កីឡា

គ្រូឡាវថា ក្រុមនារីកម្ពុជានឹងមានបញ្ហាធំ បើមិនអាចយកឈ្នះឡាវបាន

បានផុស

២ years មុន

នៅ

ថ្ងៃអង្គារ ២ ឧសភា ២០២៣

ដោយ

គ្រូបង្វឹកក្រុមបាល់ទាត់នារីជម្រើសជាតិឡាវបានចាត់ទុកម្ចាស់ផ្ទះកម្ពុជាវិញទេដែលមានសម្ពាធនៅពេលប្រកួតជាមួយក្រុមជម្រើសជាតិឡាវ វេលាម៉ោង៧យប់ ថ្ងៃពុធ ទី៣ ខែឧសភា នៅស្តាតរបស់ភ្នំពេញក្រោន ក្នុងកីឡាស៊ីហ្គេម។

ក្នុងសន្និសីទសារព័ត៌មាន លោក Mohammed Herman Zailani បាននិយាយថា ក្រុមបាល់ទាត់នារីកម្ពុជាត្រៀមខ្លួនបានល្អក្នុងនាមជាម្ចាស់ផ្ទះ ដោយសារបានចេញទៅហ្វឹកហាត់នៅប្រទេសចិនដល់៦ខែ និងមានសមាជិកកោះហៅមកពីក្រៅប្រទេសថែមទៀត ដូច្នេះជាការត្រៀមខ្លួនបានល្អ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Zailani បានបន្ថែមថា សម្រាប់ការប្រកួតថ្ងៃស្អែក ផ្ទុយទៅវិញ កម្ពុជាប្រហែលជាមានសម្ពាធ ដោយសារជាម្ចាស់ផ្ទះ និងមានអ្នកគាំទ្រច្រើន។ ប្រសិនបើក្រុមនារីកម្ពុជាមិនអាចយកឈ្នះក្រុមជម្រើសជាតិនារីឡាវបាន នោះគឺជាបញ្ហាធំហើយសម្រាប់កម្ពុជា។

ក្រុមរបស់លោកបានត្រៀមខ្លួនរួចរាល់ហើយសម្រាប់ការប្រកួតស៊ីហ្គេម ឆ្នាំ២០២៣នេះ។ លោកសង្ឃឹមថា ក្រុមនារីឡាវនឹងធ្វើបានល្អ។

រហូតដល់ពេលនេះ គ្រូបង្វឹកបាល់ទាត់នារីកម្ពុជាបានជ្រើសរើសសមាជិក២០រូបចុងក្រោយហើយ ប៉ុន្តែមិនទាន់ត្រូវបានប្រកាសជាសាធារណៈឡើយ។ ក្រុមនារីកម្ពុជា២១នាក់បានទៅហ្វឹកហាត់នៅប្រទេសចិន ប៉ុន្តែជម្រុះចេញ៧រូបនៅពេលត្រឡប់មកកម្ពុជា និងបានជ្រើសរើសសមាជិកថ្មីមកពីអាមេរិក កាណាដា និងក្នុងស្រុកដើម្បីបំពេញឲ្យបានជម្រើស២០រូបចុងក្រោយត្រៀមការប្រកួតថ្ងៃស្អែក៕