កីឡា

ច្បាស់ហើយ សៀង ចន្ធា ជាប្រធានក្រុមដឹកនាំគោព្រៃកម្ពុជា ជំនួបបើកឆាកជាមួយទីម័រ

បានផុស

២ years មុន

នៅ

ថ្ងៃសុក្រ ២៨ មេសា ២០២៣

ដោយ

គ្រូបង្វឹក្រុមជម្រើសជាតិកម្ពុជាបានបញ្ជាក់នៅក្នុងសន្និសីទនៅមុននេះបន្តិចថា កីឡាករខ្សែប្រយុទ្ធវ័យក្មេង សៀង ចន្ធា នឹងកាន់តួនាទីជាប្រធានក្រុមដឹកនាំក្រុមគោព្រៃកម្ពុជា ក្នុងជំនួបបើកឆាកតទល់ក្រុមទីម័រសម្រាប់ការប្រកួតជម្រុះក្នុងពូល A ព្រឹត្តិការណ៍ស៊ីហ្គេមដែលកម្ពុជាធ្វើជាម្ចាស់ផ្ទះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Ryu Hirose គ្រូបង្វឹកនៃក្រុមជម្រើសជាតិកម្ពុជាបានបញ្ជាក់ថា កីឡាករខ្សែប្រយុទ្ធ សៀង ចន្ធា ត្រូវបានផ្តល់តួនាទីជាប្រធានដឹកនាំក្រុមគោព្រៃកម្ពុជាក្នុងជំនួបបើកឆាកជាមួយក្រុមទីម័រ សម្រាប់ការប្រកួតវគ្គជម្រុះក្នុងពូល A ព្រឹត្តិការណ៍ស៊ីហ្គេម។

គ្រូបង្វឹកសញ្ជាតិជប៉ុនរូបនេះមើលឃើញថា កម្ពុជាទោះបីមានប្រៀបក្នុងនាមជាម្ចាស់ផ្ទះ ប៉ុន្តែក៏មិនអាចមើលស្រាលសម្រាប់លទ្ធផលជំនួបប្រកួតខាងមុខ ដែលក្រុមទាំងពីរសុទ្ធតែមានឱកាសឈ្នះដូចគ្នា។

ក្រុមគោព្រៃកម្ពុជាស្ថិតនៅក្នុងពូល A ដែលមានក្រុមខ្លាំងដូចជា ឥណ្ឌូណេស៊ី មីយ៉ាន់ម៉ា ហ្វីលីពីន ទីម័រខាងកើត។ ក្រុមម្ចាស់ផ្ទះកម្ពុជានឹងប្រកួតបើកឆាកជាមួយទីម័រខាងកើតនៅវេលាម៉ោង ៧ យប់ ស្អែកនេះ នៅពហុកីឡដ្ឋានជាតិអូឡាំពិក៕

Related Topics:កីឡាស៊ីហ្គេម ឆ្នាំ២០២៣