កីឡា
ម្ចាស់មេដាយ៥គ្រឿង វ៉ិត ចន្ថា ប្តេជ្ញាការពារមេដាយមាសលើទឹកដីរបស់ខ្លួន
កីឡាការិនីអត្តពលកម្មឆ្នើមរបស់កម្ពុជា វ៉ិត ចន្ថា នឹងប្រកួត៣វិញ្ញាសាក្នុងព្រឹត្តិការណ៍កីឡាអាស៊ានប៉ារ៉ាហ្គេម លើកទី១២ ចាប់ពីថ្ងៃទី៣ ដល់ទី៩ ខែមិថុនា ឆ្នាំ២០២៣ នៅប្រទេសកម្ពុជា។
សម្រាប់ការត្រៀមខ្លួនប្រកួតក្នុងនាមជាម្ចាស់ផ្ទះ វ៉ិត ចន្ថា បានប្រាប់ថា អ្នកស្រីបានត្រៀមប្រកួត៣វិញ្ញាសាគឺលោតចម្ងាយ រត់ចម្ងាយ២០០ម៉ែត្រ និង៤០០ម៉ែត្រ។ វិញ្ញាសាទាំង៣នេះ អ្នកស្រីសុទ្ធតែធ្វើបានល្អក្នុងការប្រកួតអាស៊ានប៉ារ៉ាហ្គេម លើកទី១១ ឆ្នាំ២០២២ និងរំពឹងទទួលបានលទ្ធផលជូនជាតិទៀត។
អ្នកស្រីបានហ្វឹកហាត់នៅពហុកីឡដ្ឋានជាតិអូឡាំពិក ប៉ុន្តែកាលពីពេលថ្មីៗនេះជាកន្លែងរៀបចំការប្រកួតកីឡាស៊ីហ្គេម ដូច្នេះការហ្វឹកហាត់ក៏មិនសូវដិតដល់ប៉ុន្មានដែរ។ ទោះបីជាយ៉ាងណា ឥឡូវនេះអ្នកស្រីបានទៅហ្វឹកហាត់នៅពហុកីឡដ្ឋានជាតិមរតកតេជោ។
វ៉ិត ចន្ថា បានប្រាប់សារព័ត៌មានកម្ពុជាថ្មីថា ៖«ឥឡូវនេះ ជិតដល់ពេលប្រកួតអត់សូវបានហ្វឹកហាត់ដល់ដែរ ដោយសារកន្លែងហ្វឹកហាត់នៅអូឡាំពិករៀបចំការប្រកួតកន្លងមក។ បើហាត់នៅអូឡាំពិក ពេលខ្លះបានពេលព្រឹក តែអត់ពេលល្ងាច តែសម្រាប់កំណត់ត្រាថិរវេលាលើវិញ្ញាសាអត់អីទេ។ ថិរវេលាវិញ្ញាសាខ្លះ ខ្ញុំបានបំបែកកំណត់ត្រាចាស់ដែរ (ធ្វើបានល្អជាងកំណត់ត្រាចាស់)។ ខ្ញុំគិតថា ល្អប្រសើរជាងមុន»។
តាមរយៈការធ្វើបានល្អជាងកំណត់ត្រាចាស់លើវិញ្ញាសាខ្លះ អ្នកស្រី វ៉ិត ចន្ថា បានដាក់ចិត្តកាយ និងប្តេជ្ញាការពារមេដាយមាសរបស់ខ្លួនឲ្យបានជោគជ័យ និងស្វែងរកមេដាយមាសឲ្យខាងតែបានដើម្បីជូនជាតិក្នុងនាមជាម្ចាស់ផ្ទះរៀបចំការប្រកួតកីឡាអាស៊ានប៉ារ៉ាហ្គេម។
រហូតដល់ពេលនេះ កីឡាការិនីឆ្នើម វ៉ិត ចន្ថា បានឈ្នះមេដាយ៥គ្រឿងពីកីឡាជនពិការអាស៊ីអាគ្នេយ៍ បន្ទាប់ពីធ្លាប់បានចូលរួមប្រកួតកន្លងមក។ អាស៊ានប៉ារ៉ាហ្គេម លើកទី៨ ឆ្នាំ២០១៥ នៅប្រទេសសិង្ហបុរី វ៉ិត ចន្ថា មិនទទួលបានមេដាយទេ ប៉ុន្តែអាស៊ានប៉ារ៉ាហ្គេម លើកទី៩ ឆ្នាំ២០១៧ នៅប្រទេសម៉ាឡេស៊ី អ្នកស្រីបានឈ្នះមេដាយ២គ្រឿងគឺប្រាក់១លើវិញ្ញាសាលោតចម្ងាយ និងសំរឹទ្ធ១លើវិញ្ញាសារត់ចម្ងាយ៤០០ម៉ែត្រ។
