ក្រោយកម្ពុជា ប្រទេសទាំង៥នេះ នឹងធ្វើជាម្ចាស់ផ្ទះស៊ីហ្គេម បន្តបន្ទាប់គ្នា

ព្រឹត្តិការណ៍ប្រកួតកីឡាអាស៊ីអាគ្នេយ៍ (ស៊ីហ្គេម) លើកទី៣២នៅប្រទេស កម្ពុជា កាន់តែកៀកនឹងបញ្ចប់ទៅហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនាមជាម្ចាស់ផ្ទះ កម្ពុជា ទទួលបានការកោតសរសើរមិនដាច់ពីមាត់ពីសំណាក់អន្តរជាតិ សម្រាប់ការរៀបចំ ជាពិសេសចំពោះការអនុញ្ញាតឲ្យអ្នក​គាំទ្រ​ជាតិ និង​អន្តរជាតិ​ចូល​ទស្សនា​ដោយ​ឥត​គិត​​ថ្លៃ, មិន​យក​តម្លៃ​សិទ្ធិការ​ផ្សព្វផ្សាយ ការ​ផ្សាយ​ផ្ទាល់ និងការ​ផ្សាយ​បន្ត​ផ្ទាល់ និងមិន​យក​តម្លៃ​លើ​ការ​ស្នាក់​នៅ ម្ហូប​អាហារ និង​ការ​ធ្វើ​ដំណើរពី​អត្តពលិក និង​ប្រតិភូកីឡា​អន្តរជាតិ។

ដោយចាប់ផ្តើមកាលពីថ្ងៃទី៥ខែឧសភា, ព្រឹត្តិការណ៍ដែលកម្ពុជា ទន្ទឹងរង់ចាំអស់រយៈពេល៦៤ឆ្នាំមកហើយនោះ នឹងត្រូវបញ្ចប់ទៅវិញនៅថ្ងៃទី១៧ខែឧសភា ដោយថៃ នឹងត្រូវរៀបចំជាបន្តនៅឆ្នាំ២០២៥។

ហើយបន្ទាប់ពីថៃ ប្រទេសដែលនឹងត្រូវរៀបចំធ្វើជាម្ចាស់ផ្ទះព្រឹត្តិការណ៍ស៊ីហ្គេមជាបន្តបន្ទាប់ទៀតនោះមានដូចជា៖ ម៉ាឡេស៊ីឆ្នាំ២០២៧ សិង្ហបុរីឆ្នាំ២០២៩ ឡាវឆ្នាំ២០៣១ និងហ្វីលីពីនឆ្នាំ២០៣៣៕

អត្ថបទ៖ Vann Vann

ចុចអាន៖ ព្រឹត្តិការណ៍ស៊ីហ្គេម បានបង្ហាញឱ្យពិភពលោក ស្គាល់កម្ពុជាកាន់តែច្បាស់