កីឡា

ក្រុមបាល់ទះថៃមិនទទួលបានមេដាយស៊ីហ្គេមពីរលើកជាប់គ្នា

បានផុស

២ years មុន

នៅ

ថ្ងៃអង្គារ ៩ ឧសភា ២០២៣

ដោយ

ក្រុមបាល់ទះថៃមិនទទួលបានមេដាយកីឡាស៊ីហ្គេមពីរលើកចុងក្រោយ បន្ទាប់ពីធ្វើមិនបានល្អ បើទោះបីជាបានកៅអីឡើងវគ្គពាក់កណ្តាលផ្តាច់ព្រ័ត្រទាំងពីរលើកចុងក្រោយក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលស៊ីហ្គេម លើកទី៣១ ឆ្នាំ២០២១ នៅប្រទេសវៀតណាម ថៃបានឈរលើកំពូលតារាងពូល B បន្ទាប់ពីបានយកឈ្នះហ្វីលីពីន ៣-០ និងឈ្នះកម្ពុជា ៣-២ ដើម្បីឡើងទៅកាន់វគ្គពាក់កណ្តាលផ្តាច់ព្រ័ត្រដែលនៅវគ្គនេះថៃបានចាញ់វៀតណាមដោយលទ្ធផល ៣-២។

ការប្រកួតដណ្តើមេដាយសំរឹទ្ធ ថៃបានចាញ់កម្ពុជា ៣-២ ដែលនេះជាការអត់មេដាយលើកដំបូងសម្រាប់ថៃគិតចាប់តាំងពីឆ្នាំ១៩៨៥មក ហើយក៏ជាមេដាយលើកដំបូងសម្រាប់កម្ពុជា និងជាការឈ្នះថៃលើកដំបូងរបស់កម្ពុជា។

ស៊ីហ្គេម លើកទី៣២ ឆ្នាំ២០២៣ ក្រុមបាល់ទះថៃអត់ទទួលបានមេដាយទៀត បន្ទាប់ពីចាញ់វៀតណាម ៣-១ ក្នុងការប្រកួតដណ្តើមមេដាយសំរឹទ្ធ។ នេះជាការអត់បានមេដាយលើកទី២របស់ថៃក្នុងកីឡាស៊ីហ្គេម ក្នុងរយៈពេលជាង៣០ឆ្នាំចុងក្រោយ។ អ្វីដែលគួរឲ្យកត់សំគាល់ទៀតនោះ ក្រុមដែលថៃធ្លាប់ឈ្នះកន្លងមកដូចជា កម្ពុជា និងវៀតណាម ប៉ុន្តែថៃបែរជាចាញ់ទៅវិញ។

សូមបញ្ជាក់ថា ក្រុមបាល់ទះថៃធ្លាប់ជាជើងខ្លាំងនៅតំបន់អាស៊ានដោយស្ថិតនៅចំណាត់ថ្នាក់លេខ២ នៃតារាងមេដាយស៊ីហ្គេម បន្ទាប់ពីឥណ្ឌូណេស៊ីដែលឈរចំណាត់ថ្នាក់លេខ១។ ថៃធ្លាប់ឈ្នះមេដាយមាសស៊ីហ្គេម៨ដង ប្រាក់៧ដង និងសំរឹទ្ធ២ដង៕

អត្ថបទ៖ វីរបុត្រ

Related Topics:កីឡាស៊ីហ្គេម ឆ្នាំ២០២៣