កីឡា

លោក Honda ចង់ដឹកនាំថៃ និងប្រទេសមួយចំនួនទៀតដែលចង់ទៅ World Cup 2026

បានផុស

២ years មុន

នៅ

ថ្ងៃសៅរ៍ ១៣ ឧសភា ២០២៣

ដោយ

អតីតគ្រូបង្វឹកក្រុមបាល់ទាត់ជម្រើសជាតិកម្ពុជា លោក Keisuke Honda ចាប់អារម្មណ៍ដឹកនាំក្រុមជម្រើសជាតិជាច្រើនដែលចង់បានកៅអីជើងឯកបាល់ទាត់ពិភពលោកឆ្នាំ២០២៦។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Honda បានទម្លាយឲ្យដឹងនៅព្រឹកថ្ងៃទី១៣ ខែឧសភានេះថា ៖«ក្នុងនាមជាគ្រូបង្វឹកម្នាក់ ខ្ញុំចាប់អារម្មណ៍ដឹកនាំប្រទេសអូម៉ង់ នូវែលសេឡង់ អារ៉ាប់រួម ថៃ និងប្រទេសមួយចំនួនទៀតដែលចង់ទៅលេងជើងឯកពិភពលោក (World Cup) ឆ្នាំ២០២៦»។

លោក Honda ទើបតែបានចាកចេញពីក្រុមបាល់ទាត់ជម្រើសជាតិកម្ពុជាកាលពីប៉ុន្មានថ្ងៃមុននេះទេ បន្ទាប់ពីចប់ភារកិច្ច និងដឹកនាំក្រុម U22 កម្ពុជាមិនបានទទួលជោគជ័យក្នុងព្រឹត្តិការណ៍កីឡាស៊ីហ្គេម លើកទី៣២។ លោកបានដឹកនាំក្រុមជម្រើសជាតិកម្ពុជារយៈពេល៥ឆ្នាំពោលគឺចាប់តាំងពីឆ្នាំ២០១៨ ហើយពេលនេះទំនេរដែលជាឱកាសប្រទេសផ្សេងៗចង់បានលោកទៅដឹកនាំ។ ជាពិសេសនៅតំបន់អាស៊ីដែលមានកៅអីច្រើនទៅជុំផ្តាច់ព្រ័ត្រជើងឯកពិភពលោកនាឆ្នាំ២០២៦៕