កីឡា

ក្រុមបាល់បោះកម្ពុជាកំពុងបោះជំហានទៅរកមេដាយទី២

បានផុស

២ years មុន

នៅ

ថ្ងៃសុក្រ ១២ ឧសភា ២០២៣

ដោយ

ក្រុមបាល់បោះជម្រើសជាតិកម្ពុជាកំពុងធ្វើបានយ៉ាងល្អសម្រាប់វិញ្ញាសា៥ទល់៥វគ្គសន្សំពិន្ទុក្នុងពូល A ព្រឹត្តិការណ៍កីឡាស៊ីហ្គេម លើកទី៣២ បន្ទាប់ពីបានឈ្នះមេដាយមាសលើកដំបូងក្នុងប្រវត្តិសាស្ត្រស៊ីហ្គេម លើវិញ្ញាសា៣ទល់៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតសន្សំពិន្ទុក្នុងពូលវិញ្ញាសា៥ទល់៥ ក្រុមកម្ពុជាបានឆ្លងកាត់ការប្រកួត២លើកដោយឈ្នះទាំងពីរលើកគឺឈ្នះសិង្ហបុរីដោយលទ្ធផល ៨៥-៦០ កាលពីថ្ងៃទី៩ ខែឧសភា និងបន្តឈ្នះហ្វីលីពីនដោយពិន្ទុ ៧៩-៦៨ កាលពីថ្ងៃទី១១ ខែឧសភា ដើម្បីឈរលើកំពូលតារាងពូល A។

នៅថ្ងៃទី១៣ ខែឧសភា ក្រុមកម្ពុជានឹងប្រកួតសន្សំពិន្ទុចុងក្រោយជាមួយម៉ាឡេស៊ី វេលាម៉ោង៥ល្ងាច នៅទីលានដំរី ក្នុងពហកីឡដ្ឋានជាតិមរតកតេជោ ខណៈហ្វីលីពីនប្រកួតជាមួយសិង្ហបុរី វេលាម៉ោង១រសៀល។

ដូច្នេះក្រុមបាល់បោះកម្ពុជាកំពុងបោះជំហានទៅវគ្គមេដាយនៃវគ្គ៤ក្រុមចុងក្រោយ និងរំពឹងឡើងទៅវគ្គផ្តាច់ព្រ័ត្រទៀត។

ចំណែកនៅពូល B ទើបតែឆ្លងកាត់១ប្រកួតម្នាក់ប៉ុណ្ណោះក្នុងចំណោមក្រុមទាំង៤។ មួយប្រកួតកន្លងមក ឥណ្ឌូណេស៊ី ឈរលេខ១ បន្ទាប់ពីឈ្នះឡាវ ១៤១-៣៧ និងថៃឈរលេខ២ បន្ទាប់ពីបានឈ្នះវៀតណាម ១០៤-៦៣។

នៅថ្ងៃទី១២ ខែឧសភានេះគឺជាការប្រកួតលើកទី២ ក្នុងពូល ដែលថៃប្រកួតជាមួយឡាវ វេលាម៉ោង១១ថ្ងៃត្រង់ និង វៀតណាម ប្រកួតជាមួយ ឥណ្ឌូណេស៊ី វេលាម៉ោង៥ល្ងាច។

រហូតដល់ពេលនេះ ក្រុមកីឡាករបាល់បោះកម្ពុជាបានឈ្នះមេដាយមាសវិញ្ញាសា៣ទល់៣ និងក្រុមកីឡាការិនីបាល់បោះវៀតណាមបានឈ្នះមេដាយមាស វិញ្ញាសា៣ទល់៣ ខណៈក្រុមខ្លាំងតែងតែឈ្នះមេដាយមាសគឺហ្វីលីពីនទទួលបានមេដាយប្រាក់វិញ្ញាសា៣ទល់៣ទាំងបុរស និងនារី ហើយថៃឈ្នះមេដាយសំរឹទ្ធបុរស៣ទល់៣ និងឥណ្ឌូណេស៊ីឈ្នះមេដាយសំរឹទ្ធនារី៣ទល់៣៕