កីឡា

ម្ចាស់កង់៣បានយកកាមេរ៉ាជូនអ្នកកាសែតហ្វីលីពីនវិញហើយ

បានផុស

២ years មុន

នៅ

ថ្ងៃព្រហស្បតិ៍ ១១ ឧសភា ២០២៣

ដោយ

ម្ចាស់កង់៣បានយកកាមេរ៉ាជូនអ្នកសារព័ត៌មានហ្វីលីពីនដែលជាម្ចាស់វិញហើយ បន្ទាប់ពីភ្លេចនៅលើកង់៣របស់គាត់ពេលធ្វើដំណើរទៅម្តុំវិមានឯករាជ្យ។

នៅមុននេះបន្តិច លោក លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន បានសរសេរថា ៖«ពេលនេះ ម្ចាស់កង់៣ បានយកកាមេរ៉ាជូនម្ចាស់ដើមវិញហើយ។ គាត់ប្រាប់ថា ពេលចុះជាង ៣០នាទី ទើបគាត់បានឃើញថា ម្ចាស់បានភ្លេចកាមេរ៉ានៅលើម៉ូតូគាត់»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការយកកាមេរ៉ាផ្តល់ជូនម្ចាស់ដើមនេះ បន្ទាប់លោករដ្ឋមន្ត្រីក្រសួងព័ត៌មានបានបង្ហោះសារមួយដែលលោកទទួលបានកាលពីព្រឹកព្រលឹមថ្ងៃទី១១នេះ៖«ជម្រាបសួរឯកឧត្តម, កាលពីថ្ងៃ ១០ ខែឧសភា ម៉ោងប្រហែល៣រសៀល មានជនជាតិហ្វីលីពីនមួយក្រុម ដែលជាក្រុមអ្នកថតរូបព្រឹត្តិការណ៍អាស៊ានហ្គេម បានភ្លេចកាមេរ៉ានៅលើតុកៗ ពេលដែលគាត់ធ្វើដំណើរពីម្តុំវិមានឯករាជ្យ មកឈប់នៅម្តុំវាលមេន។ ក្នុងកាមេរ៉ានោះមានរូបថតព្រឹត្តិការណ៍មួយចំនួនធំមិនទាន់បានកូពីចេញ ហើយកាមេរ៉ានោះមានតម្លៃថ្លៃគួរសមដែរ។ ពួកគាត់បានព្យាយាមស្វែងរក តែរកមិនឃើញ។ ពេលធ្វើដំណើរ គាត់បានថតរូបជាប់ពូតុកៗ ដោយចៃដន្យ»។

នេះជាកាយវិការដ៏ប្រពៃរបស់អ្នករត់កង់៣កម្ពុជាដែលបានផ្តល់សម្ភារៈដល់ម្ចាស់ដែលធ្វើការងារលើផ្នែកព័ត៌មានក្នុងព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣ ដែលប្រទេសកម្ពុជាធ្វើជាម្ចាស់ផ្ទះ៕

អត្ថបទ៖ វីរបុត្រ

Related Topics:កីឡាស៊ីហ្គេម ឆ្នាំ២០២៣