងបន្ទប់ខ្លះមានគ្រែ៣ដែលបំពាក់ដោយម៉ាស៊ីនត្រជាក់។ ភូមិកីឡានេះបង្កលក្ខណៈងាយស្រួលច្រើនដល់ប្រតិភូកីឡាអន្តរជាតិ ដោយពួកគាត់មិនចាំបាច់ធ្វើដំណើរទៅណាឆ្ងាយ និងមានសុវត្ថិភាពខ្ពស់ ដោយសារកីឡាជាច្រើនប្រភេទត្រូវប្រកួតក្នុងបរិវេណពហុកីឡដ្ឋានជាតិមរតកតេជោដែលជាកន្លែងរៀបចំពិធីបើក-បិទជាផ្លូវការ។

កីឡាស៊ីហ្គេម លើកទី៣២ នឹងបើកជាផ្លូវការចាប់ពីថ្ងៃទី៥ ដល់ថ្ងៃទី១៧ ខែឧសភា ដែលនឹងមានអត្តពលិក និងប្រតិភូកីឡាប្រមាណជាង១ម៉ឺននាក់មកចូលរួមប្រកួតនៅប្រទេសកម្ពុជា ប៉ុន្តែកីឡាមួយចំនួនចាប់ប្រកួតពីថ្ងៃទី២៩ ខែមេសានេះទៅ៕