សម្រាប់អាស៊ានប៉ារ៉ាហ្គេម លើកទី១១ ឆ្នាំ២០២២ នៅប្រទេសឥណ្ឌូណេស៊ី កីឡាការិនីពិការឆ្នើមរូបនេះរឹតតែធ្វើបានល្អដោយបានឈ្នះមេដាយ៣គ្រឿងលើវិញ្ញាសាទាំង៣ដែលខ្លួនប្រកួត។ មេដាយមាសទី១លើវិញ្ញាសាលោតចម្ងាយ មេដាយមាសទី២លើវិញ្ញាសារត់ចម្ងាយ៤០០ម៉ែត្រ និងប្រាក់១លើវិញ្ញាសារត់ចម្ងាយ២០០ម៉ែត្រ៕
អត្ថបទ៖ វីរបុត្រ
រដ្ឋបាលខេត្តមណ្ឌលគិរី បើកសន្និបាតបូកសរុបលទ្ធផលការងារ និងលើកទិសដៅបន្តដើម្បីការងារកាន់តែល្អប្រសើរ
ខេត្តថៃចំនួន៤៤ នៅតែគ្របដណ្តប់ដោយខ្យល់ពុលដ៏គ្រោះថ្នាក់
កម្លាំងចម្រុះ នៃស្នងការរាជធានី បន្តដាក់គោលដៅត្រួតពិនិត្យជាតិស្រវឹង នៅលើកំណាត់ផ្លូវ ៦០ ម៉ែត្រ
ស្នងការខេត្តមណ្ឌលគិរី ចុះណែនាំទីតាំងអាជីវកម្ម ២៩កន្លែង ឱ្យមានឧបករណ៍ពន្លត់អគ្គិភ័យរៀងៗខ្លួនដើម្បីការពារពីគ្រោះអគ្គិភ័យ
ក្រុមស្រឡាញ់ភេទដូចគ្នារាប់រយគូនៅថៃ កំពុងចាំចុះសំបុត្រអាពាហ៌ពិពាហ៌ ក្រោយច្បាប់ថ្មីអនុម័ត
តារាសម្តែងជើងចាស់ រ៉េត រ៉ូស ប្រាប់អ្នកសិល្ប:ជំនាន់ក្រោយ ប្រយ័ត្នផលិតករកេងប្រវ័ញ្ចលើកម្លាំង
កូរ៉េខាងជើង ប្រហារជីវិតអ្នកស្រាវជ្រាវជាន់ខ្ពស់ ព្រោះគម្រោងថាមពលនុយក្លេអ៊ែរបរាជ័យ
ត្រាំ ផ្តាំទៅ ពូទីន! ចង់បានធម៌ក្តៅឬធម៌ត្រជាក់?
ហ្សេលេនស្គី៖ អ៊ុយក្រែនត្រូវការកងរក្សាសន្តិភាពហោចណាស់ ២០ម៉ឺននាក់ បើមានបទឈប់បាញ់
អតីតរាជទូតផុតអាណត្តិ២រូប ត្រូវតែងតាំងជាអនុរដ្ឋលេខាធិការ និងអគ្គនាយក
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៦ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៣ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា១ សប្តាហ៍ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ១ សប្តាហ៍ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៧ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់