កីឡា

យុវជនភ្នំពេញក្រោន ប្រជែងកៅអីលេខ៣ ជាមួយអាយ អេស អាយ ដង្កោសែនជ័យ ក្នុងពានលីគទី២

បានផុស

៤ years មុន

នៅ

ថ្ងៃសៅរ៍ ២៣ មករា ២០២១

ដោយ

ក្រុមបាល់ទាត់យុវជនក្រោមអាយុ២១ឆ្នាំរបស់ភ្នំពេញក្រោន (U21) ត្រូវប្រកួតជាមួយក្រុម អាយ អេស អាយ ដង្កោសែនជ័យ ដើម្បីដណ្តើមចំណាត់ថ្នាក់លេខ៣ នៅវេលាម៉ោង៣រសៀលថ្ងៃសៅរ៍ ទី២៣ ខែមករា ឆ្នាំ២០២១ ក្នុងពានរង្វាន់បាល់ទាត់ជម្រើសជើងឯកលីគ២ឆ្នាំ២០២០ (Cambodian League 2 – 2020) ដែលរៀបចំដោយសហព័ន្ធកីឡាបាល់ទាត់កម្ពុជា។

ពានរង្វាន់លីគទី២ឆ្នាំ២០២០ បានពន្យារពេលជាច្រើនដងដោយសារបញ្ហាកូវីដ១៩ ទើបបានឆ្លងដល់ឆ្នាំ២០២១នេះតែម្តង។ ពានរង្វាន់នេះមានក្រុមចូលរួមចំនួន១០ ក្រុម ហើយក្រុមទាំងអស់ត្រូវប្រកួតគ្នាវិលជុំចំនួន១ជុំ ស្វែងរកក្រុមមានពិន្ទុខ្ពស់ជាងគេចំនួន៤ក្រុម។ ជាលទ្ធផលក្រុមខេត្តព្រៃវែង ឈរលេខ១ ក្រុម TIFFY Army FC U-21 ឈរលេខ២ ហើយក្រុមភ្នំពេញក្រោន U-21 និងក្រុមអាយ អេស អាយ ដង្កោសែនជ័យ ជាប់លេខ៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គណៈកម្មការរៀបចំការប្រកួតកំណត់ឲ្យក្រុមទាំង៤ក្រុមប្រកួត Play Off ដោយក្រុមអាយ អេស អាយ ជួបក្រុមភ្នំពេញក្រោន នៅវេលាម៉ោង៣រសៀលថ្ងៃសៅរ៍ ទី២៣ ខែមករា ឆ្នាំ២០២១ ឯទីលានកីឡដ្ឋាន Smart RSN Stadium។ ក្រុមឈ្នះឡើងទៅជួបក្រុម TIFFI Amry U-21 ដែលឈរចំណាត់ថ្នាក់លេខ២ នៅម៉ោង៣រសៀលថ្ងៃទី២៦ ខែមករា ឆ្នាំ២០២១ លើទីលានកីឡដ្ឋានស្តាតចាស់។ ជាបន្តក្រុមក្រុមសមាគមកីឡាបាល់ទាត់ខេត្តព្រៃវែង អង្គុយចាំនៅវគ្គផ្តាច់ព្រ័ត្រ នៅម៉ោង៣រសៀលថ្ងៃទី៣០ ខែមករា ឆ្នាំ២០២១ លើទីលានកីឡដ្ឋានខេត្តព្រៃវែង។

ពានរង្វាន់លីគលំដាប់ទី២ បានចាប់ផ្ដើមជាលើកដំបូងកាលពីឆ្នាំ២០១៦ ដោយកាលនោះមាន ៩ក្រុមចូលរួមប្រកួត ហើយជើងឯកគឺបានទៅក្លិបគីរីវង់សុខសែនជ័យ។ នៅឆ្នាំ២០១៧ មាន ៧ក្រុមចូលរួមប្រកួត ហើយជើងឯកគឺបានទៅក្លិបវិសាខា។ ក្រោយមកទៀតនៅឆ្នាំ ២០១៨ និង ២០១៩ សហព័ន្ធកីឡាបាល់ទាត់កម្ពុជា មិនបានរៀបចំព្រឹត្តិការណ៍នេះឡើងនោះទេ។ នៅឆ្នាំ២០២១ នេះក្រុមដែលឈ្នះជើងឯកលីគទី២នេះនឹងទទួលបានកៅអីឡើងទៅលេងក្នុងពានរង្វាន់លីគកំពូលកម្ពុជា ឆ្នាំ២០២១ ខាងមុខទៀតផង៕

អត្ថបទ៖ ម៉េង ហួរ

សូមចុចអាន៖ ខ្លាំងមែន! Capitan ផ្ដួល Ramazanov ដើម្បីក្លាយជាម្ចាស់ខ្សែក្រវាត់ពិភពលោកថ្មី