កីឡា

គ្រូល្បុក្កតោ សំ ថារ័ត្ន ចេញសាររម្លឹកដាស់តឿនកីឡាករ-កីឡាការិនី

បានផុស

២ years មុន

នៅ

ថ្ងៃសុក្រ ២៨ មេសា ២០២៣

ដោយ

តារាគុនល្បុក្កតោ សំ ថារ័ត្ន មហាជនប្រាកដជាដឹងហើយថា កន្លងមកនាងតែងបង្ហាញ ឬចូលរួមបង្ហាត់ដល់យុវជនខ្មែរដែលស្រលាញ់គាំទ្រវិស័យក្បាច់គុនល្បុក្កតោរបស់ខ្មែរ។ លើសពីនេះ កញ្ញា ក៏បានធ្វើការអំពាវនាវឲ្យមហាជនបន្តការលើកស្ទួយ និងគាំទ្រដល់វិស័យមួយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកថ្មីៗនេះស្រាប់តែគ្រូល្បុក្កតោ សំ ថារ័ត្ន បានចេញសាររម្លឹកដាស់តឿនកីឡាករ-កីឡាការិនី ឲ្យមានការប្រុងប្រយ័ត្ន និងត្រូវថែរក្សាខ្លួន។ កីឡាការិនី សំ ថារ័ត្ន បានលើកឡើងថា «កាលខ្ញុំនៅឡើងវាយ ខ្ញុំទទួលវាយ មួយឆ្នាំតែម្ដងគត់ ជួនកាលពីរដងក្នុងមួយឆ្នាំដែរ»។ កញ្ញា សំ ថារ័ត្ន បាននិយាយទៀតថា «ខ្ញុំ ត្រូវគោរព និងថែរាងកាយខ្ញុំដែរ ព្រោះយើងត្រូវប្រើរាងកាយយើងឲ្យបានយូរអង្វែងតទៀត»។

សំ ថារ័ត្ន បានបន្តទៀតថា «ខ្ញុំភ្លាត់ស្មាស្ដាំម្ដងកាលវាយនៅប្រទេសហ្វីលីពីន វាជាសះស្បើយហើយ ប៉ុន្តែដូចម្ដាយខ្ញុំ និងបងហេរ៉ូ មានប្រសាសន៍អញ្ចឹង វាមិនមកដូចដើមពេញលេញវិញទេ។ ខ្ញុំសូមរំលឹកដាស់តឿនកីឡាករ កីឡាការិនីទាំងអស់ សូមចេះមើលរក្សាថែអង្គប្រាណ នៃយើងផង ថ្លឹងថ្លែងតាមការគួរ»។

បន្ថែមពីលើនេះ តារាក្បាច់គុន សំ ថារ័ត្ន និយាយដែរថា ចុងក្រោយសូមជូនពរឲ្យ ធារ៉ា ឆាប់ជា មិនថាក្នុងការព្យាបាលបែបបុរាណ ឬបែបវិទ្យាសាស្ត្រ សូមឲ្យឆាប់បានជាសះស្បើយមកវិញផង។

ក្នុងនោះដែរ ក៏មានការបញ្ចេញមតិគាំទ្រដែរថា ខ្ញុំបារម្ភ គិតថាប្អូននិយាយនេះជាត្រឹមត្រូវល្អណាស់ ខ្ញុំមិនដែលឃើញកីឡាករវាយមិនចេះសម្រាកសោះ ធម្មតាអ្នកប្រដាល់គេ ត្រូវតែសម្រាកដើម្បីប្រមូលកម្លាំងថ្ងៃក្រោយ និងហាមផឹកស្រា និងរកស្រីញី ធ្វើយ៉ាងណាឲ្យសុខភាពយើងបានទើបឡើងប្រកួត។

ចំណែកខ្លះទៀតលើកឡើងថា មិនយូរ គង់មានបញ្ហាមកដល់ ស្របពេលខ្មែរជាម្ចាស់ផ្ទះស៊ីហ្គេម បែបនេះ សម្តេច ដាស់តឿនហើយអ្នកណាជាអ្នកទទួលខុសត្រូវ ព្រោះរឿងកើតមុនមកបណ្តើរៗហើយដូចជា ពេជ្រ សម្បត្តិ ជាដើម ពេលនេះធ្លាក់មកដល់ ធឿន ធារ៉ា បងប្អូនកីឡាករល្អយើងនៅមានមិនទាន់គ្រប់គ្រាន់ទេ អ្នករៀបចំកម្មវិធីគួរត្រូវគិតឲ្យបានច្បាស់លាស់ជាងនេះ មុនសម្រេចដាក់ ឬផ្គូផ្គងឲ្យកីឡាប្រកួតម្តងៗ ប្រទេសជិតខាងយើងគេកំពុងសម្លឹងមើលយើងក្នុងការប្រជែងបែបច្រណែន សូមបងប្អូនគិតឲ្យបានខ្ពស់ និងមានទំនួលខុសត្រូវ៕

អត្ថបទ ៖ ចាន់រ៉ា