កីឡា
ទីបំផុត Emmanuel ទទួលបានសញ្ជាតិខ្មែរ ក្រោយតំណាងទង់ជាតិខ្មែរជាង១០ឆ្នាំ
កីឡាករប្រដាល់ជនជាតិនីហ្សេរីយ៉ា Emmanuel Onlyedikachi ត្រូវបានព្រះមហាក្សត្រនៃព្រះរាជាណាចក្រកម្ពុជាបានប្រទានសញ្ជាតិខ្មែរកាលពីថ្ងៃទី២៦ ខែឧសភា ឆ្នាំ២០២៣ បន្ទាប់ពីរូបគេបានឡើងប្រកួតតំណាងឲ្យកម្ពុជាទាំងក្នុងស្រុក និងក្រៅប្រទេសរយៈពេលជាង១០ឆ្នាំមកហើយ។
កីឡាករ Emmanuel បានចូលមកស្នាក់នៅប្រទេសកម្ពុជា និងហ្វឹកហាត់កីឡាប្រដាល់គុនខ្មែរអស់រយៈពេលជាង១០ឆ្នាំហើយ។ រូបគេបានឡើងប្រកួតប្រដាល់គុនខ្មែរនៅក្នុងប្រទេសកម្ពុជាជាច្រើនលើកមុនពេលចេញទៅប្រកួតនៅក្រៅប្រទេស។
នៅឆ្នាំ២០១៨ Emmanuel Onyedikachi បានចេញទៅប្រកួតនៅសង្វៀនធំប្រចាំអាស៊ីគឺ ONE Championship ដោយរហូតដល់ពេលនេះធ្លាប់ប្រកួតបាន៥ដងគឺឈ្នះ៤ និងចាញ់១។ នៅថ្ងៃទី៣១ ខែមីនា ឆ្នាំ២០១៨ នៅប្រទេសសិង្ហបុរី រូបគេបានប្រកួតឈ្នះកីឡាករថៃ NAT NATCHAYANGKUL ដោយពិន្ទុ។
បន្ទាប់មកនៅថ្ងៃទី១៩ ខែកក្កដា ឆ្នាំ២០១៨ នៅប្រទេសសិង្ហបុរី កីឡាករដែលទើបទទួលបានសញ្ជាតិខ្មែររូបនេះបានប្រកួតឈ្នះកីឡាករឥណ្ឌា SANDEEP KUMAR DAHIYA តាមរយៈការទាត់ជើងឲ្យបោះបង់ចោលការប្រកួតក្នុងទឹកទី១។
នៅថ្ងៃទី១១ ខែតុលា ឆ្នាំ២០១៨ នៅប្រទេសសិង្ហបុរី Emmanuel បានប្រកួតឈ្នះកីឡាករចិន XIAOXIANG XIE ដោយពិន្ទុ បន្ទាប់ពីតស៊ូគ្នា៣ទឹក។ ចូលឆ្នាំ២០១៩ រូបគេបានប្រកួតពីរលើកទៀតគឺថ្ងៃទី២៨ ខែកុម្ភៈ រូបគេបានចាញ់កីឡាករអាមេរិក BAM MORRIS ក្នុងទឹកទី១ ប៉ុន្តែដល់ថ្ងៃទី៥ ខែតុលា រូបគេបានប្រកួតឈ្នះកីឡាករអាមេរិករូបនេះវិញដោយពិន្ទុ។
ក្រៅពីប្រកួតលក្ខណៈគុនខ្មែរ និងឃីកបុកស៊ីង កីឡាករ Emmanuel ក៏ធ្លាប់បានប្រកួតគុនចម្រុះ (MMA) ដែរ។ ក្រោយមកដោយសារវិបត្តិកូវីដ-១៩ រូបគេមិនបានចេញមុខប្រកួតទាំងនៅក្នុងស្រុក និងក្រៅប្រទេស។
រាល់ពេលដែលរូបគេបានឡើងប្រកួតលើឆាកអន្តរជាតិម្តងៗ រូបគេតែងតែលើកទង់ជាតិកម្ពុជាជានិច្ចពោលគឺដើម្បីបង្ហាញឲ្យពិភពលោកដឹងថា រូបគេមកពីប្រទេសកម្ពុជា និងតំណាងឲ្យគុនខ្មែរ។
