កីឡា
ប្រវត្តិក្រុមបាល់ទះជនពិការកម្ពុជាខ្លាំងគួរឲ្យចាប់អារម្មណ៍
ក្រុមកីឡាបាល់ទះជនពិការកម្ពុជាត្រូវបានចាត់ទុកជាក្រុមដ៏មានសក្តានុពលមួយនៅក្នុងតំបន់អាស៊ីអាគ្នេយ៍ និងពិភពលោក បន្ទាប់ពីតែងតែធ្វើបានល្អក្នុងការប្រកួតលើឆាកអន្តរជាតិទាំងកម្រិតអាស៊ាន អាស៊ី និងពិភពលោក។
លេខ២ជើងឯកបាល់ទះពិការពិភពលោកឆ្នាំ២០១១
ក្រុមបាល់ទះពិការកម្ពុជាបានធ្វើឲ្យមហាជនភ្ញាក់ផ្អើលនៅក្នុងព្រឹត្តិការណ៍ប្រកួតបាល់ទះជនពិការពិភពលោក ចាប់ពីថ្ងៃទី២៣ ដល់ទី២៩ ខែកក្កដា ឆ្នាំ២០១១ ដែលប្រទេសកម្ពុជាធ្វើជាម្ចាស់ផ្ទះ។
ការប្រកួតដែលធ្វើឡើងនៅវិមានពហុកីឡដ្ឋានជាតិអូឡាំពិក មានក្រុមបាល់ទះជនពិការជម្រើសជាតិជាច្រើនមកពីតំបន់ផ្សេងៗទូទាំងពិភពលោកគឺប្រទេសអាល្លឺម៉ង់ កាហ្សាក់ស្ថាន ស្លូវ៉ាគី ឡាវ ស្រីលង្ការ អេហ្ស៊ីប អ៉ីរ៉ង់ ចិន អូស្ត្រាលី ម៉ាឡេស៊ី ប៉ូឡូញ ស្លូវ៉ានៀ អង់គ្លេស កូរ៉េ កាណាដា និងម្ចាស់ផ្ទះកម្ពុជា។
បន្ទាប់ពីធ្វើបានល្អនៅវគ្គសន្សំពិន្ទុក្នុងពូល ក្រុមបាល់ទះជនពិការម្ចាស់ផ្ទះកម្ពុជាបានឡើងទៅកាន់វគ្គផ្តាច់ព្រ័ត្រជួបក្រុមខ្លាំងមកពីអឺរ៉ុបគឺអាល្លឺម៉ង់។ វគ្គផ្តាច់ព្រ័ត្រ កម្ពុជាបានចាញ់អាល្លឺម៉ង់ដោយលទ្ធផល១សិតទល់៣។ សិតទី១ កម្ពុជាចាញ់ ១៧-២៥, សិតទី២ ចាញ់ ២១-២៥, សិតទី៣ កម្ពុជាបានឈ្នះ ២៨-២៦ និងសិតទី៤ ចាញ់ ២១-២៥។
ដូច្នេះកម្ពុជាទទួលបានចំណាត់ថ្នាក់លេខ២ក្នុងការប្រកួតបាល់ទះជនពិការជើងឯកពិភពលោក ខណៈអាល្លឺម៉ង់បានក្លាយជាម្ចាស់ជើងឯកបាល់ទះជនពិការពិភពលោក៣លើកគ្នាគឺឆ្នាំ២០០៧ ២០០៩ និង២០១១។
សមាជិកកម្ពុជាដែលគួរឲ្យចាប់អារម្មណ៍នៅពេលនោះមានដូចជា អ៊ឹង ភីរៀម, ឈឿម គង់, ព្រាប ទិត្យ, អ៊ូ ផល្លា, ពីន សារ៉ាត់, នួន ភីរ័ត្ន, មាស រដ្ឋា និង សាង វាសនា ជាដើម។
ការប្រកួតបាល់ទះពិការជើងឯកអាស៊ី
ក្រុមបាល់ទះពិការជម្រើសជាតិកម្ពុជាបានចូលរួមប្រកួតបាល់ទះជនពិការជើងឯកអាស៊ីលើកដំបូងកាលពីឆ្នាំ២០១៩ នៅទីក្រុងបាំងកក ប្រទេសថៃ។ ថ្វីត្បិតថា មិនទទួលបានចំណាត់ថ្នាក់ល្អ ក៏ក្រុមកម្ពុជាទទួលបានជ័យជម្នះក្នុងការប្រកួតខ្លះដែរ។
ក្រុមបាល់ទះជនពិការកម្ពុជាបានឆ្លងកាត់ការប្រកួត៥លើកក្នុងព្រឹត្តិការណ៍បាល់ទះជនពិការអាស៊ីនោះ និងបានបង្កើតកំណត់ត្រាឈ្នះលើកដំបូង ព្រមទាំងបង្ហាញសមត្ថភាពដ៏គួរឲ្យចាប់អារម្មណ៍នៅពេលប្រកួតជាមួយក្រុមខ្លាំង។
ក្រុមកម្ពុជាបានបង្កើតកំណត់ត្រាឈ្នះជាលើកដំបូងលើក្រុមបាល់ទះជនពិការជប៉ុនដោយលទ្ធផល ៣សិត១ (២៥-២២, ២៥-១៩, ១៦-២៥ និង២៥-២០)។ បន្ទាប់មក ក្រុមកម្ពុជាបានចាញ់កូរ៉េខាងត្បូងដោយពិន្ទុប្រកៀកប្រកិតគ្នាគឺ ២២-២៥, ២០-២៥ និង២៧-២៩)។
មេដាយមាសអាស៊ានប៉ារ៉ាហ្គេម
