កីឡា

គ្រូ U-22 សិង្ហបុរី ត្រូវបានសហព័ន្ធដាក់ឱ្យសម្រាកក្រោយដឹកនាំក្រុមជួបលទ្ធផលអាក្រក់បំផុតក្នុងស៊ីហ្គេម

បានផុស

២ years មុន

នៅ

ថ្ងៃព្រហស្បតិ៍ ១៨ ឧសភា ២០២៣

ដោយ

គ្រូបង្វឹកក្រុមជម្រើសជាតិអាយុក្រោម ២២ឆ្នាំសិង្ហបុរី លោក Philippe Aw ត្រូវបានសហព័ន្ធខ្លួនផ្តល់ពេលវេលាសម្រាកពីតួនាទីបង្វឹកក្រុមតោវ័យក្មេង (Young Lions) បន្ទាប់ពីបំពេញតួនាទីជាគ្រូបង្វឹកក្រុមបាល់ទាត់បុរស ក្នុងការប្រកួតកីឡាអាស៊ីអាគ្នេយ៍ (ស៊ីហ្គេម) លើកទី៣២ នៅកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការពិនិត្យបច្ចេកទេសនៃការប្រកួតកីឡាស៊ីហ្គេមនឹងធ្វើឡើងជាបន្តបន្ទាប់ បន្ទាប់ពីលោកវិលត្រឡប់មកវិញ។ នេះបើតាមការប្រកាសដោយសហព័ន្ធកីឡាបាល់ទាត់សិង្ហបុរីផ្ទាល់។

ក្នុងស៊ីហ្គេម លើកទី៣២ ឆ្នាំ២០២៣ សិង្ហបុរី ស្ថិតនៅពូល B ជាមួយថៃ វៀតណាម ម៉ាឡេស៊ី និងឡាវ ប៉ុន្តែអ្វីដែលគួរឱ្យចាប់អារម្មណ៍ គេរកបានតែ ១ពិន្ទុប៉ុណ្ណោះពីការប្រកួត ៤លើក ដោយចាញ់៣ និងស្មើ១ (ស្មើជាមួយ U-22 ឡាវ) ស្ថិតនៅបាតតារាង។

នេះគឺជាកំណត់ត្រាអាក្រក់បំផុតមិនធ្លាប់មានក្នុងប្រវត្តិបាល់ទាត់សិង្ហបុរី នៅព្រឹត្តិការណ៍កីឡាស៊ីហ្គេម។

ក្នុងអវត្តមានរបស់លោក Aw ទំនួលខុសត្រូវក្នុងការបង្វឹកក្រុម Young Lions នឹងត្រូវបានគ្រប់គ្រងដោយជំនួយការគ្រូបង្វឹក លោក Md Fadzuhasny Juraimi និង Koichiro Iizuka ដោយអ្នកទាំងពីរជាអ្នកមើលការខុសត្រូវលើការប្រកួតលីគកំពូលរបស់សិង្ហបុរីនៅចុងសប្តាហ៍នេះ៕

ប្រែសម្រួល ៖ មន្នីរ័ត្ន

ប្រភព៖ fas.org.sg