កីឡា

អបអរសាទរ! ព្រឹកនេះកម្ពុជាឈ្នះមេដាយមាស២គ្រឿងទៀត

បានផុស

២ years មុន

នៅ

ថ្ងៃអង្គារ ៦ មិថុនា ២០២៣

ដោយ

ក្រុមអត្តពលកម្មកម្ពុជាបានឈ្នះមេដាយមាស២គ្រឿងទៀតសម្រាប់ការប្រកួតព្រឹកថ្ងៃទី៦ ខែមិថុនា ឆ្នាំ២០២៣នេះក្នុងព្រឹត្តិការណ៍អាស៊ានប៉ារ៉ាហ្គេម លើកទី១២ នៅកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មេដាយមាសទី១ រកបានដោយកីឡាការិនីពិការរត់ប្រណាំង យិន សូត សម្រាប់វិញ្ញាសារត់ចម្ងាយ៤០០ម៉ែត្រ។ យិន សូត ធ្វើបានថិរវេលា២.៥៦.៧៤០នាទីដើម្បីទទួលបានមេដាយមាស ខណៈមេដាយប្រាក់បានទៅកីឡាការិនីវៀតណាម Nguyeen Kim Xuyen ធ្វើបានថិរវេលា៣.០៥.៤៦០នាទី។ កាលពីម្សិលមិញ កីឡាការិនីកម្ពុជារូបនេះបានឈ្នះមេដាយសំរិទ្ធ លើវិញ្ញាសារត់ចម្ងាយ៤០០ម៉ែត្រ។

មេដាយមាសទី២រកបានដោយកីឡាការិនីពិការរត់ប្រណាំង ងួន រតនា សម្រាប់វិញ្ញាសារត់ចម្ងាយ១៥០០ម៉ែត្រ។ នេះជាការការពារមេដាយមាសរត់ចម្ងាយ១៥០០ម៉ែត្របានសម្រេចសម្រាប់កីឡាការិនីពិការ ងួន រតនា បន្ទាប់ពីបានឈ្នះលើកទី១នៅក្នុងអាស៊ានប៉ារ៉ាហ្គេម លើកទី១១ ឆ្នាំ២០២២ នៅប្រទេសឥណ្ឌូណេស៊ី។

រហូតដល់ពេលនេះ កម្ពុជាក្នុងនាមជាម្ចាស់ផ្ទះទទួលបានមេដាយមាស៥គ្រឿងហើយគឺក្រុមកីឡាការិនីបាល់បោះរទេះ១គ្រឿងសម្រាប់វិញ្ញាសា៣ទល់៣, កីឡាការិនី វ៉ិត ចន្ថា រកបាន២គ្រឿងសម្រាប់វិញ្ញាសាលោតចម្ងាយ និងរត់ចម្ងាយ៤០០ម៉ែត្រ, កីឡាការិនី យិន សូត រកបាន១គ្រឿងសម្រាប់វិញ្ញាសារត់ចម្ងាយ៤០០ម៉ែត្រ និងកីឡាការិនី ងួន រតនា រកបាន១គ្រឿងសម្រាប់វិញ្ញាសារត់ចម្ងាយ១៥០០ម៉ែត្រ៕

អត្ថបទ៖ វីរបុត្រ

Related Topics:អាស៊ានប៉ារ៉ាហ្គេម ២០២៣