កីឡា

កីឡាការិនីឆ្នើមទាំង៦រូបឈ្នះមេដាយមាសជូនជាតិពីកីឡាស៊ីហ្គេម

បានផុស

២ years មុន

នៅ

ថ្ងៃអង្គារ ១៦ ឧសភា ២០២៣

ដោយ

កីឡាការិនីឆ្នើមជម្រើសជាតិកម្ពុជា៦រូបដែលទទួលបានការចាប់អារម្មណ៍ខ្លាំងតាំងពីមុនព្រឹត្តិការណ៍កីឡាស៊ីហ្គេមមកគឺសុទ្ធតែឈ្នះមេដាយមាសជូនកម្ពុជាក្នុងកីឡាស៊ីហ្គេម លើកទី៣២ ឆ្នាំ២០២៣។

កីឡាការិនី ខាន់ ចេសា

វីរកីឡាការិនីខ្មែរ-អាមេរិក ខាន់ ចេសា បានឈ្នះមេដាយមាស១គ្រឿង និងប្រាក់១គ្រឿងលើប្រភេទកីឡាជឺជីតស៊ូក្នុងកីឡាស៊ីហ្គេម លើកទី៣២ ឆ្នាំ២០២៣។ នេះជាមេដាយមាស៊ីហ្គេមលើកទី២សម្រាប់កីឡាការិនីរូបនេះ បន្ទាប់ពីលើកទី១កាលពីឆ្នាំ២០១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាការិនី ស្រួង ភាវី

បំណងប្រាថ្នារបស់ពេល១០ឆ្នាំរបស់កីឡាការិនីឆ្នើមលើលោក ស្រួង ភាវី បានសម្រេចក្នុងការនាំមេដាយមាសជូនកម្ពុជាក្នុងកីឡាស៊ីហ្គេម លើប្រភេទកីឡាស្នូកឃ័រ និងប៊ីយ៉ា លើវិញ្ញាសាប៊ីយ៉ាការ៉ុម បន្ទាប់ពីធ្លាប់សាងស្នាដៃច្រើនលើឆាកអន្តរជាតិ។ ជាមួយគ្នានេះ ភាវី ក៏ឈ្នះបានមេដាយសំរឹទ្ធ១ទៀតលើវិញ្ញាសាការ៉ុម១បាំង។

កីឡាការិនី ពៅ សុខា

កីឡាការិនីវ៉ូវីណាមជម្រើសជាតិកម្ពុជា ពៅ សុខា ទទួលបានមេដាយមាស៣ ប្រាក់១ និងសំរឹទ្ធ១ ក្នុងចំណោមវិញ្ញាសាទាំង៥ដែលកញ្ញាប្រកួតក្នុងកីឡាស៊ីហ្គេម លើកទី៣២ ឆ្នាំ២០២៣ នៅប្រទេសកម្ពុជា។ តាមពិតទៅកីឡាការិនីរូបនេះធ្លាប់ឈ្នះមេដាយច្រើនជូនកម្ពុជាកន្លងមក ប៉ុន្តែលើកនេះនៅលើទឹកដីខ្លួនឯង។

កីឡាការិនី ប៉ាល់ ឆរស្មី

កីឡាការិនីកីឡាវ៉ូវីណាមជម្រើសជាតិកម្ពុជាមួយរូបទៀត ប៉ាល់ ឆរស្មី បានឈ្នះមេដាយមាស៤ ប្រាក់១ និងសំរឹទ្ធ១ សរុប៦គ្រឿងសម្រាប់កីឡាស៊ីហ្គេមលើកទី៣២។ កីឡាការិនីឆ្នើមរូបនេះធ្លាប់ឈ្នះមេដាយមាសស៊ីហ្គេមច្រើនហើយកន្លងមក។

វីរកីឡាការិនី ស៊ន សៀវម៉ី

ការវិលត្រឡប់មកកាន់អាជីពកីឡាតេក្វាន់ដូវិញ វីរកីឡាការិនី ស៊ន សៀវម៉ី បានឈ្នះមេដាយមាសលើវិញ្ញាសាទម្ងន់+៧៣គីឡូក្រាម។ នេះជាមេដាយមាសទី៤ក្នុងកីឡាស៊ីហ្គេម បន្ទាប់ពីធ្លាប់ឈ្នះមេដាយមាសលើកទី១ឆ្នាំ២០១៣ លើកទី២ ឆ្នាំ២០១៧ និងលើកទី៣ ឆ្នាំ២០១៩។

កីឡាការិនី Casandre Nicols Tubbs

កីឡាករខ្មែរ-អាមេរិក Cassandre បានឈ្នះមេដាយមាសលើកីឡាតេក្វាន់ដូវិញ្ញាសាទម្ងន់៦៧គីឡូក្រាម។ នេះជាមេដាយមាសលើកដំបូងសម្រាប់កីឡាការិនីខ្មែរ-អាមេរិករូបនេះ បន្ទាប់ពីធ្លាប់ឈ្នះមេដាយប្រាក់១ និងសំរឹទ្ធ២ជូនកម្ពុជា។