កាលពីប៉ុន្មានខែមុនពោលគឺនៅពេលកីឡាករប្រេស៊ីល Thiago Teixeira ទទួលបានសញ្ជាតិខ្មែរ កីឡាករនីហ្សេរីយ៉ា Emmanuel ក៏ត្រូវបានមហាជនលើកឡើងពីគុណសម្បត្តិរបស់គេដែលតែងតែបង្ហាញទង់ជាតិខ្មែរលើឆាកអន្តរជាតិ និងគួរតែទទួលបានការលើកទឹកចិត្តដោយផ្តល់សញ្ជាតិខ្មែរ។ ពេលនេះរូបគេទទួលបានសញ្ជាតិខ្មែរដូចបំណងរបស់ខ្លួន និងអ្នកគាំទ្រហើយ៕
អត្ថបទ៖ វីរបុត្រ
លោក ហេង សួរ ប្រគល់កុំព្យូទ័រជាអំណោយសម្តេចបវរធិបតី ១៣៩គ្រឿង ជូនមន្ទីរ អង្គភាព គ្រឹះស្ថានអប់រំ
សម្ដេចតេជោ ស្ដាយដែលអ្នកសារព័ត៌មានចាត់ទុកថាថៃជោគជ័យលើការបង្ក្រាបបទល្មើសឆបោកតាមអនឡាញ តែថាកម្ពុជាបរាជ័យ
បណ្ឌិត សូ ណារ៉ូ ៖ ពលរដ្ឋកុំធ្វើតាមទណ្ឌិត សម រង្ស៊ី ព្រោះជាការញុះញង់ផ្តួលរំលំរដ្ឋាភិបាល និងជាបទល្មើសព្រហ្មទណ្ឌកម្រិតធ្ងន់
បុណ្យកោងកាងសន្តិភាពឆ្នាំនេះ÷ កូនកោងកាង៥ពាន់ដើម ត្រូវបានដាំនៅក្នុងសហគមន៍កោះកាពិ ខេត្តកោះកុង
លោកស្រី ដោ សម្ផស្ស៖ សមាគមកាយឫទ្ធិនារី ត្រូវយកចំណេះដឹងទៅផ្សព្វផ្សាយ ក្នុងសហគមន៍ ដើម្បីទីក្រុងយើងមានបរិស្ថានល្អ
Trump ដាក់លក្ខខណ្ឌបើ Zelensky ចង់មកចរចាម្តងទៀត
Trump និង Zelensky ឈ្លោះគ្នានៅសេតវិមាន ផ្អើលពិភពលោក
ជម្លោះ Trump-Zelensky ធ្វើឲ្យអឺរ៉ុបធ្លាក់ចូលវិបត្តិជ្រៅ, តើណាតូនិងអ៊ុយក្រែន ទៅជាយ៉ាងណា?
រុស្ស៊ីពង្រឹងការទូតយ៉ាងខ្លាំង ក្រោយអាមេរិកផ្សះផ្សាវិញ ប៉ុន្តែដូណាល់ ត្រាំបំបែកសម្ព័ន្ធមិត្ត
មេដឹកនាំបណ្តាប្រទេសនៅអឺរ៉ុបបង្ហាញជំហរពិតក្នុងជម្លោះត្រាំនិងហ្សេលេនស្គី
-
សេចក្ដីជូនដំណឹង១ សប្តាហ៍ agoរៃហ្គេត ហ្គ្រេមម័រ ស្គូល ភ្នំពេញ ដើមកំណើត៣៥០ឆ្នាំ ពីចក្រភពអង់គ្លេស
-
ព័ត៌មានអន្ដរជាតិ៤ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ៧ ថ្ងៃ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៤ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៥ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៦ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម២ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៥ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