កីឡា

មួយឃ្លារបស់ ផាត សុខា ចំពោះអ្នកមានគុណធ្វើឲ្យអ្នកគាំទ្ររំភើបជំនួសពេលជាប់ U22 ក្នុងស៊ីហ្គេម

បានផុស

២ years មុន

នៅ

ថ្ងៃសៅរ៍ ២៩ មេសា ២០២៣

ដោយ

ក្រុមបាល់ទាត់ជម្រើសជាតិកម្ពុជាអាយុក្រោម២២ឆ្នាំត្រូវបានប្រកាសបញ្ជីឈ្មោះ២០នាក់ចុងក្រោយកាលពីម្សិលមិញពោលគឺមួយថ្ងៃមុនការប្រកួតជាមួយក្រុមទីម័រខាងកើត វេលាម៉ោង៧យប់ថ្ងៃសៅរ៍នេះក្នុងកីឡាស៊ីហ្គេម លើកទី៣២ ឆ្នាំ២០២៣។

បន្ទាប់ពីរង់ចាំអស់រយៈពេល៦៤ឆ្នាំ ទីបំផុតកម្ពុជាបានទទួលរៀបចំធ្វើជាម្ចាស់ផ្ទះលើកដំបូងនូវមហាព្រឹត្តិការណ៍កីឡាប្រចាំតំបន់។ ក្នុងនាមជាម្ចាស់អត្តពលិកជម្រើសជាតិកម្ពុជាពិតជាមោទនភាពណាស់ដែលបានលេងតំណាងឲ្យជម្រើសជាតិ ប៉ុន្តែគ្រប់អត្តពលិកទាំងអស់សុទ្ធតែមិនងាយទទួលបានឱកាសស្រួលឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងចំណោមកីឡាទាំង៣៧ប្រភេទ កីឡាបាល់ទាត់មានប្រជាប្រិយភាពជាងគេ ហើយកីឡាករបាល់ទាត់ម្នាក់ៗពិតជាចង់មានឈ្មោះលេងតំណាងឲ្យជម្រើសជាតិខ្លាំង។ យ៉ាងណាមានតែកីឡាករអាយុក្រោម២២ឆ្នាំចំនួន២០នាក់ប៉ុណ្ណោះដែលមានវត្តមានតំណាងឲ្យជម្រើសជាតិក្នុងកីឡាស៊ីហ្គេម ហើយកីឡាករម្នាក់ៗដែលមានឈ្មោះចុងក្រោយពិតជាមានមោទនភាព និងរំភើបរីករាយខ្លាំងណាស់ បន្ទាប់ពីខិតខំប្រឹងប្រែងគ្រប់បែបយ៉ាងណាដើម្បីទទួលឱកាសដ៏កម្រមាន។

ក្នុងចំណោមសមាជិក២០នាក់ចុងក្រោយ មានយុវជន ផាត សុខា ដែលមកពីខេត្តបាត់ដំបង និងជាសមាជិករបស់ក្រុមបាល់ទាត់ណាហ្គាវើលដ៍។ បន្ទាប់ពីបញ្ជីចុងក្រោយត្រូវបានប្រកាស យុវជនរូបនេះបាននិយាយថា ៖«ខ្ញុំធ្វើបានហើយ ពុកម៉ែ កូននឹងខំប្រឹងដើម្បីមុខមាត់ជាតិយើង។ អរគុណបងប្អូនដែលតែងតែគាំទ្រខ្ញុំបាទ ផាត សុខា កន្លងមក ជួបគ្នានៅថ្ងៃស្អែក»។

សូមបញ្ជាក់ថា ក្រុមកម្ពុជាស្ថិតនៅពូល A ជាមួយក្រុមខ្លាំងឥណ្ឌូណេស៊ី មីយ៉ាន់ម៉ា ហ្វីលីពីន និងទីម័រខាងកើត។ ការប្រកួតបើកឆាកពូលនេះ វេលាម៉ោង៤រសៀលជាការជួបគ្នារវាងក្រុមឥណ្ឌូណេស៊ី និងហ្វីលីពីន ខណៈម្ចាស់ផ្ទះកម្ពុជាប៉ះទីម័រខាងកើត វេលាម៉ោង៧យប់ ថ្ងៃសៅរ៍ ទី២៩ ខែមេសានេះនៅពហុកីឡដ្ឋានជាតិអូឡាំពិក៕