កីឡា

Xavi ថា ៖ «ឥឡូវនេះវាអាស្រ័យលើ Messi ថាចង់មក Barcelona ឬអត់»

បានផុស

២ years មុន

នៅ

ថ្ងៃសុក្រ ២ មិថុនា ២០២៣

ដោយ

បន្ទាប់ពី Lionel Messi ត្រូវបានក្លិប Paris Saint-Germain ប្រកាសនឹងចាកចេញនៅចុងបញ្ចប់នៃរដូវកាលនេះ Xavi បានផ្តល់បទសម្ភាសន៍មួយទៀតដែលបាននិយាយអំពី Lionel Messi ហើយមានអារម្មណ៍ថា វាអាស្រ័យលើ Messi ផ្ទាល់ ថាតើគេត្រលប់ទៅ Barcelona ឬអត់។

គ្រូបង្វឹករបស់ក្លិប Barcelona ធ្លាប់បាននិយាយថា ទ្វារបើកចំហរសម្រាប់ Messi ត្រលប់មកផ្ទះវិញ បន្ទាប់ពីកិច្ចសន្យារបស់ PSG របស់គេផុតកំណត់ ទោះបីជាបញ្ហាហិរញ្ញវត្ថុក៏នៅតែជាបញ្ហាសម្រាប់ក្លិបអ្នកមានបុណ្យមួយនេះ។

មកទល់ពេលនេះ Xavi ក៏បានផ្តល់ការបញ្ជាក់ថ្មីមួយទៀត ហើយគិតឡើងវិញថា ប្រសិនបើ Messi ចង់ត្រឡប់មកផ្ទះវិញ ក្លិបគួរតែអាចទទួលបានកិច្ចព្រមព្រៀងលើខ្សែបន្ទាត់។

Xavi បាននិយាយដូច្នេះថា ៖«Leo Messi នឹងសម្រេចចិត្តអនាគតរបស់គាត់នៅសប្តាហ៍ក្រោយ។ គាត់មាន ១០០% យល់ព្រមដើម្បីចូលរួមជាមួយពួកយើង”។

«គាត់ដឹងថា យើងត្រៀមខ្លួនជាស្រេចដើម្បីស្វាគមន៍គាត់។ គ្មានអ្វីផ្លាស់ប្តូរទេ យើងមានឱកាស។ យើងចង់បាន Leo នៅទីនេះ។ អនុញ្ញាតឱ្យគាត់សម្រេចចិត្ត។ ខ្ញុំត្រៀមខ្លួនជាស្រេចដើម្បីបញ្ចូលគាត់នៅក្នុងប្រព័ន្ធលេងរបស់យើង។» Messi បានប្រាប់បន្ថែមនៅលើ Mundo Deportivo។

Barcelona នៅតែត្រូវបានគេគិតថា កំពុងរង់ចាំពី La Liga ដើម្បីស្វែងរកឱ្យច្បាស់នូវអ្វីដែលពួកគេអាចធ្វើនៅក្នុងទីផ្សារដោះដូរកីឡាកររដូវក្តៅ។

Messi ត្រូវបានគេគិតថា ចង់ឱ្យអនាគតរបស់គេសម្រេចបានយ៉ាងឆាប់រហ័ស។ គេនឹងលេងការប្រកួតចុងក្រោយនៅ PSG ចុងសប្តាហ៍នេះ ហើយបន្ទាប់មកនឹងប្តូរគំនិតរបស់ខ្លួនទៅរដូវកាលក្រោយ៕

ប្រែសម្រួល ៖ មន្នីរ័ត្ន

ប្រភព៖ espn.com