ក្រៅពីប្រកួតលក្ខណៈឈរ ក្រុមបាល់ទះជនពិការកម្ពុជាបានប្រកួតបែបអង្គុយក្នុងព្រឹត្តិការណ៍កីឡាអាស៊ានប៉ារ៉ាហ្គេម។ សម្រាប់ការចូលរួមប្រកួតអាស៊ានប៉ារ៉ាហ្គេម២លើកចុងក្រោយ ក្រុមកម្ពុជាបានឡើងដល់វគ្គផ្តាច់ព្រ័ត្រទាំងពីរលើក។
អាស៊ានប៉ារ៉ាហ្គេម លើក៩ ឆ្នាំ២០១៧ នៅប្រទេសម៉ាឡេស៊ី ក្រុមបាល់ទះអង្គុយជនពិការកម្ពុជាទទួលបានមេដាយប្រាក់ បន្ទាប់ពីចាញ់មីយ៉ាន់ម៉ានៅវគ្គផ្តាច់ព្រ័ត្រ។
អាស៊ានប៉ារ៉ាហ្គេម លើកទី១១ ឆ្នាំ២០២២ នៅវគ្គសន្សំពិន្ទុក្នុងពូល កម្ពុជាបានយកឈ្នះមីយ៉ាន់ម៉ា និងហ្វីលីពីន។ នៅវគ្គពាក់កណ្តាលផ្តាច់ព្រ័ត្រ កម្ពុជាបានឈ្នះម្ចាស់ផ្ទះឥណ្ឌូណេស៊ី និងបន្តឈ្នះថៃនៅវគ្គផ្តាច់ព្រ័ត្រ។ ដូច្នេះកម្ពុជាបានប្រកួតឈ្នះគ្រប់ការប្រកួតដើម្បីក្លាយជាម្ចាស់មេដាយមាសលើកដំបូង។
តាមរយៈភាពខ្លាំងនេះ ក្រុមបាល់ទះអង្គុយពិការកម្ពុជាត្រូវមានភារកិច្ចការពារតំណែងមេដាយមាសរបស់ខ្លួននៅពេលកម្ពុជារៀបចំធ្វើជាម្ចាស់ផ្ទះកីឡាអាស៊ានប៉ារ៉ាហ្គេម លើកទី១២ ចាប់ពីថ្ងៃទី៣ ដល់ទី៩ ខែមិថុនា ឆ្នាំ២០២៣៕
អត្ថបទ៖ វីរបុត្រ
លោក ហេង សួរ ប្រគល់កុំព្យូទ័រជាអំណោយសម្តេចបវរធិបតី ១៣៩គ្រឿង ជូនមន្ទីរ អង្គភាព គ្រឹះស្ថានអប់រំ
សម្ដេចតេជោ ស្ដាយដែលអ្នកសារព័ត៌មានចាត់ទុកថាថៃជោគជ័យលើការបង្ក្រាបបទល្មើសឆបោកតាមអនឡាញ តែថាកម្ពុជាបរាជ័យ
បណ្ឌិត សូ ណារ៉ូ ៖ ពលរដ្ឋកុំធ្វើតាមទណ្ឌិត សម រង្ស៊ី ព្រោះជាការញុះញង់ផ្តួលរំលំរដ្ឋាភិបាល និងជាបទល្មើសព្រហ្មទណ្ឌកម្រិតធ្ងន់
បុណ្យកោងកាងសន្តិភាពឆ្នាំនេះ÷ កូនកោងកាង៥ពាន់ដើម ត្រូវបានដាំនៅក្នុងសហគមន៍កោះកាពិ ខេត្តកោះកុង
លោកស្រី ដោ សម្ផស្ស៖ សមាគមកាយឫទ្ធិនារី ត្រូវយកចំណេះដឹងទៅផ្សព្វផ្សាយ ក្នុងសហគមន៍ ដើម្បីទីក្រុងយើងមានបរិស្ថានល្អ
Trump ដាក់លក្ខខណ្ឌបើ Zelensky ចង់មកចរចាម្តងទៀត
Trump និង Zelensky ឈ្លោះគ្នានៅសេតវិមាន ផ្អើលពិភពលោក
ជម្លោះ Trump-Zelensky ធ្វើឲ្យអឺរ៉ុបធ្លាក់ចូលវិបត្តិជ្រៅ, តើណាតូនិងអ៊ុយក្រែន ទៅជាយ៉ាងណា?
រុស្ស៊ីពង្រឹងការទូតយ៉ាងខ្លាំង ក្រោយអាមេរិកផ្សះផ្សាវិញ ប៉ុន្តែដូណាល់ ត្រាំបំបែកសម្ព័ន្ធមិត្ត
មេដឹកនាំបណ្តាប្រទេសនៅអឺរ៉ុបបង្ហាញជំហរពិតក្នុងជម្លោះត្រាំនិងហ្សេលេនស្គី
-
សេចក្ដីជូនដំណឹង១ សប្តាហ៍ agoរៃហ្គេត ហ្គ្រេមម័រ ស្គូល ភ្នំពេញ ដើមកំណើត៣៥០ឆ្នាំ ពីចក្រភពអង់គ្លេស
-
ព័ត៌មានអន្ដរជាតិ៤ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ៧ ថ្ងៃ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៤ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៥ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៦ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម១ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៥ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